മഞ്ഞിൽ മൂടി; ദുബൈ വിമാനത്താവളം നിശ്​ചലമായി

ദുബൈ: രണ്ടു ദിവസമായി തുടരുന്ന കനത്ത മൂടൽമഞ്ഞിൽ​ ദുബൈ അന്താരാഷ്​ട്ര വിമാനത്താവളത്തി​​െൻറ പ്രവർത്തനം തടസപ്പെട്ടു.  ഞായറാഴ്​ച മാത്രം 53 വിമാനങ്ങളുടെ യാത്ര തടസപ്പെട്ടു. പുലർച്ചെ പോകാനിരുന്ന കോഴിക്കോട്​, കൊച്ചി വിമാനങ്ങളടക്കം നിരവധി എണ്ണം വൈകി. വിവിധ നഗരങ്ങളിൽ നിന്നുള്ള നിരവധി വിമാനങ്ങൾ മറ്റു വിമാനത്താവളങ്ങളിലേക്ക്​ വഴി തിരിച്ചു വിടുകയും ചെയ്​തു.ശനിയാഴ്​ച പുലർച്ചെ മുതൽ കെട്ടിടങ്ങളോ വാഹനങ്ങളോ കാണാനാവാത്ത വിധം ദുബൈയിൽ മഞ്ഞു മൂടിയിരുന്നു. രാ​ത്രിയായതോടെ റോഡിലൂടെ വാഹനങ്ങൾ​ പോലും ഏറെ പ്രയാസപ്പെട്ടാണ്​ മുന്നോട്ടു നീങ്ങിയത്​. കാഴ്​ച പൂർണമായി തടസപ്പെടുന്ന രീതിയിലേക്ക്​ മഞ്ഞ്​ വ്യാപിച്ചതോടെ വ്യോമഗതാഗതത്തെയും ഇതു തടസപ്പെടുത്തി.

പുലർച്ചെ 3.05ന്​ കൊച്ചിയിലേക്ക്​ പുറപ്പെടാനായി  അർധ രാത്രി തന്നെ ചെക്ക്​ ഇൻ ചെയ്​ത സ്​പൈസ്​ ജെറ്റ്​ വിമാനത്തി​െല യാത്രക്കാർ ഉച്ചക്ക്​ 11 മണിക്കും വിമാനത്താവളത്തിൽ കുടുങ്ങിക്കിടന്നു​. സ്​​ത്രീകളും കുഞ്ഞുങ്ങളും ഉൾപ്പെടെ 200 ഒാളം യാത്രക്കാർ ദുരിതപ്പെട്ടിട്ടും കമ്പനി അധികൃതർ തിരിഞ്ഞു നോക്കിയില്ലെന്ന്​ പരാതി ഉയർന്നു. ​​ക്രിസ്​മസ്​ ആഘോഷത്തിനായി നാട്ടിലേക്ക്​ തിരിച്ച യാത്രക്കാരാണ്​ കുടുങ്ങിയവരിൽ ഏറെയും.ദുബൈയിൽ ഇറങ്ങേണ്ടിയിരുന്ന പല വിമാനങ്ങളും റാസൽ ​ൈഖമ, മക്​തൂം വിമാനത്താവളങ്ങളിലാണ്​ ഇറങ്ങിയത്​. മറ്റു ചിലത്​ ഒമാനിലെ വിമാനത്താവളങ്ങളിലും. കഴിഞ്ഞ ദിവസങ്ങളിൽ പ്രവർത്തനം ഭാഗികമായി തടസപ്പെട്ട അബൂദബി വിമാനത്താവളത്തിൽ ഞായറാഴ്​ച സ്​ഥിതി ഭേദമായിരുന്നു. ചില വിമാനങ്ങൾക്ക്​ കൃത്യമായി ഇറങ്ങാനായി. വെള്ളിയാഴ്​ച രാത്രി ഗോവയിൽ നിന്ന്​ അബൂദബിയിലേക്ക്​ വന്ന ജെറ്റ്​ എയർവേയ്​സി​​െൻറ വിമാനം അൽ ​െഎനിലാണ്​ ഇറക്കിയത്​. 11 മണിക്കൂറോളം യാത്രക്കാരെ പുറത്തിറക്കിയില്ല. 

വിമാനം തിരികെ ഗോവയിലേക്ക്​ പോവുകയാണെന്ന്​ ജീവനക്കാർ അറിയിച്ചതോടെ പ്രതിഷേധവുമായി യാത്രക്കാർ എഴുന്നേറ്റു. വെള്ളിയാഴ്​ച രാത്രി കൃത്യസമയത്ത് വിമാനം അബൂദബിക്ക്​ മുകളിൽ എത്തിയെങ്കിലും ​മഞ്ഞ്​ മൂലം ഇറങ്ങാനായില്ല. തുടർന്നാണ്​ അൽ​െഎനിൽ ഇറങ്ങിയത്​. രാത്രി ഇമിഗ്രേഷൻ നടപടികൾ പൂർത്തിയാക്കാനാവശ്യമായ സൗകര്യം ഇല്ലെന്ന കാരണത്താലാണ്​ വിമാനം തിരികെ പോകാന ഒരുങ്ങിയത്​. രോഗികളും കുട്ടികൾ ഉൾപ്പെടെയുള്ള കുടുംബങ്ങളും വിമാനത്തിൽ ഉണ്ടായിരുന്നു. ഇവർ തീരുമാനത്തെ എതിർത്തു.ഗോവയിൽ നിന്ന്​ മറ്റൊരു വിമാനത്തിൽ ഇവരെ അബൂദബിയില ിറക്കാമെന്നായിരുന്നു കമ്പനിയുടെ വാഗ്​ദാനം. 

എന്നാൽ മംഗലാപുരത്തുനിന്ന്​ ഇതെ ഇനത്തിൽ പെട്ട വിമാനം 12.55ന്​ അബൂദബിയിൽ ഇറങ്ങിയ കാര്യം യാത്രക്കാർ ചൂണ്ടിക്കാണിച്ചു. വേറെ വിമാനം അൽ ​െഎനിൽ എത്തിച്ച്​ അബൂദബിയിലേക്ക്​ പോകാം എന്നായിരുന്നു യാത്രക്കാരു​െട നിലപാട്​. ഒടുവിൽ രാവിലെ 7.15 ഒാടെ ഇൗവിമാനം അബൂദബിയിലേക്ക്​ പുറ​പ്പെട്ട്​ 8.30 ന്​ വിമാനത്താവളത്തിൽ ഇറങ്ങി. വിമാനത്തി​​െൻറ തിരികെയുള്ള യാത്ര റദ്ദാക്കുകയും ചെയ്​തു.