രണ്ടര പതിറ്റാണ്ടി​െൻറ പ്രവാസത്തിന്​ വിട; ശിഹാബി​െൻറ സേവനം ഇനി​ നാട്ടിൽ​

ദുബൈ: സേവനവും സ്​നേഹവും നിറഞ്ഞ രണ്ടര പതിറ്റാണ്ടി​െൻറ പ്രവാസത്തിന്​ വിടനൽകി ശിഹാബുദ്ദീൻ ചോലശ്ശേരി നാട്ടിലേക്ക്​ മടങ്ങുന്നു. പ്രവാസത്തി​െൻറ അനുഭവസാക്ഷ്യങ്ങളും നന്മ നിറഞ്ഞ ഓർമകളുമായാണ്​ മടക്കം​.1996ൽ അജ്​മാനിലാണ്​ പ്രവാസത്തി​െൻറ തുടക്കം.​ ഷാർജയിലെ ദൈദിലെ ഫെഡറൽ ഇലക്ട്രിസിറ്റി ആൻഡ് വാട്ടർ അതോറിറ്റിക്കൊപ്പമാണ്​ ജോലി തുടങ്ങിയത്​. ഇതേ സ്​ഥാപനത്തിൽനിന്ന്​ വിരമിച്ചാണ്​ മടങ്ങുന്നത്​.

മദാം ഏരിയയിലെ സ്ഥലംമാറ്റത്തോടെയാണ് ശിഹാബ് സേവന മേഖലയിൽ കൂടുതൽ സജീവമായത്​. ജോലിയോടൊപ്പം മറ്റുള്ളവരുടെ പ്രശ്നങ്ങളും പ്രയാസങ്ങളും സ്വന്തം പ്രശ്നങ്ങളാവുകയും അവ പരിഹരിക്കാൻ രാപ്പകൽ ഓടിനടക്കുകയും ചെയ്തു. ഈ സേവനതൽപരതയുടെ ഗുണം മലയാളികൾ മാത്രമല്ല അനുഭവിച്ചത്, ബംഗാളികൾക്കും പാകിസ്താനികൾക്കും പ്രിയങ്കരനായിരുന്നു.

ജോലിയിൽനിന്ന്​ വിരമിച്ചു നാടണയുമ്പോഴും മദാമിലെ ജനങ്ങളുടെ കരുതലും സ്നേഹവും എന്നും പ്രവാസത്തി​െൻറ നനുത്ത ഓർമകൾ സമ്മാനിക്കും. പെരിന്തൽമണ്ണ ജൂബിലി റോഡിൽ സി.എച്ച്. ഹംസ ഹാജിയുടെയും ഫാത്തിമയുടെയും മകനാണ്​. മാതാപിതാക്കൾക്കും ഭാര്യ ഷബ്​നക്കും മക്കളായ ഷഹനും ഷൻസക്കുമൊപ്പം ശിഷ്​ടകാലം സമാധാനത്തോടെ ജീവിക്കണമെന്നാണ്​ ആഗ്രഹം.നാട്ടിലെത്തിയാലും എന്തെങ്കിലും ജോലി ചെയ്യണമെന്നും ശിഹാബ്​ പറയുന്നു.