അജ്മാനിൽ ബഹുനില താമസ കെട്ടിടത്തിൽ തീപിടിത്തം

അജ്‌മാൻ: അജ്മാനിൽ ബഹുനില താമസ കെട്ടിടത്തിൽ തീപിടിത്തം. അജ്‌മാൻ വൺ ടവറിലെ ടവർ രണ്ടിലാണ് തിങ്കളാഴ്ച്ച രാത്രി 12 ഓടെയാണ് തീപിടിത്തമുണ്ടായത്. ആളപായമുള്ളതായി റിപ്പോർട്ടില്ല.

മലയാളികളടക്കം നൂറുകണക്കിന് പേർ ഈ കെട്ടിടത്തിൽ താമസിക്കുന്നുണ്ട്. മുപ്പതോളം നിലയുള്ളതാണ് കെട്ടിടം.

നെസ്റ്റോ സൂപ്പർ മാർക്കറ്റ് അടക്കമുള്ള സ്ഥാപനങ്ങൾ ഇതിനടിയിൽ പ്രവർത്തിക്കുന്നു. തീപിടിത്തത്തെ തുടർന്ന് സമീപ കെട്ടിടങ്ങളിൽനിന്ന് താമസക്കാരെ അധികൃതർ ഒഴിപ്പിച്ചു.