ഫിഫ ലോകകപ്പ് ദുബൈയില്‍

ദുബൈ: ഫിഫ ലോകകപ്പ് ദുബൈയിലെത്തി. അടുത്തവര്‍ഷം ജൂലൈയില്‍ നടക്കുന്ന ലോകകപ്പ് മല്‍സരത്തിനായി മോസ്കോയിലേക്ക് പുറപ്പെട്ട സ്വര്‍ണകപ്പ്​ ഇനി കുറച്ചു ദിവസം ഗള്‍ഫിലുണ്ടാകും. ഇന്നലെ വൈകീട്ട്​  ലോകകപ്പ് ഫുട്ബാള്‍ സ്പോണ്‍സര്‍മാരായ വിസയാണ് സ്വര്‍ണകപ്പ് ദുബൈയിലെത്തിച്ചത്.  ബുര്‍ജ് അല്‍ അറബില്‍ വന്‍വര​േവല്‍പാണ്  കപ്പിന് ലഭിച്ചത്. അബൂദബിയില്‍ നിന്ന് ദുബൈയിലെത്തിയ കപ്പ് ഇന്ന് മുഴുവന്‍ ദുബൈ മാള്‍ ഓഫ് എമിറേറ്റ്സില്‍ പ്രദര്‍ശിപ്പിക്കും. ജൂണില്‍ പര്യടനം തുടരും. കപ്പ്   ജൂണ്‍ ഏഴിന് ദോഹയിലും എട്ടിന് റിയാദിലും എത്തിക്കും. യഥാര്‍ഥ സ്വര്‍ണകപ്പ് സുരക്ഷിതമാക്കാന്‍ വെങ്കലത്തില്‍ സ്വര്‍ണം പൂശിയ ഈ കപ്പാണ് ചാമ്പ്യന്‍മാര്‍ക്ക് സമ്മാനിക്കുക. ആറ് കിലോയില്‍കൂടുതല്‍ ഭാരമുള്ള ഈ റിപ്ലിക്ക പോലും അങ്ങനെ ആര്‍ക്കും കൈയിലെടുത്ത് പൊക്കാന്‍ അവകാശമില്ല. 
മൂന്ന് പേര്‍ക്കേ കപ്പ് ഉയര്‍ത്താന്‍ അര്‍ഹതയുള്ളു, ഒന്നുകില്‍ കപ്പ് നേടിയ ടീമിലെ അംഗം, രാജ്യങ്ങളുടെ ഭരണാധിപര്‍‍, അല്ലെങ്കില്‍ സ്പോണ്‍സറുടെ പ്രതിനിധി. പക്ഷെ, ഒപ്പം നിന്ന് ഫോട്ടോ എടുക്കാന്‍ പൊതുജനങ്ങൾക്കും അവസരമുണ്ട്.