ഭ​ക്ഷ്യ​ലോ​കം ദു​ബൈ​യി​ലേ​ക്ക്​; ഗ​ൾ​ഫു​ഡി​ന്​ ഉ​ജ്ജ്വ​ല തു​ട​ക്കം

ദു​ബൈ: വൈ​വി​ധ്യ​മാ​ർ​ന്ന ഭ​ക്ഷ്യ ഉ​ൽ​​പ​ന്ന​ങ്ങ​ളും രു​ചി​ക​ളും പ​രി​ച​യ​പ്പെ​ടു​ത്തു​ന്ന ലോ​ക​ത്തെ ഏ​റ്റ​വും വ​ലി​യ പ്ര​ദ​ർ​ശ​ന മേ​ള​യാ​യ​ ഗ​ൾ​ഫു​ഡി​ന്‍റെ 30ാമ​ത്​ പ​തി​പ്പി​ന്​​ തി​ങ്ക​ളാ​ഴ്ച ദു​ബൈ​യി​ൽ ഉ​ജ്ജ്വ​ല തു​ട​ക്കം. ദു​ബൈ വേ​ൾ​ഡ്​ ട്രേ​ഡ്​ സെ​ന്‍റ​റി​ൽ ആ​രം​ഭി​ച്ച മേ​ള​യി​ൽ ഇ​ത്ത​വ​ണ 129 രാ​ജ്യ​ങ്ങ​ളി​ൽ​നി​ന്നു​ള്ള 5500 പ്ര​ദ​ർ​ശ​ക​രാ​ണ്​ പ​​ങ്കെ​ടു​ക്കു​ന്ന​ത്. വ​മ്പ​ൻ ബ​ഹു​രാ​ഷ്ട്ര ക​മ്പ​നി​ക​ൾ മു​ത​ൽ സ്റ്റാ​ർ​ട്ട​പ് ഭ​ക്ഷ്യ സം​രം​ഭ​ങ്ങ​ൾ വ​രെ പ്ര​ദ​ർ​ശ​ക​രി​ൽ ഉ​ൾ​പ്പെ​ടും.

1.3 ദ​ശ​ല​ക്ഷം ച​തു​ര​ശ്ര അ​ടി​യി​ല​ധി​കം വി​സ്തൃ​തി​യു​ള്ള 24 പ്ര​ദ​ർ​ശ​ന ഹാ​ളു​ക​ളാ​ണ് വേ​ൾ​ഡ്​ ട്രേ​ഡ്​ സെ​ന്‍റ​റി​ൽ മേ​ള​ക്കാ​യി​ സ​ജ്ജ​മാ​ക്കി​യി​രി​ക്കു​ന്ന​ത്. ഏ​താ​ണ്ട്​ 10 ല​ക്ഷ​ത്തി​ല​ധി​കം വ്യ​ത്യ​സ്ത​ങ്ങ​ളാ​യ ഭ​ക്ഷ്യ ഉ​ൽ​​പ​ന്ന​ങ്ങ​ൾ മേ​ള​യി​ൽ പ്ര​ദ​ർ​ശി​പ്പി​ക്കും. ആ​ദ്യ​ദി​നം വ​ൻ തി​ര​ക്കാ​ണ്​ അ​നു​ഭ​വ​പ്പെ​ട്ട​ത്​. രാ​വി​ലെ മു​ത​ൽ സ​ന്ദ​ർ​ശ​ക​ർ ഒ​ഴു​കി​യെ​ത്തി​യ​തോ​ടെ വേ​ൾ​ഡ്​ ട്രേ​ഡ്​ സെ​ന്‍റ​റും പ​രി​സ​ര​വും ജ​ന​നി​ബി​ഡ​മാ​യി. രാ​വി​ലെ യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം മേ​ള​യി​ലെ​ത്തി​യി​രു​ന്നു. വി​വി​ധ സ്റ്റാ​ളു​ക​ൾ സ​ന്ദ​ർ​ശി​ച്ച ശേ​ഷ​മാ​ണ്​ അ​ദ്ദേ​ഹം മ​ട​ങ്ങി​യ​ത്.

ദുബൈ വേൾഡ്​ ട്രേഡ്​ സെന്‍ററിൽ ആരംഭിച്ച ഗൾഫുഡിലെ സന്ദർശകരുടെ തിരക്ക്

അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ ഏ​റ്റ​വും പു​തി​യ ഭ​ക്ഷ്യ ഉ​ൽ​പ​ന്ന​ങ്ങ​ൾ, വി​വി​ധ ചേ​രു​വ​ക​ൾ, രു​ചി​ക​ൾ എ​ന്നി​വ പു​റ​ത്തി​റ​ക്കു​ന്ന ക​മ്പ​നി​ക​ളു​മാ​യി സം​വ​ദി​ക്കാ​നും വ്യാ​പാ​ര ക​രാ​റു​ക​ളി​ൽ ഒ​പ്പു​വെ​ക്കാ​നും അ​വ​സ​ര​​മൊ​രു​ക്കി​യി​ട്ടു​ണ്ട്​. കൂ​ടാ​തെ, ലോ​ക​ത്തെ പ്ര​മു​ഖ ഷെ​ഫു​മാ​രി​ൽ​നി​ന്ന്​ പാ​ച​ക വൈ​ദ​ഗ്ധ്യം നേ​രി​ട്ട് അ​നു​ഭ​വി​ച്ച​റി​യാ​നും സാ​ധി​ക്കും. യു.​എ​സ്, ഫ്രാ​ൻ​സ്, ബ്ര​സീ​ൽ, യു.​കെ, ഇ​ന്ത്യ, സിം​ഗ​പ്പൂ​ർ, ജ​പ്പാ​ൻ, ആ​സ്‌​ട്രേ​ലി​യ, കൊ​സോ​വോ, മ​ഡ​ഗാ​സ്ക​ർ, മൊ​റീ​ഷ്യ​സ്, സാം​ബി​യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള ക​മ്പ​നി​ക​ളു​ടെ സ്റ്റാ​ളു​ക​ളും മേ​ള​യി​ൽ സ​ജീ​വ​മാ​ണ്​.

യു.​എ.​ഇ​യി​ലെ പ്ര​മു​ഖ മൊ​ത്ത വ്യാ​പാ​ര ശൃം​ഖ​ല​യാ​യ ജ​ലീ​ൽ കാ​ഷ്​ ആ​ൻ​ഡ്​ ക്യാ​രി, ടേ​സ്റ്റി​ഫു​ഡ്, അ​ബീ​വി​യ, ഈ​സ്​​റ്റേ​ൺ, ആ​ർ.​കെ.​ജി തു​ട​ങ്ങി​യ​വ​രും മേ​ള​യി​ൽ പ​ങ്കാ​ളി​ക​ളാ​ണ്. ഭ​ക്ഷ്യ ഉ​ൽ​പ​ന്ന രം​ഗ​ത്തെ നൂ​ത​നാ​ശ​യ​ങ്ങ​ൾ മു​ന്നോ​ട്ട് കൊ​ണ്ടു​പോ​കു​ന്ന​തി​നും ആ​ഗോ​ള​ത​ല​ത്തി​ൽ സ​ഹ​ക​ര​ണ​ങ്ങ​ൾ വ​ള​ർ​ത്തു​ന്ന​തി​നും ഫു​ഡ്​ ആ​ൻ​ഡ്​ ബി​വ​റേ​ജ്​ വ്യ​വ​സാ​യ​ത്തി​ന്‍റെ ഭാ​വി രൂ​പ​പ്പെ​ടു​ത്തു​ന്ന​തി​നു​മു​ള്ള മു​ൻ​നി​ര പ്ലാ​റ്റ്‌​ഫോ​മാ​യി ഗ​ൾ​ഫു​ഡ് മാ​റി​ക്ക​ഴി​ഞ്ഞ​താ​യി ഓ​ർ​ക്ക​ല ഇ​ന്ത്യ ഇ​ന്‍റ​ർ​നാ​ഷ​ന​ൽ സി.​ഇ.​ഒ അ​ശ്വി​ൻ സു​ബ്ര​ഹ്മ​ണ്യ​ൻ പ​റ​ഞ്ഞു. പു​തി​യ ഉ​ൽ​​പ​ന്ന​ങ്ങ​ൾ പ​രി​ച​യ​പ്പെ​ടു​ത്താ​നു​ള്ള മി​ക​ച്ച വേ​ദി​യാ​ണ്​ ഗ​ൾ​ഫു​​ഡ്​ എ​ന്ന്​ ജ​ലീ​ൽ ഡി​സ്​​ട്രി​ബ്യൂ​ഷ​ൻ ബ്രാ​ൻ​ഡ്​ മാ​നേ​ജ​ർ ഒ.​കെ നി​ഹാ​ദ്​ പ​റ​ഞ്ഞു.

നി​ല​വി​ൽ 50ൽ ​അ​ധി​കം പ്ര​മു​ഖ ബ്രാ​ൻ​ഡു​ക​ളു​ടെ ഉ​ൽ​​പ​ന്ന​ങ്ങ​ൾ ജ​ലീ​ൽ ഡി​സ്​​ട്രി​ബ്യൂ​ഷ​ൻ വി​പ​ണി​യി​ലെ​ത്തി​ക്കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, ഭ​ക്ഷ്യ രം​ഗ​ത്തെ വി​വി​ധ ക​മ്പ​നി​ക​ളു​ടെ ഏ​റ്റ​വും പു​തി​യ ഉ​ൽ​​പ​ന്ന​ങ്ങ​ളു​ടെ ലോ​ഞ്ചി​ങ്ങും പ്ര​ദ​ർ​ശ​ന​ത്തി​ലു​ണ്ടാ​കും. അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ 2000 കോ​ടി ഡോ​ള​റി​ന്‍റെ വ്യാ​പാ​ര ഇ​ട​പാ​ടു​ക​ൾ ന​ട​ക്കു​മെ​ന്നാ​ണ് പ്ര​തീ​ക്ഷ. ഫെ​ബ്രു​വ​രി 21ന്​ ​മേ​ള​ക്ക്​ സ​മാ​പ​നം കു​റി​ക്കും.