പ്ര​വാ​സി ഇ​ന്ത്യ​യു​ടെ സൗ​ജ​ന്യ വി​മാ​ന ടി​ക്ക​റ്റ് വി​ത​ര​ണം ആ​രം​ഭി​ച്ചു

ദു​ബൈ: നാ​ട്ടി​ലേ​ക്ക് മ​ട​ങ്ങാ​ൻ സാ​മ്പ​ത്തി​ക​മാ​യി പ്ര​യാ​സ​മ​നു​ഭ​വി​ക്കു​ന്ന​വ​ർ​ക്ക് പ്ര​വാ​സി ഇ​ന്ത്യ ന​ൽ​കു​ന്ന സൗ​ജ​ന്യ വി​മാ​ന ടി​ക്ക​റ്റ് വി​ത​ര​ണം ആ​രം​ഭി​ച്ചു. അ​ബൂ​ദ​ബി, മു​സ​ഫ, ഷാ​ർ​ജ, ദു​ബൈ എ​ന്നി​വി​ട​ങ്ങ​ളി​ലാ​യി  പ​ത്തി​ല​ധി​കം ടി​ക്ക​റ്റു​ക​ൾ അ​ർ​ഹ​ത​പ്പെ​ട്ട​വ​ർ​ക്ക് കൈ​മാ​റി. ഓ​രോ യാ​ത്ര​ക്കാ​ര​നും പി.​പി.​ഇ കി​റ്റും ടി​ക്ക​റ്റി​നൊ​പ്പം ന​ൽ​കു​ന്നു​ണ്ട്. സു​മ​ന​സ്സു​ക​ളു​ടെ സ​ഹാ​യ​ത്തോ​ടെ​യാ​ണ്​ ടി​ക്ക​റ്റ് വി​ത​ര​ണം ന​ട​ക്കു​ന്ന​ത്. 

ഒ​ന്നാം ഘ​ട്ട​ത്തി​ൽ 100 പേ​ർ​ക്ക് സൗ​ജ​ന്യ വി​മാ​ന ടി​ക്ക​റ്റ് ന​ൽ​കു​ന്ന സ​ഹാ​യ പ​ദ്ധ​തി​ക്ക് നി​ര​വ​ധി അ​പേ​ക്ഷ​ക​രാ​ണു​ള്ള​ത്. അ​തി​നാ​ൽ ടി​ക്ക​റ്റു​ക​ളു​ടെ എ​ണ്ണം 150 ആ​ക്കി ഉ​യ​ർ​ത്തി​യ​താ​യും സം​ഘാ​ട​ക​ർ അ​റി​യി​ച്ചു.ഓ​ൺ​ലൈ​ൻ വ​ഴി​യാ​ണ് അ​പേ​ക്ഷ സ്വീ​ക​രി​ക്കു​ന്ന​ത്.

ചെ​റി​യ വ​രു​മാ​ന​മു​ള്ള​വ​ർ, ലേ​ബ​ർ ക്യാ​മ്പി​ൽ ക​ഴി​യു​ന്ന​വ​ർ, ലോ​ക്‌​ഡൗ​ൺ മൂ​ലം തൊ​ഴി​ൽ ന​ഷ്​​ട​പ്പെ​ട്ട​വ​ർ, ഹ്ര​സ്വ​കാ​ല വി​സ​യി​ലെ​ത്തി നാ​ട്ടി​ലേ​ക്ക് പോ​കാ​ൻ സാ​മ്പ​ത്തി​ക​മാ​യി നി​വൃ​ത്തി​യി​ല്ലാ​ത്ത​വ​ർ, അ​ടി​യ​ന്ത​ര​മാ​യി നാ​ട്ടി​ൽ ചി​കി​ത്സ​ക്ക് പോ​കാ​ൻ സാ​മ്പ​ത്തി​ക ശേ​ഷി ഇ​ല്ലാ​ത്ത​വ​ർ തു​ട​ങ്ങി​യ​വ​രി​ൽ​നി​ന്ന് അ​ർ​ഹ​രാ​യ​വ​രെ ക​ണ്ടെ​ത്തി​യാ​ണ് ടി​ക്ക​റ്റു​ക​ൾ ന​ൽ​കി​വ​രു​ന്ന​ത്.

സൂ​ക്ഷ്മ​മാ​യി പ​രി​ശോ​ധി​ച്ച് അ​ർ​ഹ​രാ​യ​വ​ർ​ക്ക്‌ മാ​ത്ര​മാ​ണ് സ​ഹാ​യം അ​നു​വ​ദി​ക്കു​ക. എം​ബ​സി​യി​ൽ ര​ജി​സ്​​റ്റ​ർ ചെ​യ്ത് യാ​ത്ര​ക്ക് ത​യാ​റാ​വാ​ൻ നി​ർ​ദേ​ശം ല​ഭി​ച്ചി​ട്ടും ടി​ക്ക​റ്റി​ന്​ പ​ണ​മി​ല്ലാ​തെ ബു​ദ്ധി​മു​ട്ടി​യ​വ​ർ​ക്കാ​ണ്​ ഇ​തു​വ​രെ ടി​ക്ക​റ്റ് ന​ൽ​കി​യ​ത്.