തോട്ടം മുതൽ പാത്രം വരെ ഭക്ഷണം നല്ലതാണോ എന്നറിയാൻ ‘ഫുഡ്​ വാച്ച്​ ആപ്പ് 

ദുബൈ: ഹോട്ടലുകളിലെയും മറ്റും ഭക്ഷണം എത്ര നല്ലതാണ്​. എന്തൊക്കെയാണ്​ അതിൽ ചേർക്കുന്നത്​. തീൻമേശയിൽ കിട്ടുന്നതിന്​ മുമ്പ്​ ഇതൊക്കെയറിയാൻ നഗരസഭയുടെ പുതിയ ആപ്പ്​ ഉപയോഗിച്ചാൽ മതി. 11 ാമത്​ അന്താരാഷ്​ട്ര ഭക്ഷ്യ സുരക്ഷാ സമ്മേളനത്തിലാണ്​ ദുബൈനഗരസഭ ഡയറക്​ടർ ജനറൽ ഹുസൈൻ നാസർ ലൂത്ത ‘ഫുഡ്​ വാച്ച്​ ആപ്പ്​’ പുറത്തിറക്കിയത്​. 

പ്രമേഹം, ഹൈപ്പർ ടെൻഷൻ, ഭക്ഷണങ്ങളോട്​ അലർജി എന്നിവയൊക്കെയുള്ളവർക്ക്​ ഏറെ പ്രയോജനകരമാണ്​ ഇൗ ആപ്പ്​. കൃഷിയിടത്ത്​ നിന്ന്​ തീൻമേശയിൽ എത്തുന്നത്​ വരെ ഭക്ഷ്യവസ്​തുക്കളെ എന്ത്​ ചെയ്യുന്നു എന്ന്​ കണ്ടുപിടിക്കാനും ആപ്പ്​ ഉപകരിക്കും. എക്​സ്​​േപാ 2020 ആകു​​േമ്പാഴേക്കും 20000 ഭക്ഷണശാലകളെ ഉന്നതനിലവാരത്തിൽ എത്തിക്കുന്നതി​​െൻറ ഭാഗമായാണിത്​. 

ഭക്ഷണശാലകളെയും അവിടെ വിളമ്പുന്ന ഭക്ഷണത്തെയും കുറിച്ച്​ പൂർണ വിവരങ്ങൾ ഏതാനും മാസങ്ങൾക്കുള്ളിൽ പൊതുജനങ്ങൾക്ക്​ മുന്നിലെത്തും. ഇഷ്​ടമുള്ള ഭക്ഷണം എവിടെ കിട്ടുമെന്ന്​ കണ്ടെത്താൻ മുതൽ അലർജി ഉണ്ടാക്കുന്ന ഘടകങ്ങൾ ഭക്ഷണത്തിൽ ചേർത്തിട്ടുണ്ടോയെന്ന്​ മനസിലാക്കാനും ആപ്പ്​ സഹായിക്കും. നൂറിലേറെ ഫീൽഡ്​ ഇൻസ്​പെക്​ടർമാർ റെസ്​റ്റോറൻറുകളിൽ പരിശോധന നടത്തി മെനുവിലെ വിവരങ്ങൾ സ്​മാർട്​ സിസ്​റ്റത്തിൽ ഉൾപ്പെടുത്തിക്കൊണ്ടിരിക്കുകയാണ്​. രാജ്യത്തേക്ക്​ ഇറക്കുമതി ചെയ്യുന്ന ഭക്ഷ്യവസ്​തുക്കളുടെ നിലവാരം അറിയാനും ഇതിൽ സൗകര്യമുണ്ടാവും. മുൻസിപ്പാലിറ്റിയും ​െറസ്​റ്റോറൻറുകളുമായുള്ള ഇടപാടുകൾ കടലാസ്​രഹിതമായി നടത്താനും ആപ്പ്​ ഉപയോഗിക്കാം. ഭക്ഷ്യവിഷബാധയുണ്ടായാൽ അതി​​െൻറ കാരണവും മറ്റും ഞൊടിയിടയിൽ മനസിലാക്കാനും സാധിക്കും. സ്​മാർട്​ സിസ്​റ്റത്തിൽ ഉൾപ്പെടുന്നതോടെ മികച്ച ഭക്ഷണമാണ്​ നൽകുന്നതെന്ന മുൻസിപ്പാലിറ്റിയുടെ ഉറപ്പ്​ ​െമനുവിൽ പ്രദർശിപ്പിക്കാനും റെസ്​റ്റോറൻറുകൾക്ക്​ അവകാശം ലഭിക്കും. 

21 വരെ നീളുന്ന സമ്മേളനത്തിൽ ഭക്ഷ്യ ഉൽപന്ന^സംസ്​കരണ വിതരണ സമയങ്ങളി​െല മുഴുവൻ സുരക്ഷാ വിഷയങ്ങളും ചർച്ച ചെയ്യുന്നുണ്ട്​. 55 രാജ്യങ്ങളിൽ നിന്ന്​ 2500 ലേറെ പ്രതിനിധികളാണ്​ ദുബൈ വേൾഡ്​ ട്രേഡ്​ സ​െൻററിൽ നടക്കുന്ന സമ്മേളനത്തിൽ പ​െങ്കടുക്കുന്നത്​.