മൂടൽമഞ്ഞ്​: സ്​കൂൾ വാഹനങ്ങൾക്ക്​ അഡെകി​െൻറ മാർഗനിർദേശം

അൽ​െഎൻ: അബൂദബി എമിറേറ്റിൽ മൂടൽമഞ്ഞ്​ തുടരുന്ന സാഹചര്യത്തിൽ സ്​കൂൾ വാഹനങ്ങളുടെ യാത്ര സംബന്ധിച്ച്​ അബൂദബി വിദ്യാഭ്യാസ^വൈജ്ഞാനിക വകുപ്പ്​ (അഡെക്​) മാർഗനിർദേശം നൽകി. മഞ്ഞ്​ ഒഴിഞ്ഞ്​ അന്തരീക്ഷം തെളിയുന്നത്​ വരെ വിദ്യാർഥികളുമായി വാഹനം ഒാടിക്കരുതെന്നാണ്​ വകുപ്പ്​ സ്​കൂളുകൾക്ക്​ അയച്ച സർക്കുലറിലെ പ്രധാന നിർദേശം. വാഹനം അയക്കാൻ കഴിയാത്ത സാഹചര്യമുണ്ടെങ്കിൽ അതിരാവിലെ തന്നെ ഇതു സംബന്ധിച്ച്​ രക്ഷിതാക്കൾക്ക്​ വിവരം നൽകണമെന്നും അഡെക് അറിയിച്ചു.

കാഴ്​ചാപരിധി കുറഞ്ഞിരിക്കുന്ന സമയത്ത്​ വിദ്യാർഥികളെ വാഹനങ്ങളിൽ കൊണ്ടുപോകാതിരിക്കാൻ ഡ്രൈവർമാർക്കും സൂപ്പർവൈസർമാർക്കും കർശന നിർദേശം നൽകാൻ ബസ്​ ഒാപറേറ്ററുമാരുമായി സ്​കൂൾ അധികൃതർ നേരിട്ട്​ ഏകോപനം നടത്തണം. മോശം കാലാവസ്​ഥ കാരണം വിദ്യാർഥി വൈകി വരികയോ വരാതിരിക്കുകയോ ചെയ്​താൽ അവരുടെ സാഹചര്യം മനസ്സിലാക്കി ഇളവ്​ അനുവദിക്കണം. സ്വകാര്യ സ്​കൂളുകൾ ഉൾപ്പെടെ എല്ലാ വിദ്യാലയങ്ങളും ഇൗ നിർദേശങ്ങൾ പാലിക്കണമെന്നും സർക്കുലർ വ്യക്​തമാക്കി. 

ശനിയാഴ്​ചയും രാവിലെയും രാജ്യത്ത്​ കനത്ത മഞ്ഞാണ്​ അനുഭവപ്പെട്ടത്​. ഞായറാഴ്​ച രാവിലെയും മൂടൽമഞ്ഞുണ്ടാകുമെന്ന്​ ദേശീയ കാലാവസ്​ഥ നിരീക്ഷണ കേന്ദ്രം (എൻ.സി.എം) വ്യക്​തമാക്കിയിട്ടുണ്ട്​. അന്തരീക്ഷത്തിൽ മൂടൽമഞ്ഞ്​ നിറഞ്ഞ്​ കാഴ്​ചാപരിധി കുറഞ്ഞതിനാൽ കഴിഞ്ഞ ദിവസങ്ങളിൽ നിരവധി സ്​കൂളുകളുടെ പ്രവർത്തനം തടസ്സപ്പെട്ടിരുന്നു. രാവിലെ 7.30ന്​ ക്ലാസ്​ ആരംഭിക്കേണ്ടുന്ന പല സ്​കൂളുകളും വ്യാഴാഴ്​ച പത്തോടെയാണ്​ പ്രവർത്തനം തുടങ്ങിയത്​. വിദ്യാർഥികളുടെ സുരക്ഷ കണക്കിലെടുത്തായിരുന്നു സ്​കൂളുകളുടെ നടപടി.