നാടിനെ അറിഞ്ഞിട്ട്​ മതി ജോലി; ശ്രദ്ധേയ ഉത്തരവുമായി ശൈഖ്​ സുൽത്താൻ

ഷാ​ർ​ജ: ​ദി​വ​സ​വും ജോ​ലി​ക്ക്​ പ്ര​വേ​ശി​ക്കും മു​മ്പ്​ ജ​ന​ങ്ങ​ളു​ടെ ആ​വ​ശ്യ​ങ്ങ​ള​റി​യു​ന്ന​തി​ന്​ ഫീ​ൽ​ഡ്​ സ​ന്ദ​ർ​ശ​ന​ങ്ങ​ൾ ന​ട​ത്താ​ൻ എ​മി​റേ​റ്റി​ലെ മു​നി​സി​പ്പാ​ലി​റ്റി മേ​ധാ​വി​ക​ൾ​ക്ക്​ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ നി​ർ​ദേ​ശം.

എ​ല്ലാ മേ​ഖ​ല​യി​ലു​മു​ള്ള പൊ​തു​ജ​ന​ങ്ങ​ളു​ടെ ആ​വ​ശ്യ​ങ്ങ​ൾ മ​ന​സ്സി​ലാ​ക്കു​ന്ന​തി​നാ​ണ്​ സ​ന്ദ​ർ​ശ​നം നി​ർ​ദേ​ശി​ച്ചി​രി​ക്കു​ന്ന​ത്. ഷാ​ർ​ജ, അ​ൽ ഹം​രി​യ, അ​ൽ ബ​തീ​ഹ്, അ​ൽ മ​ദാം, മ​ലീ​ഹ, ദൈ​ദ്, ക​ല​ബ, ഖോ​ർ​ഫ​ക്കാ​ൻ, ദി​ബ്ബ അ​ല ഹി​സ്​​ൻ എ​ന്നി​ങ്ങ​നെ ഒ​മ്പ​ത്​ മു​നി​സി​പ്പാ​ലി​റ്റി​ക​ളാ​ണ്​ ഷാ​ർ​ജ എ​മി​റേ​റ്റി​ലു​ള്ള​ത്. മു​നി​സി​പ്പാ​ലി​റ്റി മേ​ധാ​വി​ക​ളു​ടെ സ​ന്ദ​ർ​ശ​ന​ത്തി​ന്‍റെ സ​മ​യ​വും രൂ​പ​വും മ​റ്റു വി​ശ​ദാം​ശ​ങ്ങ​ളും പു​റ​ത്തു​വ​ന്നി​ട്ടി​ല്ല.

ഷാ​ർ​ജ സി​റ്റി​യി​ലെ വി​വി​ധ ഭാ​ഗ​ങ്ങ​ളി​ൽ സ്ഥി​തി ചെ​യ്യു​ന്ന പാ​ർ​ക്കു​ക​ളു​ടെ ചു​റ്റു​മ​തി​ലു​ക​ൾ ന​വീ​ക​രി​ക്കു​ന്ന​തി​ന്​ 1.9 കോ​ടി ദി​ർ​ഹം അ​നു​വ​ദി​ച്ചും ശൈ​ഖ്​ സു​ൽ​ത്താ​ൻ ഉ​ത്ത​ര​വ്​ പു​റ​പ്പെ​ടു​വി​ച്ചു. ആ​കെ 21 പാ​ർ​ക്കു​ക​ളാ​ണ്​ ഇ​തി​ലൂ​ടെ പു​തു​മോ​ടി കൈ​വ​രി​ക്കു​ക. പാ​ർ​ക്കു​ക​ളു​ടെ കാ​ഴ്ച​ഭം​ഗി വ​ർ​ധി​പ്പി​ക്കു​ക​യാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്.

ശൈ​ഖ്​ സു​ൽ​ത്താ​ന്‍റെ പ്ര​ത്യേ​ക​മാ​യ താ​ൽ​പ​ര്യ​മു​ള്ള​തി​നാ​ൽ പാ​ർ​ക്കു​ക​ളു​ടെ പ​രി​ച​ര​ണ​ത്തി​നും ന​വീ​ക​ര​ണ​ത്തി​നും വ​ലി​യ ശ്ര​ദ്ധ​യാ​ണ്​ മു​നി​സി​പ്പാ​ലി​റ്റി ന​ൽ​കി​വ​രു​ന്ന​ത്. ഏ​റ്റ​വും മി​ക​ച്ച സൗ​ക​ര്യ​ങ്ങ​ൾ, സേ​വ​ന​ങ്ങ​ൾ, പ​തി​വ്​ അ​റ്റ​കു​റ്റ​പ്പ​ണി​ക​ൾ എ​ന്നി​വ ചെ​യ്തു​വ​രാ​റു​ണ്ട്.പാ​ർ​ക്കു​ക​ളു​ടെ ഉ​ന്ന​ത ഗു​ണ​നി​ല​വാ​രം നി​ല​നി​ർ​ത്തു​ന്ന​തി​ന്​ സ​ഹാ​യി​ക്കു​ന്ന പ​ദ്ധ​തി​ക്ക്​ അം​ഗീ​കാ​രം ന​ൽ​കി​യ​തി​ൽ ഷാ​ർ​ജ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ഉ​ബൈ​ദ്​ അ​ൽ ത​നീ​ജി കൃ​ത​ജ്ഞ​ത അ​റി​യി​ച്ചു.