Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightഖത്തർ വഴി...

ഖത്തർ വഴി യു.എ.ഇയിലേക്ക്​ വരുന്നവർ അറിയാൻ...

text_fields
bookmark_border
ഖത്തർ വഴി യു.എ.ഇയിലേക്ക്​ വരുന്നവർ അറിയാൻ...
cancel

ഏതുവഴിയും യു.എ.ഇയിൽ എത്തണമെന്ന ആഗ്രഹത്തിലാണ്​ പ്രവാസികൾ. ഉസ്​ബകിസ്​താൻ, അർമേനിയ തുടങ്ങിയ രാജ്യങ്ങളായിരുന്നു ആശ്രയം. ഇ​പ്പോൾ, ഖത്തർകൂടി തുറന്നതോടെ അതുവഴി യു.എ.ഇയിൽ എത്താനുള്ള ശ്രമത്തിലാണ്​ മലയാളികൾ അടക്കമുള്ളവർ. 14 ദിവസം ഖത്തറിൽ തങ്ങിയ ശേഷം യു.എ.ഇയിൽ എത്താൻ നൂറുകണക്കിനാളുകൾ അവിടെ എത്തിയിട്ടുണ്ട്​. 10​ ദിവസം മുമ്പ്​​ ഖത്തറിൽ എത്തിയ ദുബൈ മോഡേൺ ഫാമിലി ക്ലിനിക്കിലെയും മെഡ്​കെയറിലെയും​ പീഡിയാട്രീഷൻ ഡോ. സബിത രാമചന്ദ്രൻ നായർ ​ഖത്തർ വഴിയുള്ള യാത്ര​ എഴുതുന്നു...

അസുഖബാധിതനായ അച്ഛനെ കാണാൻ ജൂലൈ മൂന്നിനാണ്​ നാട്ടിലെത്തിയത്​. വിമാന സർവിസ്​ വൈകാതെ തുടങ്ങുമെന്നായിരുന്നു പ്രതീക്ഷയെങ്കിലും അനിശ്ചിതമായി നീണ്ടതോടെ അർമേനിയ വഴി പോകാനായിരുന്നു ആദ്യ തീരുമാനം.

കാസർകോട്ടുള്ള സ്​കൈ ട്രാവലേഴ്​സ്​ വഴിയാണ്​ വിവരങ്ങൾ അന്വേഷിച്ചത്​. ഈ സമയത്താണ്​ ഖത്തറിലേക്കുള്ള വഴിതുറന്നതായി അറിയുന്നത്​. ട്രാവൽ ഏജൻസിയുടെ നിർദേശപ്രകാരം ജൂലൈ 21ന്​ ഖത്തറിലേക്ക്​ ടിക്കറ്റ്​ ബുക്ക്​ ചെയ്​തു. ഫൈസറി​െൻറ രണ്ട്​ ഡോസ്​ വാക്​സിനേഷനും നേരത്തെ പൂർത്തീകരിച്ചതിനാൽ കാര്യങ്ങൾ എളുപ്പമായി. ഖത്തറിലേക്ക്​ ഇ–വിസയാണ്​ എടുത്തത്​. യാത്ര തനിച്ചായതിനാൽ സുരക്ഷ മുൻനിർത്തി ഫോർ സ്​റ്റാർ ഹോട്ടലും ബുക്ക്​ ചെയ്​തു. 48 മണിക്കൂറിനുള്ളിലെടുത്ത പി.സി.ആർ പരിശോധന പൂർത്തിയാക്കി 21ന്​ ഖത്തറിലേക്ക്​ തിരിച്ചു.

കൊച്ചി വിമാനത്താവളത്തിൽനിന്ന്​ ഖത്തറി​െൻറ ഫ്രീ സിം കിട്ടും. അത്​ വാങ്ങുന്നത്​ നല്ലതാണ്​. കാരണം, ഖത്തറിലെത്തിയാൽ ഇഹ്​തിറാസ്​ ആപ്പിൽ രജിസ്​റ്റർ ചെയ്യാൻ​ ഫോൺ നമ്പർ ആവശ്യമാണ്​. ഇതിലേക്ക്​ വരുന്ന ഒ.ടി.പി ഉപയോഗിച്ചാണ്​ ആപ്പിൽ രജിസ്​റ്റർ ചെയ്യേണ്ടത്​. ഖത്തറിലെ വിമാനത്താവളത്തിലും സിം ലഭിക്കും. വിമാനത്താവളത്തിൽ എത്തി വൈഫൈ കണക്​ട്​ ചെയ്​ത ശേഷം ഞാൻ കുറേ ശ്രമിച്ചിട്ടും ആപ്പിൽ രജിസ്​റ്റർ ചെയ്യാൻ കഴിഞ്ഞില്ല. ഫോണി​െൻറ പ്രശ്​നമാണെന്നും ഫോൺ മാറേണ്ടിവരുമെന്നും അധികൃതർ അറിയിച്ചതോടെ പ്രതിസന്ധിയിലായി.

എന്നാൽ, കൂടെയുണ്ടായിരുന്ന മലയാളി കുടുംബം സഹായിച്ചു. അവരുടെ ഫോണിലെ ഹോട്ട്​സ്​പോട്ട്​ ഓൺ ചെയ്​ത ശേഷം എ​െൻറ മൊബൈൽ കണക്​ട്​ ചെയ്​തതോടെ ആപ് വഴിയുള്ള രജിസ്​ട്രേഷൻ പൂർത്തിയാക്കാൻ കഴിഞ്ഞു. ആപ് ഇല്ലാതെ വിമാനത്താവളത്തിൽനിന്ന്​ പുറത്തിറങ്ങാൻ സമ്മതിക്കില്ല. വിമാനത്താവളത്തിൽനിന്ന്​ ഹോട്ടലിലേക്ക്​ നേരിട്ട്​ അവരുടെ സർവിസുണ്ടായിരുന്നു.

ഖത്തറിൽ മികച്ച ഹോട്ടൽ സൗകര്യമാണ്​. ​മൂന്ന്​ നേരവും ഭക്ഷണം കൃത്യമായി എത്തിക്കും. രണ്ട്​ ഡോസ്​ വാക്​സിനെടുത്തതിനാൽ ക്വാറൻറീൻ ഇല്ല. ഇവിടെ ഇറങ്ങിയ ഉടൻ 300 റിയാൽ നൽകി പി.സി.ആർ ടെസ്​റ്റ്​ നടത്തണം. പരിശോധന നടത്തുന്നിടത്ത്​ ഉൾപ്പെടെ നിരവധി മലയാളികൾ ഉണ്ട്​. അക്കൗണ്ടിൽ 5000 റിയാലിന്​ സമാനമായ തുക വേണമെന്ന്​ പലരും പറഞ്ഞുകേൾക്കുന്നു. അതേക്കുറിച്ചൊന്നും വിമാനത്താവളത്തിൽ ആരും ചോദിച്ചില്ല.

ഞാൻ എത്തിയ ശേഷമാകാം ഈ നിബന്ധന നടപ്പാക്കിയത്​. 1.31 ലക്ഷമാണ്​ പാക്കേജ്​ തുക. എന്നാൽ, ഹോട്ടലുകളുടെ നിലവാരം അനുസരിച്ച്​ പാക്കേജി​െൻറ നിരക്ക്​ വ്യത്യാസപ്പെടാം. സുരക്ഷിതമാണ്​ ഇവിടം. ആഗസ്​റ്റ്​ അഞ്ചിന്​ ഷാർജയിലേക്കാണ്​ ടിക്കറ്റെടുത്തിരിക്കുന്നത്​. അതിന്​ മുമ്പ്​​ പി.സി.ആർ പരിശോധന നടത്തണം. അതും പാക്കേജിലുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:TravelUAEQatar
News Summary - For those coming to UAE via Qatar to know ...
Next Story