ഫിഫ ക്ലബ്​ ലോകകപ്പ്​ : ഫിക്​സ്​ചർ നറുക്കെടുപ്പ്​ പൂർത്തിയായി

അബൂദബി: യു.എ.ഇ ആതിഥ്യം വഹിക്കുന്ന ഫിഫ ക്ലബ്​ വേൾഡ്​ കപ്പ്​ -2017​​െൻറ ഫിക്​സ്​ചർ നറുക്കെടുപ്പ്​ പൂർത്തിയായി. തിങ്കളാഴ്​ച അബൂദബി ഫെയർമോണ്ട്​ ബാബ്​ അൽ ബഹ്​ർ ഹോട്ടലിലാണ്​ നറുക്കെടുപ്പ്​ നടന്നത്​. അബൂദബി ക്ലബ്​ അൽ ജസീറയും ന്യൂസിലൻഡിലെ ഒാക്​ലൻഡ്​ സിറ്റിയും തമ്മിലാണ്​ ആദ്യ മത്സരം. ഡിസംബർ ആറിന്​ അൽ​െഎനിലെ ഹസ്സ ബിൻ സായിദ്​ സ്​റ്റേഡിയത്തിലാണ്​ ഉദ്​ഘാടന മത്സരം നടക്കുക. ഹയർ ലോക്കൽ ഒാർഗനൈസിങ്​ കമ്മിറ്റി ചെയർമാൻ മുഹമ്മദ്​ ഖൽഫാൻ ആൽ റുമൈതി, മുൻ കൊളംബിയൻ ഫുട്​ബാളർ ഇവാൻ കൊർദേബ, ഫിഫ ടൂർണമ​െൻറ്​ മേധാവി ജെയ്​മി യർസ, യു.എ.ഇ ഫുട്​ബാളർ അബ്​ദുൽ റഹീം ജുമാ, ഫ്രാൻസി​​െൻറ മുൻ താരങ്ങളായ മൈക്കൽ സിൽവസ്​റ്റർ, എറിക്​ അബിദാൽ തുടങ്ങിയവർ ചടങ്ങിൽ പ​െങ്കടുത്തു.

മൊത്തം ഏഴ്​ ടീമുകളാണ്​ ക്ലബ്​ ലോകകപ്പിൽ പ​െങ്കടുക്കുന്നത്​. ഇതിൽ യുവേഫ ചാമ്പ്യൻസ്​ ലീഗ്​ ജേതാക്കളായ റയൽ മ​ഡ്രിഡ്​ നേരിട്ട്​ സെമിയിൽ പ്രവേശിച്ചിട്ടുണ്ട്​. ദക്ഷിണ ​അമേരിക്കൻ ഫുട്​ബാൾ കോൺഫെഡറേഷനിൽ ജേതാക്കളാകുന്നവരും നേരിട്ട്​ സെമിപ്രവേശം നേടും.കോൺകകാഫ്​ ജേതാക്കളായ മെക്​സിക്കൻ ക്ലബ്​ പാച്ചുക ക്വാർട്ടർ ഫൈനലിലേക്ക്​ നേരിട്ട്​ യോഗ്യത നേടിയിട്ടുണ്ട്​. കോൺഫെഡറേഷൻ ഒാഫ്​ അമേരിക്കൻ ഫുട്​ബാൾ ചാമ്പ്യൻഷിപ്പ്​, ഏഷ്യൻ ഫുട്​ബാൾ കോൺഫെഡറേഷൻ ചാമ്പ്യൻഷിപ്പ്​ എന്നിവയിൽ ജോതാക്കളാകുന്നവരും ക്വാർട്ടർ ഫൈനലിൽ കടക്കും. അൽജസീറയും ഒാക്​ലാൻഡ്​ സിറ്റിയുമാണ്​ ക്വാർട്ടർ ഫൈനൽ ​പ്രവേശനം തേടി പ്ലേ ഒാഫ്​ മത്സരം കളിക്കുന്നത്​. ഡിസംബർ 13ന്​ അബൂദബി സായിദ്​ സ്​പോർട്​സ്​ സിറ്റി സ്​റ്റേഡിയത്തിൽ ഫൈനൽ മത്സരവും 12ന്​ അൽ​െഎൻ ഹസ്സ ബിൻ സായിദ്​ സ്​റ്റേഡിയത്തിൽ സെമിഫൈനൽ മത്സരവും നടക്കും. സായിദ്​ സ്​പോർട്​സ്​ സിറ്റി സ്​റ്റേഡിയത്തിൽ 16നാണ്​ ലൂസേഴ്​സ്​ ഫൈനൽ.