Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightഅഗ്​നിരക്ഷാ സേനക്ക്​...

അഗ്​നിരക്ഷാ സേനക്ക്​ കരുത്തേകി നിർമിതബുദ്ധി

text_fields
bookmark_border
അഗ്​നിരക്ഷാ സേനക്ക്​ കരുത്തേകി നിർമിതബുദ്ധി
cancel

ദുബൈ: നിർമിത ബുദ്ധി (എ.ഐ) ഉപയോഗപ്പെടുത്താൻ ശേഷിയുള്ള ആദ്യ അഗ്​നിരക്ഷാ സേന ഓഫിസ്​ ദുബൈയിൽ പ്രവർത്തനം ആരംഭിച്ചു. അഗ്​നിരക്ഷ രംഗത്ത്​ നിർമിത ബുദ്ധി ഉപയോഗപ്പെടുത്തുന്ന ലോകത്തെ ആദ്യ സംരംഭമാണിത്​. ഒന്നിലധികം ഭാഷകളിൽ പ്രാവീണ്യമുള്ള വെർച്വൽ ഓഫീസർമാരുടെ സേവനം ഉപയോഗപ്പെടുത്താൻ കഴിയുമെന്നതാണ്​ ഓഫിസിന്‍റെ മറ്റൊരു സവിശേഷത. തീപ്പിടിത്തമുണ്ടാകുമ്പോൾ​ ഏറ്റവും വേഗത്തിൽ രക്ഷാ പ്രവർത്തനം നടത്തുന്നതിനുള്ള തന്ത്രങ്ങൾ മെനയാൻ ഇത്​ സിവിൽ ഡിഫൻസ്​ ഓഫിസർമാരെ സഹായിക്കും.

ഈ അത്യാധുനിക സൗകര്യം ഇന്റലിജന്റ് പ്രോആക്ടീവ് സംവിധാനങ്ങളാലാണ്​ സജ്ജീകരിച്ചിരിക്കുന്നത്​. ശാസ്ത്രീയ വിവരങ്ങളും മറ്റ് ഘടകങ്ങളും വിശകലനം ചെയ്യുന്നതിലൂടെ, അഗ്നിബാധയിൽ നിന്ന് ഉണ്ടാകുന്ന വെല്ലുവിളികളെ നേരിടാനുള്ള സിവിൽ ഡിഫൻസ് ടീമിന്റെ കഴിവുകൾ ഇത് വർദ്ധിപ്പിക്കും. അതിനൂതനമായ പുതിയ സൗകര്യം നടപ്പിലാക്കിയ ശേഷം അപകട നിരക്ക്​ ഗണ്യമായി കുറഞ്ഞിട്ടുണ്ടെന്നാണ്​ വിലയിരുത്തൽ.

യു.എ.ഇ ഉപപ്രധാനമന്ത്രിയും ആഭ്യന്തര മന്ത്രിയുമായ ലെഫ്​റ്റനന്‍റ്​ ജനറൽ ശൈഖ്​ സെയ്​ഫ്​ ബിൻ സായിദ്​​ ആൽ നഹ്​യാൻ ദുബൈയിലെ സിവിൽ ഡിഫൻസിന്‍റെ ജനറൽ ഡയറക്ടറേറ്റ്​ ഓഫിസിൽ അടുത്തിടെ സിവിൽ ഡിഫൻസ്​ റെഡിനസ്​ റൂമും ഉദ്​ഘാടനം ചെയ്തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Artificial intelligenceFire ForceUAE
News Summary - Fire Force
Next Story