ഭക്ഷ്യബാങ്കി​െൻറ  ഫ്രിഡ്​ജുകളും തയ്യാർ, വിശപ്പകറ്റാൻ സമഗ്ര പദ്ധതികൾ

ദുബൈ: ഇല്ലാത്തവരുടെ വിശപ്പകറ്റാനും ഭക്ഷണം പാഴാവുന്നതു തടയാനും ലക്ഷ്യമിട്ട്​ ദാനവർഷ പ്രവർത്തനങ്ങളുടെ ഭാഗമായി യു.എ.ഇ വൈസ്​പ്രസിഡൻറ്​ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം പ്രഖ്യാപിച്ച യു.എ.ഇ ഫുഡ്​ബാങ്കി​​​െൻറ റമദാൻ ​ഫ്രിഡ്​ജുകൾ പള്ളിക​ളിലേക്ക്​ എത്തിത്തുടങ്ങി. ഏറ്റവും കുറഞ്ഞത്​ 80 ​​ഫ്രിഡ്​ജുകളെങ്കിലും ദുബൈയുടെ വിവിധ ഭാഗങ്ങളിലായി സ്​ഥാപിക്കും. വെള്ളം, മോര്​, പഴച്ചാറുകൾ എന്നിവക്കു പുറമെ വീടുകളിൽ പാചകം ചെയ്​തതും ഭക്ഷണ ശാലകളിൽ തയ്യാറാക്കിയതുമായ ഭക്ഷ്യവസ്​തുക്കൾ ​ഫ്രിഡ്​ജിൽ സൂക്ഷിക്കാം.

ഭക്ഷണം ആവശ്യമുള്ളവർക്ക്​ ഇവിടെ എത്തി തനിക്കും കുടുംബത്തിനും ആവശ്യമായത്​ എടുക്കാം.  ആവശ്യത്തിലേറെ എടുത്ത്​ ഭക്ഷണം പാഴാവുന്ന അവസ്​ഥയുണ്ടാവരുതെന്നു മാത്രം. ഇവിടെ സാമൂഹിക വികസന അതോറിറ്റി (സി.ഡി.എ)യുടെ പരിശീലനം ലഭിച്ച സന്നദ്ധസേവകർ ​​ഫ്രിഡ്​ജുകളുടെ മേൽനോട്ടത്തിൽ ഇവയുടെ ശേഖരണവും വിതരണവും നടത്തും.  ഭക്ഷണം കേടുകൂടാതെ സുരക്ഷിതമായി വിതരണം ചെയ്യുന്നതിന്​ ആവശ്യമായ പരിശീലനമാണ്​ അവർക്ക്​ നൽകുക.  ഇതാദ്യമായാണ്​ വീടുകളിൽ പാകം ചെയ്​ത ഭക്ഷണം ഭക്ഷ്യബാങ്കിലേക്ക്​ സ്വീകരിക്കുന്നത്​. ഭക്ഷണത്തി​​​െൻറ ഗുണത്തിന്​ കേടുവരാത്ത രീതിയിൽ ഉ ചിതമായ ഉൗഷ്​മാവിൽ സൂക്ഷിച്ച ഭക്ഷണം മാത്രമേ സ്വീകരിക്കൂ എന്ന്​ ഫുഡ്​ബാങ്ക്​ അധികൃതർ നിഷ്​കർഷിക്കുന്നുണ്ട്​. പള്ളികളിൽ ചുമതല ​ഏൽപ്പിക്കപ്പെട്ട വളണ്ടിയർമാർ ഇതു സംബന്ധിച്ച നിർദേശങ്ങളും ചട്ടങ്ങളും വിശദീകരിച്ച്​ നൽകും.

വിദ്യാർഥികളുൾപ്പെടെ നിരവധി പേർ സന്നദ്ധ സേവനത്തിന്​ താൽപര്യം അറിയിച്ച്​ മുന്നോട്ടു വന്നതായി  ആരോഗ്യ വിഭാഗം ഉപ ഡയറക്​ടർ ഖാലിദ്​ മുഹമ്മദ്​ ശരീഫ്​ അൽ അവാധി വ്യക്​തമാക്കി.  നഗരസഭയുടെയും ഭക്ഷ്യബാങ്കി​​​െൻറയും ഉന്നത ഉദ്യോഗസ്​ഥരും വിദഗ്​ധരും ഒാരോ  കേ​ന്ദ്രത്തിലും പരിശോധന നടത്തും. ചില ഉദ്യോഗസ്​ഥർ സന്നദ്ധ സേവനത്തിനുമെത്തും. അടുത്ത ഘട്ടത്തിൽ നഗരസഭയുടെ ​പാർക്കുകളിലേക്കും ​ഫ്രിഡ്​ജുകൾ വ്യാപിപ്പിക്കും.