ഫോർമുല വൺ കാറോട്ടം: യാസ്​ മറീനയിൽ വെർസ്​റ്റാപ്പെൻ തന്നെ താരം

ദുബൈ: കോവിഡിൽനിന്നു കരകയറുന്ന ലോകത്തിന് വേഗപ്പൂരത്തി​െൻറ ആവേശംതീർത്ത ഫോർമുല വൺ കാറോട്ടത്തിന് പരിസമാപ്തി. തീപാറുന്ന പോരാട്ടത്തിനൊടുവിൽ റെഡ്​ബുൾ താരം മാക്​സ്​ വെർസ്​റ്റാപ്പെൻ ഒന്നാമതെത്തി. ശനിയാഴ്​ച നടന്ന യോഗ്യത റൗണ്ടിലെ മികച്ച പ്രകടനം അതിലും മികവോടെ ആവർത്തിച്ചാണ് ഇൗ റെഡ്ബുൾ താരം കിരീടമുയർത്തിയത്. പരിശീലനപ്പറക്കലിനും യോഗ്യത മത്സരങ്ങൾക്കുംശേഷം അബൂദബി യാസ്​ മറീന സർക്യൂട്ടിൽ ലോക ചാമ്പ്യൻ ലൂയിസ് ഹാമിൽട്ടൺ ഹാട്രിക്​ കിരീടം ചൂടുമോ എന്ന ആരാധകരുടെ ആകാംക്ഷ വിഫലമായി. ലൂയിസ് ഹാമിൽട്ടണ്​ മൂന്നാംസ്ഥാനം കൊണ്ടു തൃപ്തിപ്പെടേണ്ടിവന്നു. എന്നാൽ, മെഴ്​സിഡസി​െൻറ താരമായ വാൾ​ട്ടെറി ബോട്ടാസ് അവിശ്വസനീയ കുതിപ്പ് നടത്തി രണ്ടാമതെത്തി. പരിശീലനമത്സരത്തിൽ ഹാമിൽട്ടണും പിന്നിൽ ഒമ്പതാം സ്​ഥാനത്തായിരുന്നു ​വാൾ​ട്ടെറി ബോട്ടാസ്.

കോവിഡിൽനിന്ന് മുക്തി നേടിയെത്തിയ ഹാമിൽട്ടണും വെർസ്​റ്റാപ്പെനും തമ്മിലുള്ള പോരാട്ടത്തിന്​ ലോകം മുഴുവൻ അബൂദബിയിലേക്ക് കണ്ണുതിരിച്ചെങ്കിലും നിരാശയായിരുന്നു ഫലം. കഴിഞ്ഞ രണ്ടു​ സീസണിലും ജേതാവായ ഹാമിൽട്ടണ്​ ബഹ്​റൈനിൽ നടന്ന ഗ്രാൻഡ്​പ്രീക്കിടെയാണ്​ കോവിഡ്​ സ്​ഥിരീകരിച്ചത്​. അബൂദബിയിൽ താരം ട്രാക്കിലിറങ്ങുമോ എന്ന കാര്യം സംശയമായിരുന്നു. വേഗപ്പോരി​െൻറ പൂരം കാണാൻ 600ഓളം കോവിഡ്​ മുന്നണി പോരാളികൾ യാസ്​ മറീന സർക്യൂട്ടിലെത്തിയത് ശ്രദ്ധേയമായി. കോവിഡ്​ കാലത്ത്​ പോരാട്ടത്തിനിറങ്ങിയവർക്കുള്ള ആദരസൂചകമായാണ്​ ഇവർക്ക്​ റേസിങ്​ കാണാൻ അവസരമൊരുക്കിയത്​. ഇവർ മാത്രമായിരുന്നു കാണികൾ. കഴിഞ്ഞ വർഷം പതിനായിരക്കണക്കിന്​ കാണി​കളാണ്​ യാസ്​ മറീന സർക്യൂട്ടിലേക്കെത്തിയത്​. അടുത്തവർഷത്തെ ഫോർമുല വൺ സീസണി​െൻറ ഗ്രാൻഡ്​ ഫൈനൽ അബൂദബിയിലാണ് നടക്കുന്നത്​​. അതിനാൽ, ഈ ഫൈനൽ അടുത്ത വർഷത്തേക്കുള്ള ട്രയൽ കൂടിയായിരിക്കും. എത്തിഹാദ്​ എയർ​വേസാണ്​ മുഖ്യ സ്​പോൺസർമാർ. തുടർച്ചയായ 12ാം വർഷമാണ്​ ചാമ്പ്യൻഷിപ്പിന്​ അബൂദബി ആതിഥ്യമരുളുന്നത്​.