പാകിസ്​താനിലെ മാമുക്കോയ

പ്രിയദർശൻ -​േമാഹൻലാൽ ടീമി​െൻറ 'ഒപ്പം' സിനിമയിലെ മാമുക്കോയയുടെ സീൻ നമ്മളെ​െയല്ലാം പൊട്ടിച്ചിരിപ്പിച്ചതാണ്​. കേസന്വേഷണത്തി​െൻറ ഭാഗമായി ​ഫ്ലാറ്റിലെ സെക്യൂരിറ്റിയായ കുഞ്ഞുമുഹമ്മദിനെ (മാമുക്കോയ) ചെമ്പൻ വിനോദി​െൻറ നേതൃത്വത്തിലുള്ള ​പൊലീസ്​ സംഘം ചോദ്യം ചെയ്യുന്നതാണ്​ രംഗം.

ഈ രംഗം പാകിസ്​താനികൾ അഭിനയിച്ചാൽ എങ്ങിനെയിരിക്കും. ഒരു സംഘം പ്രവാസികൾ ചേർന്നാണ്​ ഈ രംഗം പാകിസ്​താനികളെ വെച്ച്​ പുനസൃഷ്​ടിച്ചത്​. ഫുജൈറയിൽ ജോലി ചെയ്യുന്ന കാർട്ടൂണിസ്​റ്റ്​ അഫ്​സൽ മിഖ്​ദാദാണ്​ സഹപ്രവർത്തകരായ പാകിസ്​താനികളെ മാമുക്കോയും മോഹൻലാലും ചെമ്പൻ വിനോദുമെല്ലാമാക്കി മാറ്റിയത്​.

ബിൽഡിങ് മെറ്റീരിയൽ കമ്പനിയിലെ തൊഴിലാളികളായ ഗുൽ ആമിൻ, അബ്​ദുൽ വാഹിദ്, ആബിദ്, മിനാർ, അബ്​ദുല്ല, ആമിൻ ജാൻ, സൗലത്ത്, സയ്യിദ്, ജാവേദ് തുടങ്ങിയവരാണ് അഭിനേതാക്കൾ. PLUMS MEDIA എന്ന യൂ ട്യൂബ്​ ചാനലിലൂടെയാണ്​ 'ഒപ്പം' സീനി​െൻറ 'റീ മേക്ക്​' പുറത്തിറക്കിയത്​.

സ്​ക്രൂ ഉപയോഗിച്ച്​ വരകൾ തീർക്കുന്ന തൃശൂർ കൈപ്പമംഗലം സ്വദേശി സയിദ്​ ഷാഫിയാണ്​ ക്രിയേറ്റീവ്​ ഹെഡ്​. നിസാം പള്ളിയാൽ, റസൂൽ, ഇഖ്​ബാൽ ഖാൻ, നിയാസ്​, റഹീം ജാൻ എന്നിവരും അണിയറിയിലുണ്ട്​. 2018ൽ പപ്പുവി​െൻറ 'താമരശ്ശേരി ചുരം' സീനും അഫ്​സൽ പാകിസ്താനി സഹപ്രവർത്തകരെ അഭിനയിപ്പിച്ച് പുനഃസൃഷ്ടിച്ചിരുന്നു.