ഷാർജയിൽ ഗോഡൗണിൽ തീപിടിത്തം

ഷാർജ: ഇൻഡസ്ട്രിയൽ ഏരിയ 10 ൽ സ്ഥിതിചെയ്യുന്ന വസ്ത്ര ഗോഡൗണിൽ തീപിടിത്തം. തിങ്കളാഴ്ച ഉച്ച 12.51ഓടെയാണ്​ അഗ്​നിബാധയുണ്ടായത്​. സിവിൽ ഡിഫൻസ് സംഘങ്ങൾ ഉടൻ സ്ഥലത്തെത്തി തീ നിയന്ത്രണ വിധേയമാക്കുന്നത്​ ആരംഭിച്ചു. രാത്രിയോടെ തീയണച്ചതായും കൂളിങ്​ ആരംഭിച്ചതായും അധികൃതർ അറിയിച്ചു.വെല്‍ഡിങ് ജോലി സമയത്ത് തീപ്പൊരികള്‍ വീണതിനെ തുടർന്നാണ്​ തീ പടര്‍ന്നതെന്ന്​ പ്രാഥമിക അന്വേഷണത്തിൽ തെളിഞ്ഞതായി അധികൃതർ വെളിപ്പെടുത്തി.