പറക്കും ടാക്​സി കെട്ടുകഥയല്ല; ദുബൈയിൽ പരീക്ഷണ പറക്കൽ (VIDEO)

ദുബൈ: പറക്കും ടാക്​സി ഇനി കെട്ടുകഥയല്ലെന്ന്​ ഉറപ്പാവുന്നു. ലോകത്ത്​ ആദ്യമായി പറക്കും ടാക്​സിയെ ആകാശത്തെത്തിക്കാനൊരുങ്ങുന്ന ദുബൈയിൽ അതി​ന്‍റെ പരീക്ഷണ പറക്കൽ നടന്നു. ബുർജുൽ അറബ്​ ഹോട്ടലിനു സമീപത്തു നിന്ന്​ ടേക്ക്​ ഒാഫ്​ നടത്തുന്നതി​ന്‍റെയും സ്​കൈഡൈവ്​ എയർ സ്​ട്രിപ്പിൽ നിന്ന്​ പറന്ന്​ മരുഭൂമിക്കു മുകളിലൂടെ നീങ്ങുന്നതി​ന്‍റെയും ദൃശ്യങ്ങളടങ്ങുന്ന വീഡിയോ വാഹനത്തി​ന്‍റെ നിർമാതാക്കളായ ​ഇഹാംഗ്​ എന്ന ചൈനീസ്​ കമ്പനി പുറത്തുവിട്ടു.  

യാത്രക്കാരില്ലാതെയാണ്​ ടാക്​സി പറന്നത്​. നിയന്ത്രണം മുഴുവൻ താഴെ കൺട്രോൾ റൂമിൽ നിന്നായിരുന്നു. ഇൗ വർഷം അവസാനത്തോടെ പറക്കും ടാക്​സികൾ സജ്ജമാകുമെന്ന്​ കമ്പനി മാസങ്ങൾക്കു മുൻപ്​ വ്യക്​തമാക്കിയിരുന്നു. മണിക്കൂറിൽ 160 കിലോമീറ്റർ വേഗതയുള്ള ഇഹാംഗ്​ 184ന്‍റെ പരീക്ഷണ നടപടികൾ നേരത്തേ തന്നെ തുടങ്ങിയതായും കമ്പനി അധികൃതർപറയുന്നു. 

ദുബൈ സിവിൽ ഏവിയേഷൻ അതോറിറ്റി ( ഡി.സി.എ.എ) നിഷ്​കർഷിച്ച സുരക്ഷാ -കാലാവസ്​ഥാ മാനദണ്​ഡങ്ങളെല്ലാം പാലിച്ചാൽ മാത്രമേ അന്തിമ അനുമതി ലഭ്യമാവൂ. മരുഭൂമിയിലും കടലോരത്തുമെല്ലാം ടേക്ക്​ ഒാഫും ലാൻറിങും പരീക്ഷിക്കുന്നതും നിബന്ധനകൾക്കനുസരിച്ച്​ പ്രവർത്തിക്കാനാകുമോ എന്നു പരിശോധിക്കാനാണ്​.  

ഇൗ വർഷത്തെ ലോക ഗവർമ​​െൻറ്​ ഉച്ചകോടിയിൽ വെച്ചാണ്​  പറക്കും ടാക്​സിക്കായി റോഡ്​ ഗതാഗത അതോറിറ്റി ചൈനീസ്​ കമ്പനിയുമായി കൈകോർക്കുന്ന വിവരം പ്രഖ്യാപിച്ചത്​.