ശൈഖ്​ മുഹമ്മദും ശൈഖ്​ ഹംദാനും ഖത്തറിൽ

ദുബൈ: ലോകകപ്പ്​ ഉദ്​ഘാടന ചടങ്ങിൽ പ​​ങ്കെടുക്കാൻ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം എന്നിവർ ഖത്തറിലെത്തി. ഖത്തർ ഡെപ്യൂട്ടി അമീർ ശൈഖ്​ അബ്​ദുല്ല ബിൻ ഹമദ്​ അൽ താനി ഇരുവരെയും സ്വീകരിച്ചു. മറ്റ്​ ജി.സി.സി രാജ്യങ്ങളുടെ ഭരണാധികാരികളും ഉദ്​ഘാടന ചടങ്ങിനായി ഖത്തറിൽ എത്തിയിരുന്നു.