എഫ്​.എൻ.സിയുടെ പുതിയ സെഷൻ  ശൈഖ്​ മുഹമ്മദ്​ ഉദ്​ഘാടനം ചെയ്​തു

അബൂദബി: ഫെഡറൽ നാഷനൽ കൗൺസിൽ (എഫ്​.എൻ.സി) പതിനാറാമത്​ ചാപ്​റ്ററി​​െൻറ മൂന്നാം സെഷൻ യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം ബുധനാഴ്​ച ഉദ്​ഘാടനം ചെയ്​തു. കിരീടാവകാശികൾ, ഉപ ഭരണാധികാരികൾ, മന്ത്രിമാർ, നയതന്ത്ര ഉദ്യോഗസ്​ഥർ, മുതിർന്ന ഉദ്യോഗസ്​ഥർ എന്നിവർ സന്നിഹിതരായിരുന്നു. ഉച്ചക്ക്​ തൊട്ടുമു​െമ്പത്തിയ ശൈഖ്​ മുഹമ്മദ്​ ബിൻ റാശിദിനെ ഗാർഡ്​ ഒാഫ്​ ഒാണർ നൽകി സ്വീകരിച്ചു. ഖുർആൻ പാരായണത്തിന്​ ശേഷമായിരുന്നു എഫ്​.എൻ.സി സെഷൻ ഉദ്​ഘാടനം. രാഷ്​​ട്രത്തി​​​െൻറയും ജനങ്ങളുടെയും ക്ഷേമത്തിനായി ശൈഖ്​ മുഹമ്മദ്​ ബിൻ റാശിദ്​ ഉദ്​ഘാടനത്തിനിടെ പ്രാർഥിച്ചു. അക്രമത്തിനും ഭീകരതക്കും എതിരെ കാര്യക്ഷമമായി പൊരുതാൻ ആവശ്യമായ നിയമനിർമാണം പൂർത്തീകരിക്കാൻ കൗൺസിൽ ശുഷ്​കാന്തിയോടെ പ്രവർത്തികുമെന്ന്​ എഫ്​.എൻ.സി സ്​പീക്കർ ഡോ. അമൽ ആൽ ഖുബൈസി പറഞ്ഞു. ചുറ്റുമുള്ള മാറ്റങ്ങൾക്കനുസരിച്ച്​ പ്രവർത്തിക്കാനും രാഷ്​ട്രത്തിനും ലോകത്തിനും മുമ്പിലുള്ള പുതിയ വെല്ലുവിളികൾ ഏറ്റെടുക്കാനും എല്ലാവരും സർക്കാറുമായി അടുത്ത്​ സഹകരിച്ച്​ പ്രവർത്തിക്കേണ്ടതുണ്ടെന്നും അവർ കൂട്ടിച്ചേർത്തു. ഉൽപന്നങ്ങളുടെ സുരക്ഷിതത്വം, അന്താരാഷ്​ട്ര വ്യാപാരത്തിന്​ ഉപയോഗിക്കുന്ന രേഖകൾ തുടങ്ങിയവ ഉൾപ്പെടെയുള്ള വിഷയങ്ങളുമായി ബന്ധപ്പെട്ട നിരവധി കരട്​ നിയമങ്ങൾ ഇൗ സെഷനിൽ സഭ അവലോകനം ചെയ്യും. 2015 നവംബർ 18ന്​ ആരംഭിച്ച നിലവിലെ ലെജിസ്ലേറ്റീവ്​ ചാപ്​റ്ററിൽ 32 കരട്​ നിയമങ്ങളാണ്​ സഭ പാസാക്കിയത്​. വിവിധ മേഖലകളുമായി ബന്ധ​െപ്പട്ട്​ മന്ത്രിമാരോടുള്ള 102 ചോദ്യങ്ങളും സഭ ചർച്ച ചെയ്​തു. 

ഭരണഘടനയുടെ അടിസ്​ഥാനത്തിൽ രൂപവത്​കരിച്ച എഫ്​.എൻ.സി യു.എ.ഇയിലെ അഞ്ച്​ ഫെഡറൽ അതോറിറ്റികളിൽ ഒന്നാണ്​. 1972 ഡിസംബർ രണ്ടിനാണ്​ ഇതി​​െൻറ ആദ്യ സെഷൻ ആരംഭിച്ചത്​. വിവിധ ഫെഡറൽ മന്ത്രാലങ്ങൾ, പൊതു സ്​ഥാപനങ്ങൾ എന്നിവയുടെ പദ്ധതികളും നിർദേശങ്ങളും എഫ്​.എൻ.സി ചർച്ച ചെയ്യുന്നു.രാജ്യത്തി​​െൻറ ഏഴ്​ എമിറേറ്റുകളിൽനിന്നായി 40 അംഗങ്ങളാണ്​ കൗൺസിലിലുള്ളത്​. അബൂദബി, ദുബൈ എമിറേറ്റുകൾക്ക്​ എട്ട്​ വീതം, ഷാർജ, റാസൽഖൈമ എമിറേറ്റുകൾക്ക്​ ആറ്​ വീതം, അജ്​മാൻ, ഉമ്മുൽഖുവൈൻ, ഫുജൈറ എന്നിവക്ക്​ നാല്​ വീതം സീറ്റുകളാണ്​ കൗൺസിലിലുള്ളത്​.