പനി: ദുബൈയിൽ ഒരു വിദ്യാർഥിനി കൂടി മരിച്ചു

ദുബൈ: പനി ബാധിച്ച് വിദ്യാർഥിനി മരിച്ചു. ദുബൈ ഇന്ത്യൻ സ്കൂൾ പ്ലസ്ടു വിദ്യാർഥിനി ആലിയ അലിയാണ് കഴിഞ്ഞ ദിവസം മരണപ്പെട്ടത്. കണ്ണൂർ ആനയിടുക്ക് പ്യാരി മൻസിലിൽ കൊട്ടിക്കോളൻ നിയാസ് അലി, മൂര്യാൻറകത്ത് ഫരീദ എന്നിവരുടെ മകളാണ്. പനിയെ തുടർന്ന് രണ്ടു ദിവസം മുമ്പാണ് ആലിയയെ ആശുപത്രിയിൽ പ്രവേശിപ്പിച്ചത്.

ഏറ്റവും മികച്ച വിദ്യാർഥിനികളിലൊരാളെയാണ് നഷ്ടമായതെന്ന് സ്കൂൾ അധികൃതർ പറഞ്ഞു. ഖബറടക്കം അൽഖൂസ് ഖബർസ്ഥാനിൽ നടത്തി. ഏതാനും ദിവസം മുമ്പ്​ ഒരു ഒൻപതു വയസുകാരി മലയാളി ബാലികയും പനിയെ തുടർന്ന് മരിച്ചിരുന്നു.