ആദ്യ തീപിടിത്തത്തിന്​ മൂന്ന്​ പതിറ്റാണ്ട്; ഫ്രിജ്​ മുറാർ വീണ്ടും തേങ്ങുന്നു

ദു​ബൈ: മൂ​ന്നു​ പ​തി​റ്റാ​ണ്ടു മു​മ്പും ദേ​ര ഫ്രി​ജ്​ മു​റാ​റി​നെ ന​ടു​ക്കി​യ തീ​പി​ടി​ത്ത​മു​ണ്ടാ​യി​രു​ന്നു. 1985 ഒ​ക്ടോ​ബ​റി​ൽ ഫ്രി​ജ്​ മു​റാ​റി​ൽ കു​ടി​ലി​ന് തീ​പി​ടി​ച്ച് ഒ​മ്പ​തു പാ​കി​സ്താ​നി​ക​ളാ​ണ്​ മ​രി​ച്ച​ത്. തീ​പി​ടി​ത്ത​ത്തി​ന് കാ​ര​ണ​ക്കാ​ര​നാ​യ പോ​ൾ ജോ​ർ​ജ് നാ​ടാ​ർ എ​ന്ന മ​ല​യാ​ളി കാ​ർ​പെ​ന്‍റ​ർ 27 വ​ർ​ഷം ദു​ബൈ ജ​യി​ലി​ൽ ശി​ക്ഷ​യ​നു​ഭ​വി​ച്ച്​ 2017 ന​വം​ബ​റി​ലാ​ണ് ജ​യി​ൽ മോ​ച​നം നേ​ടി​യ​ത്.

ഫ്രി​ജ്​ മു​റാ​റി​ൽ ഫ​ർ​ണി​ച്ച​ർ ഷോ​പ് ന​ട​ത്തു​ക​യാ​യി​രു​ന്ന തി​രു​വ​ന​ന്ത​പു​രം സ്വ​ദേ​ശി പോ​ൾ ജോ​ർ​ജി​നെ തൊ​ട്ട​ടു​ത്ത വി​ല്ല​യി​ൽ താ​മ​സി​ച്ചി​രു​ന്ന പാ​കി​സ്താ​നി കു​ട്ടി​ക​ൾ ശ​ല്യ​പ്പെ​ടു​ത്തു​ന്ന​ത്​ പ​തി​വാ​യി​രു​ന്നു. തു​ട​ർ​ച്ച​യാ​യ വ​ഴ​ക്ക് പോ​ളി​ന്‍റെ ജോ​ലി ത​ട​സ്സ​പ്പെ​ടു​ത്തി. മ​ദ്യ​പാ​നി​യാ​യ പോ​ളും പാ​ക് കു​ട്ടി​ക​ളും ത​മ്മി​ലെ പ്ര​ശ്നം പോ​ളി​നെ കൂ​ടു​ത​ൽ സ​മ്മ​ർ​ദ​ത്തി​ലാ​ക്കു​ക​യും അ​ത് മ​ദ്യ​ല​ഹ​രി​യി​ലാ​ഴ്ത്തു​ക​യും ചെ​യ്തു. സ്വ​ബോ​ധം ന​ഷ്ട​പ്പെ​ട്ട പോ​ൾ ക​ട​യ​ട​ച്ചു വീ​ട്ടി​ൽ പോ​കു​മ്പോ​ൾ കൈ​യി​ലു​ണ്ടാ​യി​രു​ന്ന പെ​യി​ൻ​റി​ലൊ​ഴി​ക്കു​ന്ന ടി​ന്ന​റും വ​ലി​ച്ചു​തീ​രാ​റാ​യ സി​ഗ​ര​റ്റ് കു​റ്റി​യും വി​ല്ല കോ​മ്പൗ​ണ്ടി​ലേ​ക്ക് വ​ലി​ച്ചെ​റി​ഞ്ഞു.

സി​ഗ​ര​റ്റ് കു​റ്റി​യി​ലെ തീ ​ട​ർ​പെ​ന്‍റ്​ ഓ​യി​ലി​ന്‍റെ സ​ഹാ​യ​ത്തോ​ടെ ആ​ളി​പ്പ​ട​ർ​ന്ന്​ മ​രം​കൊ​ണ്ട് കെ​ട്ടി​യു​ണ്ടാ​ക്കി​യ കു​ടി​ലി​ന​ക​ത്തേ​ക്ക് പ​ട​ർ​ന്നു. അ​ക​ത്ത് ഉ​റ​ങ്ങി​ക്കി​ട​ന്നി​രു​ന്ന ര​ണ്ട് ഉ​മ്മ​മാ​രും ഏ​ഴു കു​ട്ടി​ക​ളും വെ​ന്തു​മ​രി​ച്ചു. മു​തി​ർ​ന്ന ആ​ണു​ങ്ങ​ളും ഒ​രു സ്ത്രീ​യും ര​ക്ഷ​പ്പെ​ട്ടു. ര​ണ്ടു വ​യ​സ്സി​നും 14 വ​യ​സ്സി​നും ഇ​ട​ക്ക് പ്രാ​യ​മു​ള്ള​വ​രാ​യി​രു​ന്നു കു​ട്ടി​ക​ൾ. പ​രി​ക്കേ​റ്റ സ്ത്രീ​യു​ടെ മൊ​ഴി​യാ​ണ് പോ​ളി​ന് കു​രു​ക്കാ​യ​ത്. അ​ടു​ത്ത ദി​വ​സം ത​ന്നെ പോ​ളി​നെ അ​റ​സ്റ്റ് ചെ​യ്തു. 27 വ​ർ​ഷം ക​ഴി​ഞ്ഞ് ജ​യി​ലി​ൽ​നി​ന്ന് ഇ​റ​ങ്ങി നാ​ട്ടി​ൽ പോ​കു​മ്പോ​ഴും മ​ദ്യ​ല​ഹ​രി​യി​ൽ ചെ​യ്ത കൈ​പ്പി​ഴ​യെ കു​റി​ച്ചു പോ​ളി​ന്​ ഓ​ർ​മ​യി​ല്ലാ​യി​രു​ന്നു. വി​ല്ല​ക്ക് ചു​റ്റും ട​ർ​പെ​ന്‍റ്​ ഓ​യി​ൽ ഒ​ഴി​ച്ച്​ ആ​സൂ​ത്ര​ണ​ത്തോ​ടെ തീ​കൊ​ടു​ത്ത​താ​യാ​ണ് കു​റ്റ​പ​ത്ര​ത്തി​ലു​ണ്ടാ​യി​രു​ന്ന​ത്. അ​തി​ന് തെ​ളി​വാ​യി ടി​ന്ന​ർ ക​ല​ർ​ന്ന മ​ണ്ണ് പൊ​ലീ​സ് വി​ല്ല​ക്ക് ചു​റ്റും നി​ന്ന് ശേ​ഖ​രി​ച്ചി​രു​ന്നു.

നീ​ണ്ട​കാ​ല​ത്തെ വി​ചാ​ര​ണ​ക്കൊ​ടു​വി​ൽ ദു​ബെ കോ​ട​തി പോ​ളി​ന് വ​ധ​ശി​ക്ഷ വി​ധി​ച്ചു​വെ​ങ്കി​ലും 1996ൽ ​പാ​കി​സ്താ​നി കു​ടും​ബം മാ​പ്പു​ന​ൽ​കി​യ​തു​കൊ​ണ്ട് ശി​ക്ഷ ന​ട​പ്പാ​ക്കി​യി​ല്ല. എ​ങ്കി​ലും ജ​യി​ൽ​വാ​സം നീ​ണ്ടു. നേ​രി​ൽ കാ​ണാ​ത്ത മ​ക​ൾ സു​മി​ത്ര 2000ത്തി​ൽ ദു​ബൈ ജ​യി​ലി​ൽ വ​ന്ന് പോ​ളി​നെ ക​ണ്ട​ത് അ​ന്ന് വ​ലി​യ വാ​ർ​ത്ത​യാ​യി​രു​ന്നു. 2005ലാ​ണ് 30 വ​യ​സ്സാ​യ മ​ക​ൻ സു​ബ്ബ​രാ​ജ​ൻ പി​താ​വി​നെ സ​ന്ദ​ർ​ശി​ക്കു​ന്ന​ത്. 22 വ​ർ​ഷം ജ​യി​ൽ​വാ​സം പൂ​ർ​ത്തി​യാ​ക്കി​യ​പ്പോ​ൾ ദു​ബൈ സെ​ൻ​ട്ര​ൽ ജ​യി​ലി​ലെ ഏ​റ്റ​വും ദീ​ർ​ഘ​കാ​ല ത​ട​വു​കാ​ര​ന്‍റെ മോ​ച​ന​ത്തി​ന് ഇ​ന്ത്യ​ൻ കോ​ൺ​സു​ലേ​റ്റും സ​ന്ന​ദ്ധ​പ്ര​വ​ർ​ത്ത​ക​രും ദു​ബൈ ഭ​ര​ണാ​ധി​കാ​രി​യു​ടെ​യും മ​റ്റും കാ​രു​ണ്യ​ത്തി​നു​വേ​ണ്ടി ഇ​ട​പെ​ട്ടു​തു​ട​ങ്ങി.

അ​ന്ന് ജ​യി​ലി​ൽ പോ​ളി​നെ സ​ന്ദ​ർ​ശി​ച്ച കെ.​വൈ.​സി.​സി എ​ന്ന സം​ഘ​ട​ന പ്ര​വ​ർ​ത്ത​ക​രോ​ട് പോ​ൾ അ​ഭ്യ​ർ​ഥി​ച്ച​ത് ‘ത​ന്നെ കൊ​ന്നു​ത​രാ​ൻ ആ​വ​ശ്യ​പ്പെ​ട​ണം’ എ​ന്നാ​യി​രു​ന്നു. 25 വ​ർ​ഷം ക​ഴി​ഞ്ഞ​പ്പോ​ൾ പോ​ളി​ന് ഹൃ​ദ​യാ​ഘാ​ത​മു​ണ്ടാ​വു​ക​യും ശ​സ്ത്ര​ക്രി​യ​ക്ക് വി​ധേ​യ​മാ​വു​ക​യും ചെ​യ്തു. തു​ട​ർ​ന്ന് ആ​രോ​ഗ്യ​വും ക്ഷ​യി​ച്ചു. അ​ധി​കൃ​ത​രു​ടെ കാ​രു​ണ്യ​ത്താ​ൽ പോ​ൾ ജോ​ർ​ജ്‌ 27 വ​ർ​ഷ​ത്തെ സം​ഭ​വ​ബ​ഹു​ല​മാ​യ ജ​യി​ൽ​ജീ​വി​തം അ​വ​സാ​നി​പ്പി​ച്ചു നാ​ട്ടി​ലെ​ത്തി.