ഫൗണ്ടേഴ്​സ്​ മെമോറിയൽ 22ന്​ പൊതുജനങ്ങൾക്കായി തുറക്കും

അബൂദബി: യു.എ.ഇ രാഷ്​ട്രപിതാവിന്​ ആദരമായി സ്​ഥാപിച്ച സ്​ഥായിയായ സ്​മാരകം ‘ഫൗണ്ടേഴ്​സ്​ മെമോറിയൽ’ എപ്രിൽ 22ന്​ പൊതുജനങ്ങൾക്കായി തുറന്നുകൊടുക്കും. ശൈഖ്​ സായിദി​​​െൻറ ദീർഘവീക്ഷണമുള്ള നേതൃത്വവും രാജ്യത്തിനും ലോകത്തിനും മേൽ അദ്ദേഹത്തിനുണ്ടായിരുന്ന വിശാലമായ സ്വാധീനവും ഉദ്​ഘോഷിക്കാനായി സ്​ഥാപിച്ച ഫൗണ്ടേഴ്​സ്​ മെമോറിയൽ രാഷ്​ട്രപിതാവി​​​െൻറ ജീവിത സന്ദേശവും പൈതൃകവും സന്ദർശക​രിലേക്ക്​ പകരുക എന്ന ലക്ഷ്യത്തോടെയാണ്​ പൊതുജനങ്ങൾക്ക്​ മുമ്പിൽ വാതിൽ തുറക്കുന്നത്​. 

അബൂദബി കോർണിഷിൽ 3.3 ഹെക്​ടറിലായി മനോഹരമായ ഭൂപ്രകൃതിയോടെ ഒരുക്കിയിരിക്കുന്ന സ്​മാരകത്തിലേക്ക്​ സൗജന്യ പ്രവേശം അനുവദിക്കും. എല്ലാ ദിവസവും രാവിലെ ഒമ്പത്​ മുതൽ രാത്രി പത്ത്​ വരെ സ്​മാരകം പ്രവർത്തിക്കും.പബ്ലിക്​ ആർട്ടിസ്​റ്റ്​ റാൽഫ്​ ഹെൽമിക്​ ഡിസൈൻ ചെയ്​ത ശൈഖ്​ സായിദി​​​െൻറ ത്രിമാന പോർട്രെയ്​റ്റോടെയുള്ള കോൺസ്​റ്റലേഷനാണ്​ സ്​മാരകത്തി​​​െൻറ പ്രധാന ആകർഷണം. സ്​മാരകത്തി​​​െൻറ ഒത്ത മധ്യത്തിലാണ്​ കോൺസ്​റ്റലേഷൻ സ്​ഥാപിച്ചിരിക്കുന്നത്​. സ്​മാരകത്തി​​​െൻറ ഒൗദ്യോഗിക ഉദ്​ഘാടനം നടന്ന ഫെബ്രുവരി 26നാണ്​ കോൺസ്​റ്റലേഷനും പ്രകാശനം ചെയ്​തത്​. 
സ്വാഗതകേന്ദ്രം മുതൽ സന്ദർശകർക്ക്​ ആസ്വദിക്കാവുന്ന വിധമാണ്​ സ്​മാരകത്തി​​​െൻറ നിർമാണം. 

ശൈഖ്​ സായിദി​​​െൻറ ജീവിതം, പൈതൃകം, മൂല്യങ്ങൾ തുടങ്ങിയവ അപൂർവ വിഡിയോകളിലൂടെയും മൾട്ടി മീഡിയയിലൂടെ യും അറിയാൻ സാധിക്കും. ശൈഖ്​ സായിദ​​​െൻറ ശബ്​ദം കേൾക്കാൻ സാധിക്കുമെന്നത്​ സന്ദർശകരെ സംബന്ധിച്ച്​ വലിയ പ്രചോദനമാകും. അഭിമുഖങ്ങളുടെയും മറ്റും ഒാഡിയോ ക്ലിപ്പുകളിലൂടെയാണ്​ യു.എ.ഇയുടെ മഹാനായ നേതാവി​​​െൻറ ശബ്​ദം ജനങ്ങളുടെ കാതുകളിൽ പതിക്കുക.

ഇംഗ്ലീഷിലും അറബിയിലുമുള്ള ടൂർ ഗൈഡുകൾ കേന്ദ്രത്തിൽ സന്ദർശകർക്ക്​ ലഭിക്കും. ശൈഖ്​ സായിദി​​​െൻറ പ്രകൃതി സ്​നേഹം പരിഗണിച്ച്​ യു.എ.ഇയിലെയും അറേബ്യൻ ഉപദ്വീപിലെയും അപൂർവ സസ്യങ്ങളും ചെടികളും സ്​മാരകത്തിൽ വളർത്തിയിട്ടുണ്ട്​. ഖാഫ്​ മരത്തോപ്പുകളും  സിദ്​ർ മരങ്ങളും സ്​മാരകത്തിൽ തണൽ വിരിച്ചിട്ടുണ്ട്​. ഇൗത്തപ്പനകളും അക്കേഷ്യകളും സമർ മരങ്ങളും തലയുയർത്തി നിൽക്കുന്നുണ്ട്​. പബ്ലിക്​ പ്ലാസ എന്ന പേരിൽ ഒരുക്കിയ സ്​ഥലത്ത്​ ജനങ്ങൾക്ക്​ കലാസൃഷ്​ടികളും ഉദ്യാനവും ആസ്വദിക്കാനും വിശ്രമിക്കാനും സാധിക്കും. ജനങ്ങൾക്ക്​ ഒത്തുകൂടാനും ഇവിടെ സൗകര്യമൊരുക്കിയിട്ടുണ്ട്​. ഫലജുകളെ അനുസ്​മരിപ്പിക്കുന്ന നീർച്ചാലുകളും പൈതൃക ഉദ്യാനവും ഒൗഷധ സസ്യങ്ങളും കണ്ണിന്​ കുളിർമയാകും. ആയിരത്തോളം കേബിളുകളിലായി 1327 ജ്യാമിതീയ രൂപങ്ങൾ തൂക്കിയിട്ടിട്ടുണ്ട്​. അബൂദബി കോർണിഷ്​ ഭാഗത്തേക്ക്​ പോകു​േമ്പാൾ 18ാം സ്​ട്രീറ്റിലാണ്​ ഫൗണ്ടേഴ്​സ്​ മെമോറിയൽ. പൊതു പാർക്കിങ്​ സൗകര്യം ഇവിടെ ലഭ്യമാണ്​.