സാ​മ്പ​ത്തി​ക ത​ർ​ക്കം; പ​രി​ഹാ​ര​ത്തി​ന്​ പു​തി​യ ക​മ്മി​റ്റി

ദു​ബൈ: ശ​മ്പ​ളം ന​ൽ​കാ​തി​രി​ക്കു​ന്ന​ത്​ ഉ​ൾ​പ്പെ​ടെ​യു​ള്ള വി​വി​ധ സാ​മ്പ​ത്തി​ക ത​ർ​ക്ക​ങ്ങ​ൾ​ക്ക്​ പ​രി​ഹാ​രം കാ​ണു​ന്ന​തി​ന്​ യു.​എ.​ഇ​യി​ൽ പു​തി​യ ക​മ്മി​റ്റി. തൊ​ഴി​ലു​ട​മ​ക​ളും ധാ​രാ​ളം തൊ​ഴി​ലാ​ളി​ക​ളും ഉ​ൾ​പ്പെ​ടു​ന്ന പ്ര​ശ്ന​ങ്ങ​ൾ പ​രി​ഗ​ണി​ക്കു​ന്ന​തി​നാ​ണ്​ മാ​ന​വ​വി​ഭ​വ-​എ​മി​റേ​റ്റൈ​സേ​ഷ​ൻ മ​ന്ത്രാ​ല​യം പ്ര​ത്യേ​ക ക​മ്മി​റ്റി രൂ​പ​പ്പെ​ടു​ത്തി​യ​ത്. ഇ​രു ക​ക്ഷി​ക​ളും ത​മ്മി​ൽ ര​മ്യ​മാ​യ പ​രി​ഹാ​രം കാ​ണാ​നാ​വാ​ത്ത കേ​സു​ക​ളാ​ണ്​ ക​മ്മി​റ്റി​ക്ക്​ മു​ന്നി​ൽ പ​രി​ഗ​ണി​ക്കു​ക. 50ൽ ​കൂ​ടു​ത​ൽ തൊ​ഴി​ലാ​ളി​ക​ളു​ടെ സാ​മ്പ​ത്തി​ക അ​വ​കാ​ശ​ങ്ങ​ളു​മാ​യി ബ​ന്ധ​പ്പെ​ട്ട ത​ർ​ക്ക​ങ്ങ​ളാ​ണ്​ പ​രി​ശോ​ധി​ക്കു​ക.

യു.​എ.​ഇ മ​ന്ത്രി​സ​ഭ​യാ​ണ്​ ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ത്ത​ത്. തൊ​ഴി​ൽ ത​ർ​ക്ക​ങ്ങ​ൾ പ​രി​ഹ​രി​ക്കാ​ൻ നി​യ​മ​ത്തി​ന്‍റെ ച​ട്ട​ക്കൂ​ടി​ൽ സം​വി​ധാ​നം ഒ​രു​ക്കു​ന്ന​തി​ന്‍റെ ഭാ​ഗ​മാ​യാ​ണ്​ ക​മ്മി​റ്റി രൂ​പ​പ്പെ​ടു​ത്തി​യ​തെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി. പ്ര​ശ്ന​ങ്ങ​ളി​ൽ ഇ​രു​ക​ക്ഷി​ക​ളു​ടെ​യും അ​വ​കാ​ശ​ങ്ങ​ൾ ഉ​റ​പ്പു​ന​ൽ​കു​ന്ന രീ​തി​യി​ൽ തൊ​ഴി​ൽ ത​ർ​ക്ക​ങ്ങ​ൾ വേ​ഗ​ത്തി​ൽ പ​രി​ഹ​രി​ക്കു​ന്ന​തി​നാ​ണ്​ ക​മ്മി​റ്റി ശ്ര​ദ്ധി​ക്കു​ക​യെ​ന്ന്​ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ഖ​ലീ​ൽ ഖൗ​രി പ​റ​ഞ്ഞു.

അ​പ്പീ​ൽ കോ​ട​തി ജ​ഡ്ജി, ചേം​ബ​ർ ഓ​ഫ്​ കോ​മേ​ഴ്​​സ്​ ആ​ൻ​ഡ്​ ഇ​ൻ​ഡ​സ്​​ട്രി പ്ര​തി​നി​ധി, പ്ര​ദേ​ശി​ക ലേ​ബ​ർ ക​മ്മി​റ്റി​യി​ൽ​നി​ന്നു​ള്ള പ്ര​തി​നി​ധി, മ​ന്ത്രാ​ല​യം വ​ർ​ക്​ റി​ലേ​ഷ​ൻ​സ്​ വ​കു​പ്പ്​ പ്ര​തി​നി​ധി എ​ന്നി​വ​ർ ക​മ്മി​റ്റി​യി​ൽ അം​ഗ​ങ്ങ​ളാ​യി​രി​ക്കും. ക​മ്മി​റ്റി​യു​ടെ പ്ര​വ​ർ​ത്ത​ന​ത്തി​ലെ നി​ഷ്പ​ക്ഷ​ത, സ​മ​ഗ്ര​ത, സു​താ​ര്യ​ത എ​ന്നി​വ മ​ന്ത്രാ​ല​യം ഉ​റ​പ്പു​വ​രു​ത്തും.