ഫിഫ ലോക ക്ലബ്​ ഫുട്​ബാൾ: ഒാക്​ലാൻഡി​നെ വീഴ്​ത്തി അൽ ജസീറ ​ക്വാർട്ടറിൽ

അബൂദബി: പരിചയസമ്പന്നരായ ഒാക്​ലാൻഡ്​ സിറ്റിയെ ഏകപക്ഷീയമായ ഒരു ഗോളിന്​ തകർത്ത്​ ഫിഫ ലോക ക്ലബ്​ ഫുട്​ബാളിൽ ആതിഥേയ ടീം അൽ ജസീറ ക്വാർട്ടർ പ്രവേശനം നേടി.  നിരവധി അവസരങ്ങൾ ലഭിച്ചിട്ടും ​േഗാൾ നേടാനാവാതെ വിയർത്ത ഒാക്​ലാൻഡിനെ ബ്രസീൽ താരം റൊമാരിഞ്ഞോയുടെ മനോഹരമായ ഗോളിലൂടെയാണ്​ അൽ ജസീറ മുട്ടുകുത്തിച്ചത്​. 37ാം മിനിറ്റിലായിരുന്നു റൊമാരിഞ്ഞോയുടെ ഗോൾ. 25 മീറ്റർ അകലെ നിന്നെടുത്ത ലോങ്​ റേഞ്ച്​ ഷോട്ട്​ ഒാക്​ലാൻഡ്​ ഗോളി സുബികറായിക്ക്​ ഒരവസരവും നൽകിയില്ല. അൽജസീറയിൽനിന്ന്​ ഒാക്​ലാൻഡി​​​െൻറ പോസ്​റ്റ്​ ലക്ഷ്യമായി ചെന്ന ആദ്യ ഷോട്ടായിരുന്നു ഇത്​. 
പന്തടക്കത്തിലും മുന്നിൽനിന്ന ഒാക്​ലാൻഡ്​ അൽ ജസീറ പോസ്​റ്റിലേക്ക്​ ആറ്​ തവണ ഷോട്ടുതിർത്തെങ്കിലും ഒന്നും ലക്ഷ്യത്തിലെത്തിയില്ല. അതേസമയം, അൽ ജസീറക്ക്​ രണ്ട്​ തവണ മാത്രമേ ഒാക്​ലൻഡ്​ പോസ്​റ്റിനെ ലക്ഷ്യം വെക്കാനായുള്ളൂ.സ്​റ്റേഡിയത്തിലെ നിരവധി സീറ്റുകൾ ഒഴിഞ്ഞുകിടന്നിരുന്നെങ്കിലും കളി കാണാനെത്തിയവർ വൻ ആവേശത്തിലായിരുന്നു. അൽ ജസീറ ക്ലബ്​ ആരാധകർ തുടക്കം മുതലേ ഹർഷാരവും മുഴക്കി ടീമിന്​ പിന്തുണ പ്രഖ്യാപിച്ചു. കളിയുടെ തുടക്കത്തിൽ ഇരു ടീമുകളും താളം കണ്ടെത്താൻ പ്രയാസപ്പെട്ടു. 

അൽ ജസീറയുടെ പിഴവുകളിൽ അവസരങ്ങൾ തുറന്ന്​ കിട്ടിയെങ്കിലും ഒാക്​ലാൻഡിന്​ ഗോളാക്കി മാറ്റാൻ സാധിച്ചില്ല. കളിയുടെ 30ാം മിനിറ്റിൽ ഒാക്​ലാൻഡി​​​െൻറ മക്​കോവാട്ടിന്​ സുവർണാവസരം ലഭിച്ചെങ്കിലും പാഴായി. ഗോൾപോസ്​റ്റിന്​ മുന്നിൽനിന്ന്​ ലഭിച്ച പന്ത്​ മക്​കോവാട്ട്​ അൽ ജസീറ ഗോൾകീപ്പർ കാസിഫി​​​െൻറ കൈകളിലേക്കെന്ന വണ്ണം അടിക്കുകയായിരുന്നു. 33ാം മിനിറ്റിൽ ഒാക്​ലാൻഡി​​​െൻറ ഡിഫൻഡർ ഡാരൻ ​ൈവറ്റിന്​ പരിക്കേറ്റു. ഒരു ആംഗ്​ൾ ഷോട്ട്​ എടുക്കാൻ ശ്രമിച്ച ഡാരൻ കാൽ തെറ്റി മൈതാന വശങ്ങളിൽ സ്​ഥാപിച്ച പരസ്യപലകയിലേക്ക്​ വീഴുകയായിരുന്നു. ഡിസംബർ ഒമ്പതിന്​ റാവ റെഡ്​ ഡയമണ്ട്​സുമായി അൽ ജസീറ ക്വാർട്ടർ ഫൈനൽ മത്സരം കളിക്കും. രാത്രി 8.30ന്​ സായിദ്​ സ്​പോർട്​സ്​ സിറ്റി സ്​റ്റേഡിയത്തിലാണ്​ മത്സരം. അതേ ദിവസം വൈകുന്നേരം അഞ്ചിന്​ പാച്ചുകയും വെയ്​ദാദ്​ കാസബ്ലാങ്കയും തമ്മിലുള്ള ക്വാർട്ടർ ഫൈനൽ മത്സരവും നടക്കും. ക്വാർട്ടർ ഫൈനൽ മത്സരത്തിൽ അൽ ജസീറ ജയിച്ചാൽ സെമി ഫൈനലിൽ റയൽ മഡ്രിഡുമായി കളിക്കാൻ അവസരം ലഭിക്കും.