ലോകത്തെ പ്രബലരായ വ്യക്​തികളുടെ ഫോബ്​സ്​ പട്ടികയിൽ ശൈഖ്​ ഖലീഫയും

അബൂദബി: ലോകത്ത്​ ചലനങ്ങൾ സൃഷ്​ടിച്ച 75 പ്രബലരായ വ്യക്​തികളുടെ പട്ടികയിൽ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാനും. ഫോബ്​സ്​ തയാറാക്കിയ 2018ലെ പട്ടികയിലാണ്​ ശൈഖ്​ ഖലീഫ 43ാം റാങ്ക്​ നേടിയത്​.ചൈനീസ്​ കമ്യൂണിസ്​റ്റ്​ പാർട്ടി ജനറൽ സെക്രട്ടറി ഷീ ജിൻപിങ്​ ആണ്​ പട്ടികയിൽ ഒന്നാമത്​. ഇതോടെ കഴിഞ്ഞ നാല്​ വർഷമായി ഒന്നാം സ്​ഥാനത്തുണ്ടായിരുന്ന റഷ്യൻ പ്രസിഡൻറ്​ വ്ലാദ്​മിർ പുട്ടിൻ രണ്ടാം സ്​ഥാനത്തായി. അമേരിക്കൻ പ്രസിഡൻറ്​ ഡോണൾഡ്​ ട്രംപ്​ മൂന്നാം സ്​ഥാനത്തും ജർമൻ ചാൻസലർ ആഞ്​ജല മെർകൽ നാലാം സ്​ഥാനത്തുമാണ്​. 

ആമസോൺ ഡോട്ട്​ കോം സി.ഇ.ഒ ജെഫ്​ ​ബെസോസ്​, റോമൻ കത്തോലിക്ക ചർച്ച്​ ബിഷപ്​ പോപ്​ ഫ്രാൻസിസ്​, ബിൽ ആൻഡ്​ മെലിൻഡ ഗേറ്റ്​ ഫൗണ്ടേഷൻ സഹ സ്​ഥാപകൻ ബിൽഗേറ്റ്​സ്​, സൗദി കിരീടാവകാശി മുഹമ്മദ്​ ബിൻ സൽമാൻ അൽ സൗദ്​, ഇന്ത്യൻ പ്രധാനമന്ത്രി നരേന്ദ്ര മോദി, ഗൂഗ്​ൾ സി.ഇ.ഒ ലാറി പേജ്​ എന്നിവരാണ്​ യഥാക്രമം ആറ്​ മുതൽ പത്ത്​ വരെയുള്ള സ്​ഥാനങ്ങളിൽ.ജി.സി.സി രാജ്യങ്ങളിൽനിന്ന്​ ശൈഖ്​ ഖലീഫയും മുഹമ്മദ്​ ബിൻ സൽമാനും മാത്രമാണ്​ പട്ടികയിൽ ഇടം പിടിച്ചത്​. ഇറാൻ പരമോന്നത നേതാവ്​ ആയത്തുല്ല അലി ഖാംനഇ (17ാം റാങ്ക്​), ഇൗജിപ്​ഷ്യൻ പ്രസിഡൻറ്​ അബ്​ദുൽ ഫത്താഹ്​ അൽ സീസി (45), തുർക്കി പ്രസിഡൻറ്​ ഉർദുഗാൻ (48), സിറിയൻ പ്രസിഡൻറ്​ ബശാർ അൽ അസദ്​ (62) എന്നിവരും പട്ടികയിലുണ്ട്​. ഇസ്​ലാമിക്​ ​സ്​റ്റേറ്റി​​​െൻറ സ്വയം പ്രഖ്യാപിത ഖലീഫ അബൂബക്കർ അൽ ബഗ്​ദാദിയെ 73ാം റാങ്കുകാരനായും ഉൾപ്പെടുത്തിയിട്ടുണ്ട്​.  ഇന്ത്യയിൽനിന്ന്​ നരേന്ദ്രമോദിക്ക്​ പുറമെ റിലയൻസ്​ ഇൻഡസ്​ട്രീസ്​ ചെയർമാൻ മുകേഷ്​ അംബാനിയാണ്​ പട്ടികയിലുള്ളത്​. 32ാം റാങ്കാണ്​ മുകേഷ്​ അംബാനിക്ക്​.