അണ്ണാൻ വിളകൾ നശിപ്പിക്കുന്നതായി കർഷകർ

ഷാർജ: വടക്കൻ എമി​േററ്റിലെ കൃഷിയിടങ്ങളിൽ അണ്ണാൻ ആക്രമണം. ഈത്തപ്പഴം അടക്കമുള്ള വിളകൾ നശിപ്പിക്കുന്നതായാണ്​ കർഷകരുടെ പരാതി. ഗാഫ് മരങ്ങളിലാണ് ഇവയുടെ വാസസ്ഥലം. ഏകദേശം മൂന്നുവർഷം മുമ്പാണ് അണ്ണാൻ തോട്ടങ്ങളിൽ ചെറിയ തോതിൽ പ്രത്യക്ഷപ്പെട്ടത്. പിന്നീട് അവ പെറ്റുപെരുകുകയായിരുന്നു. ധാരാളം കെണികൾ മരങ്ങൾക്കിടയിൽ വെച്ചിട്ടുണ്ടെങ്കിലും ഇവയുടെ എണ്ണം ദിവസവും കൂടിവരുകയാണ്​. കെണികൾ പലവട്ടം വെച്ചിട്ടും പ്രയോജനമില്ലെന്ന്​ റാസൽ ഖൈമ പരിസ്ഥിതി സംരക്ഷണ വികസന അതോറിറ്റി അധികൃതർ പറഞ്ഞു.