ജുമൈറയിലെ നിർമാണ സൈറ്റിൽ തീപിടിത്തം

ദുബൈ: ഏതാനും ദിവസത്തെ ഇടവേളക്കു ശേഷം ദുബൈയിലെ നിർമാണ സൈറ്റിൽ വീണ്ടും തീപിടിത്തം. ജുമൈറ രണ്ടിലെ നിർമാണ സൈറ്റിൽ ഞായറാഴ്​ച വൈകീട്ടാണ്​ തീപിടിത്തമുണ്ടായത്​. പ്രദേശത്ത്​ കൂറ്റൻ പുകച്ചുരുളുകളുയരുന്നതറിഞ്ഞ്​ സിവിൽ ഡിഫൻസ്​ സംഘം പാഞ്ഞെത്തി രക്ഷാ പ്രവർത്തനം നടത്തി.
നിർമാണത്തിലിരിക്കുന്ന ഒരു മാളി​​െൻറ അടിത്തട്ടിൽ നിന്നാണ്​ തീ ഉയർന്നതെന്നാണ്​ വിവരം. തീ മറ്റു കെട്ടിടങ്ങളിലേക്ക്​ വ്യാപിക്കും മുൻപ്​ നിയന്ത്രണ വിധേയമാക്കിയെന്നും ആളപായങ്ങളൊന്നുമില്ലെന്നും ദുബൈ മീഡിയാ ഒഫീസ്​ ട്വീറ്റ്​ ചെയ്​തു. ദുബൈ സിവിൽ ഡിഫൻസ്​ ഡയറക്​ടർ ജനറൽ മേജർ ജനറൽ റാശിദ്​ താലി അൽ മത്​റൂഷി സംഭവസ്​ഥലത്ത്​ നേരി​െട്ടത്തി പ്രവർത്തനങ്ങൾക്ക്​ മേൽനോട്ടം വഹിച്ചു. റോഡുകൾ ഭാഗിമായി അടച്ച്​ ഗതാഗതം വഴി തിരിച്ചു വിട്ടിരുന്നു. 
ശുഹദാ, ഇത്തിഹാദ്​, പോർട്ട്​ സഇൗദ്​, റാശിദീയ സ്​റ്റേഷനുകളിൽ നിന്ന്​ അഗ്​നി ശമന സംഘങ്ങൾ എത്തിയതായി അൽ ഖൂസ്​ സ്​റ്റേഷൻ ഡയറക്​ടർ മേജർ ഹുസൈൻ അൽ റഹൂമി പറഞ്ഞു.