ഫോക്കസ് യു.എ.ഇ രക്തദാന ക്യാമ്പ്

ദുബൈ: ഫോക്കസ് യു.എ.ഇ, യു.എഫ്.കെ എന്നീ സംഘടനകൾ സംയുക്തമായി ദുബൈയിലെ കുവൈത്ത് ഹോസ്പിറ്റൽ ബ്ലഡ് ബാങ്കിൽ മെഗാ രക്തദാന ക്യാമ്പ് സംഘടിപ്പിച്ചു. കുവൈത്ത് ഹോസ്പിറ്റൽ ദുബൈയുടെ വിവിധ ഭാഗങ്ങളിൽ സാമൂഹിക- സാംസ്കാരിക സംഘടനകളുമായി സഹകരിച്ച് രക്തദാന ക്യാമ്പുകൾ സംഘടിപ്പിച്ചുവരുന്നുണ്ട്. ഫോക്കസ് യു.എ.ഇ ഭാരവാഹികളായ നസീൽ അബൂദബി, സാദിഖ് ഷാർജ, മുജീബ് റഹ്മാൻ തുടങ്ങിയവർ യു.എഫ്.കെ നേതാക്കളുമായി സഹകരിച്ച് പ്രവർത്തനങ്ങൾക്ക് നേതൃത്വം നൽകി. ബ്ലഡ് ഡോണേഴ്‌സിന് ഉപഹാരങ്ങൾ ഹോട്ട്പാക്ക് ഗ്ലോബലിന്‍റെ സഹകരണത്തോടെ വിതരണം ചെയ്തു.