സായിദ് മിലിട്ടറി സിറ്റിയിലെ വെയർഹൗസിലുണ്ടായ തീപിടിത്തം നിയന്ത്രണ വിധേയമാക്കി

അബൂദബി: സായിദ് മിലിട്ടറി സിറ്റിയിലെ ഒരു വെയർഹൗസിലുണ്ടായ തീപിടിത്തം സായുധ സേനയുടെ ഫയർ ഫൈറ്റിങ്​ സംഘം നിയന്ത്രണവിധേയമാക്കി. കുറച്ചു തടികളും പഴയ വെടിക്കോപ്പുകളും കത്തിയതിനെത്തുടർന്നാണ് അബദ്ധത്തിൽ തീപിടിത്തമുണ്ടായത്.

തീപിടിത്തം പൂർണമായും നിയന്ത്രണവിധേയമാക്കിയതായും അപകടത്തിൽ ആർക്കും പരിക്കേറ്റിട്ടില്ലെന്നും പ്രതിരോധ മന്ത്രാലയം സ്ഥിരീകരിച്ചു. ഔദ്യോഗിക സ്രോതസുകളിൽ നിന്ന് മാത്രം വിവരങ്ങൾ ശേഖരിക്കാൻ മന്ത്രാലയം പൊതുജനങ്ങളോട് അഭ്യർഥിച്ചു.