അൽഖൂസിലെ വെയർഹൗസിൽ തീപ്പിടിത്തം

ദുബൈ: അൽഖൂസിലെ വെയർഹൗസിലുണ്ടായ തീപ്പിടിത്തം സിവിൽ ഡിഫൻസ്​ നിയ​ന്ത്രണവിധേയമാക്കി. ചൊവ്വാഴ്ച പുലർച്ചെ 3.45നാണ്​ തീപ്പിടിത്തം റിപോർട്ട്​ ചെയ്യുന്നത്​. ജിംനേഷ്യത്തിന്‍റെ ഭാഗമായ വെയർ ഹൗസിനാണ്​ തീപ്പിടിച്ചത്​. ഉടൻ സിവിൽ ഡിഫൻസ്​ സ്ഥലത്തെത്തുകയും തീയണക്കുകയായിരുന്നു. ആർക്കും പരിക്കേറ്റതായി റിപോർട്ട്​ ചെയ്തിട്ടില്ല. തീപ്പിടിത്തത്തിനുള്ള കാരണത്തെ അറിയാനുള്ള അന്വേഷണം ആരംഭിച്ചതായി അധികൃതർ അറിയിച്ചു. നാശനഷ്ടങ്ങളുടെ വിലയിരുത്തലുകളും പൂർത്തിയായിട്ടില്ല.