ഭക്ഷ്യ സുരക്ഷ: ഡെലിവറി ബോയ്​സി​നും ചിലതെല്ലാം ചെയ്യാനുണ്ട്​

ഭക്ഷ്യ സുരക്ഷ എല്ലാവരുടെയും കൂട്ടുത്തരവാദിത്തമാണ്. ഒരുമിച്ച്​ ശ്രമിച്ചാൽ മാത്രമെ സുരക്ഷിത ഭക്ഷ്യസംസ്​കാരം ഉണ്ടാക്കിയെടുക്കാൻ കഴിയൂ. ഭക്ഷണം കൃത്യസമയത്ത്​ ഉപഭോക്​താക്കളിലെത്തിക്കുന്ന ഡെലിവറി ബോയ്​സിനും അവരെ ചുമതലപ്പെടുത്തുന്ന വിതരണ സ്​ഥാപനങ്ങൾക്കും ഇക്കാര്യത്തിൽ വലിയ പങ്കുണ്ട്​. സുരക്ഷിതമായി രുചികരമായ ഭക്ഷണം വീടുകളിൽ എത്തിക്കാൻ ദുബൈ മുനിസിപ്പാലിറ്റി നൽകുന്ന പ്രധാന നിർദേശങ്ങൾ ഇവയൊക്കെയാണ്​:

എല്ലാ ഫുഡ്​ ഡെലിവറി സ്​ഥാപനങ്ങളും ദുബൈ മുനിസിപ്പാലിറ്റിയുടെ ഫുഡ്​ സേഫ്​റ്റി ഡിപാർട്ട്​മെൻറിൽ നിന്ന്​ വാർഷിക പെർമിറ്റ്​ എടുത്തിരിക്കണം.

നിർദേശങ്ങൾ പാലിച്ചില്ലെങ്കിൽ മുന്നറിയിപ്പില്ലാതെ പെർമിറ്റ്​ റദ്ദാക്കും.

ഫുഡ്​ സേഫ്​റ്റി ഡിപാർട്ട്​മെൻറി​െൻറ അനുമതിയോടെ പ്രവർത്തിക്കുന്ന സ്​ഥാപനങ്ങളിൽ നിന്ന്​ മാത്രമെ ഭക്ഷണം ഡെലിവറി ചെയ്യാവൂ.

ഫുഡ്​വാച്ച്​ (Food Watch) പ്ലാറ്റ്​ഫോമിൽ രജിസ്​റ്റർ ചെയ്​തിരിക്കണം.

ഭക്ഷണം കൃത്യമായ ചൂട്​ നിലനിർത്തുന്നുണ്ടെന്ന്​ ഉറപ്പാക്കണം.

ചൂടുള്ള ഭക്ഷണവും തണുപ്പുള്ള ഭക്ഷണവും ഒരുമിച്ച്​ ഡെലിവർ ചെയ്യു​േമ്പാൾ രണ്ടും വെവ്വേറെ സൂക്ഷിക്കണം. ഇവ താപനില കൃത്യമായി പാലിക്കുന്നുണ്ടെന്ന്​ ഉറപ്പാക്കണം.

ഭക്ഷണ വിതരണ സമയത്ത്​ പ്രാണികൾ, പൊടി, പുക, സൂര്യപ്രകാശം, മഴ തുടങ്ങിയവ വഴി ഭക്ഷണം മലിനമാകാതിരിക്കാൻ ​ശ്രദ്ധിക്കണം

​ബോക്​സി​ൽ കൈകൾകൊണ്ട്​ സ്​പർശിച്ച ഭാഗം വൃത്തിയാക്കുകയും അണുനശീകരണം നടത്തുകയും ചെയ്യണം

ഭക്ഷണത്തി​െൻറ ഗുണനിലവാരവും ചൂടും നിലനിർത്താൻ കഴിയുന്ന ബോക്​സുകൾ ഉപയോഗിക്കണം

ബോക്​സി​െൻറ ഉൾ​ഭാഗം വിഷരഹിത വസ്​തുക്കൾകൊണ്ട്​ കോട്ട്​ ചെയ്​തിരിക്കണം

എയർടൈറ്റായ കണ്ടെയ്​നറുകൾ ഉപയോഗിക്കണം

ഭക്ഷണശാലയിൽ നിന്ന്​ അര മണിക്കൂറിനുള്ളിൽ ഭക്ഷണം ഉപഭോക്​താവിന്​ എത്തിക്കണം.

ഭക്ഷണപാനീയങ്ങൾ ബോക്​സിനുള്ളിൽ ശ്രദ്ധാപൂർവം വെക്കണം. ചോരാതിരിക്കാൻ ശ്രദ്ധിക്കണം

പാക്കിങ്ങിനോ ഭക്ഷണത്തിനോ കേട്​ പാട്​ സംഭവിച്ചാൽ ഉപഭോക്​താവിന്​ നൽകരുത്​.

ഭക്ഷണ വിതരണ സ്​ഥാപനവുമായി കരാറിൽ ഏർപെടു​േമ്പാൾ ഇവർ നിയമങ്ങൾ പാലിക്കുന്നുണ്ടെന്ന്​ ഹോട്ടൽ ഉടമകൾ ഉറപ്പാക്കണം.