ദുബൈ മറീനയിൽ കെട്ടിടത്തിൽ തീപിടിത്തം

ദുബൈ: ദുബൈ മറീനയിൽ അൽ ഹെബ്​ത്തൂർ ഗ്രാൻഡിന്​ സമീപം നിർമാണം നടന്നുവരുന്ന കെട്ടിടത്തിന്​ തീപ്പിടിച്ചു. ബുധനാഴ്ച രാവിലെ 7.30 ഓടെ​ സംഭവത്തിൽ ആർക്കും പരിക്കേറ്റതായി റിപോർട്ട്​ ചെയ്​തിട്ടില്ല.

സംഭവം റിപ്പോർട്ട്​ ചെയ്ത ഉടനെ അൽ മർസാ ഫയർ സ്​റ്റേഷനിൽ നിന്നുള്ള സിവിൽ ഡിഫൻസ്​ സംഘം സ്ഥലത്തെത്തുകയും രാവിലെ 8.51ഓടെ തീ നിയന്ത്രണവിധേയമാക്കുകയും ചെയ്തു. തീപ്പിടിത്തത്തിന്‍റെ കാരണം വ്യക്​തമല്ല.