സം​തൃ​പ്ത സേ​വ​ന​കാ​ലം സാ​ക്ഷി; മു​ഹ​മ്മ​ദ​ലി കോ​ട്ട​ക്ക​ൽ ഇ​നി നാ​ട്ടി​ൽ

ദു​ബൈ: ‘ഹ​ലോ... ഗ​ൾ​ഫ്​ മാ​ധ്യ​മം സ​ർ​ക്കു​ലേ​ഷ​നി​ൽ​നി​ന്ന്​ മു​ഹ​മ്മ​ദ​ലി​യാ​ണ്​’ ‘പ​ത്രം കൃ​ത്യ​മാ​യി ല​ഭി​ക്കു​ന്നു​ണ്ടോ’ യു.​എ.​ഇ​യി​ലെ ഗ​ൾ​ഫ്​ മാ​ധ്യ​മം വ​രി​ക്കാ​രു​ടെ ഫോ​ണി​ലേ​ക്ക്​ ക​ഴി​ഞ്ഞ ഒ​രു ദ​ശാ​ബ്​​ദ​ത്തി​ലേ​റെ​യാ​യി വ​ന്നെ​ത്തി​യി​രു​ന്ന അ​ന്വേ​ഷ​ണ​ത്തി​ന്‍റെ തു​ട​ക്ക​മാ​ണി​ത്. വി​ശേ​ഷ​ങ്ങ​ൾ അ​റി​ഞ്ഞും പ​രാ​തി​ക​ൾ കേ​ട്ടും ഓ​രോ​രു​ത്ത​ർ​ക്കും മ​റു​പ​ടി ന​ൽ​കു​മാ​യി​രു​ന്ന ആ സൗ​മ്യ​ശ​ബ്​​ദത്തിന് വിരാമമാകുന്നു. മു​ഹ​മ്മ​ദ​ലി കോ​ട്ട​ക്ക​ൽ എ​ന്ന ആ ​ശ​ബ്​​ദ​ത്തി​നു​ട​മ പ്ര​വാ​സ​ത്തി​ന്‍റെ വേ​ഷം അ​ഴി​ച്ചു​വെ​ക്കു​ക​യാ​ണ്. മൂ​ന്ന​ര​പ്പ​തി​റ്റാ​ണ്ട്​ പി​ന്നി​ട്ട യു.​എ.​ഇ​യി​ലെ ജീ​വി​ത​ത്തി​ന്​ തി​ര​ശ്ശീ​ല​യി​ട്ട്​ ജ​ന്മ​നാ​ട്ടി​ലേ​ക്ക്​ മ​ട​ങ്ങു​മ്പോ​ൾ പ്ര​വാ​സ​മ​ണ്ണി​ൽ ത​ന്‍റേ​താ​യ നി​യോ​ഗ​ങ്ങ​ൾ പൂ​ർ​ത്തി​യാ​ക്കി​യ സം​തൃ​പ്തി​യി​ലാ​ണ​ദ്ദേ​ഹം.

1987 ന​വം​ബ​റി​ലാ​ണ്​ കോ​ട്ട​ക്ക​ൽ ച​ങ്കു​വെ​ട്ടി കു​ണ്ട്​ പ്ര​ദേ​ശ​ത്തെ ക​ല്ലി​ങ്ങ​ൽ കു​ഞ്ഞു​മു​ഹ​മ്മ​ദി​ന്‍റെ​യും മ​റി​യാ​മു​വി​ന്‍റെ​യും മ​ക​ൻ മു​ഹ​മ്മ​ദ​ലി 19ാം വ​യ​സ്സി​ൽ ജീ​വി​ത​ത്തി​ന്​ നി​റം​പ​ക​രാ​ൻ ക​ട​ൽ​ക​ട​ക്കാ​ൻ തീ​രു​മാ​നി​ച്ച​ത്. ​കോ​ട്ട​ക്ക​ൽ രാ​ജാ​സ്​ സ്​​കൂ​ളി​ൽ​നി​ന്ന്​ എ​ട്ടാം​ക്ലാ​സ്​ പാ​സാ​യ​ത്​ മാ​ത്ര​മാ​യി​രു​ന്നു വി​ദ്യാ​ഭ്യാ​സ യോ​ഗ്യ​ത. ബോം​ബെ എ​ന്ന ഇ​ന്ന​ത്തെ മും​ബൈ ന​ഗ​ര​ത്തി​ൽ​നി​ന്ന്​ വി​മാ​ന​മാ​ർ​ഗം റാ​സ​ൽ​ഖൈ​മ​യി​ലാ​ണ്​ വി​മാ​ന​മി​റ​ങ്ങി​യ​ത്. സ​ഹോ​ദ​ര​ങ്ങ​ൾ ജോ​ലി​ചെ​യ്തി​രു​ന്ന അ​ജ്​​മാ​നി​ലേ​ക്കാ​ണ്​ നേ​രെ പോ​യ​ത്. വി​സ അ​ടി​ച്ച​ശേ​ഷം അ​ൽ​ഐ​നി​ലേ​ക്ക്​ ​ജോ​ലി​ക്കാ​യി പോ​യി. അ​ൽ​ഐ​നി​ന്‍റെ പ്ര​ശാ​ന്ത​മാ​യ അ​ന്ത​രീ​ക്ഷം അ​ക്കാ​ല​ത്താ​ണ്​ മ​ന​സ്സ്​ കീ​ഴ​ട​ക്കി​യ​ത്. പി​ന്നീ​ട്​ ഒ​രി​ക്ക​ലും താ​മ​സം അ​വി​ടെ​നി​ന്ന്​ മാ​റ്റി​യി​ട്ടി​ല്ല. ഒ​രു സ്വ​ദേ​ശി വീ​ട്ടി​ൽ ഡ്രൈ​വ​റാ​യാ​ണ്​ തു​ട​ക്കം. കു​ട്ടി​ക​ളെ സ്കൂ​ളി​ലേ​ക്ക്​ അ​യ​ക്കു​മ്പോ​ൾ എ​ന്നും കാ​ണു​ന്ന ബ​സ്​ ഡ്രൈ​വി​ങ്​ പ​ഠി​ക്ക​ണ​മെ​ന്ന്​ അ​തി​നി​ടെ മോ​ഹ​മു​ദി​ച്ചു. വൈ​കാ​തെ ത​ന്നെ ബ​സ്​ ലൈ​സ​ൻ​സ്​ സ്വ​ന്ത​മാ​ക്കി.

പി​ന്നീ​ട്​ അ​ൽ​ഐ​ൻ ഒ​യാ​സീ​സ്​ സ്കൂ​ളി​ൽ ബ​സ്​ ഡ്രൈ​വ​റാ​യി ജോ​ലി​ക്ക്​ ചേ​ർ​ന്നു. അ​ൽ​ഐ​നി​ലെ പ്ര​വാ​സ​ത്തി​ന്‍റെ ആ​ദ്യ​കാ​ല​ത്ത്​ തി​രു​വ​ന​ന്ത​പു​രം സ്വ​ദേ​ശ​യാ​യ ഫ​സ്​​ലു​ൽ ഹ​ഖ്​ മൗ​ല​വി അ​ട​ക്ക​മു​ള്ള​വ​ർ ജീ​വി​ത​ത്തി​ൽ സ്വാ​ധീ​നം​ചെ​ലു​ത്തി. സ​മൂ​ഹ​ത്തെ​യും ജീ​വി​ത​ത്തെ​യും കു​റി​ച്ച കാ​ഴ്ച​പ്പാ​ടു​ക​ൾ പു​തു​ക്കാ​ൻ അ​ത്​ നി​മി​ത്ത​മാ​യി. അ​ക്കാ​ല​ത്തു​ത​ന്നെ​യാ​ണ്​ വാ​ർ​ത്താ​മാ​ധ്യ​മ​ങ്ങ​ളി​ൽ വ​​ഴി​ത്തി​രി​വാ​യി ഉ​ദ​യം​ചെ​യ്ത ‘മാ​ധ്യ​മ’​വു​മാ​യി ബ​ന്ധം സ്ഥാ​പി​ക്കു​ന്ന​ത്. സ്കൂ​ളി​ൽ ജോ​ലി ചെ​യ്തു​കൊ​ണ്ടി​രി​ക്കെ അ​ബൂ​ദ​ബി പ​ബ്ലി​ക്​ ട്രാ​ൻ​സ്​​പോ​ർ​ട്ട്​ വ​കു​പ്പി​ൽ ജോ​ലി ല​ഭി​ച്ചു. അ​ൽ​ഐ​നി​ന്‍റെ വി​വി​ധ ഭാ​ഗ​ങ്ങ​ളി​ൽ യാ​ത്ര​ക്കാ​രെ എ​ത്തി​ക്കു​ന്ന ജോ​ലി ല​ഭി​ച്ച​തോ​ടെ പ്ര​വാ​സ ബ​ന്ധ​ങ്ങ​ളും വ​ർ​ധി​ച്ചു. ജോ​ലി ക​ഴി​ഞ്ഞു​ള്ള സ​മ​യ​ങ്ങ​ളി​ൽ താ​ൻ നെ​ഞ്ചോ​ടു​ചേ​ർ​ത്ത പ​ത്ര​ത്തെ കൂ​ടു​ത​ൽ പേ​രി​ലെ​ത്തി​ക്കാ​ൻ സ്വ​യം സ​ന്ന​ദ്ധ​നാ​യി പ്ര​വ​ർ​ത്തി​ച്ചു. അ​തി​നി​ടെ നാ​ട്ടി​ലേ​ക്ക്​ മ​ട​ങ്ങാ​ൻ മോ​ഹ​മു​ദി​ച്ചി​രു​ന്നു. എ​ന്നാ​ൽ, അ​ന്ന​ത്തെ യു.​എ.​ഇ പ്ര​സി​ഡ​ന്‍റ്​ ശൈ​ഖ്​ സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​ൻ സ​ർ​ക്കാ​ർ​ജീ​വ​ന​ക്കാ​രു​ടെ ശ​മ്പ​ളം കു​ത്ത​നെ വ​ർ​ധി​പ്പി​ച്ചു. ഈ ​സാ​ഹ​ച​ര്യ​ത്തി​ൽ നാ​ട്ടി​ലേ​ക്കു​ള്ള​ യാ​ത്ര നീ​ട്ടു​ക​യാ​യി​രു​ന്നു.

വീ​ണ്ടും വ​ർ​ഷ​ങ്ങ​ൾ ക​ട​ന്നു​പോ​യി. ചെ​റി​യ രീ​തി​യി​ൽ ബി​സി​ന​സ്​ രം​ഗ​ത്തും അ​ക്കാ​ല​ത്ത്​ കാ​ലെ​ടു​ത്തു​വെ​ച്ചു. 1995 മു​ത​ൽ നീ​ണ്ട 16 വ​ർ​ഷം പ​ത്ര​ത്തി​ന്‍റെ അ​ൽ​ഐ​ൻ മേ​ഖ​ല സ​ർ​ക്കു​ലേ​ഷ​ൻ ചാ​ർ​ജും 2007 മു​ത​ൽ നാ​ലു​വ​ർ​ഷം അ​ൽ​ഐ​നി​ലെ റി​പ്പോ​ർ​ട്ട​റു​മാ​യി പ്ര​വ​ർ​ത്തി​ച്ചി​ട്ടു​ണ്ട്. അ​ക്കാ​ല​ത്ത്​ മി​ക്ക ദി​വ​സ​ങ്ങ​ളി​ലും ‘മു​ഹ​മ്മ​ദ​ലി കോ​ട്ട​ക്ക​ൽ’ എ​ന്ന ബൈ​ലൈ​ൻ പേ​ജു​ക​ളി​ൽ സാ​ന്നി​ധ്യ​മ​റി​യി​ച്ചു. 2009-10 കാ​ല​ത്ത്​ ര​ണ്ടു​വ​ർ​ഷം മാ​താ​പി​താ​ക്ക​ളെ നാ​ട്ടി​ൽ​നി​ന്ന്​ കൊ​ണ്ടു​വ​ന്ന്​ കൂ​ടെ താ​മ​സി​പ്പി​ച്ചി​രു​ന്നു. അ​തി​ന്​ ശേ​ഷം 2011ൽ ​വീ​ണ്ടും നാ​ട്ടി​​ലേ​ക്ക്​ മ​ട​ങ്ങു​ന്ന​തി​നെ കു​റി​ച്ച്​ ആ​ലോ​ചി​ച്ചു​തു​ട​ങ്ങി. എ​ന്നാ​ൽ, യു.​എ.​ഇ​യി​ൽ ‘ഗ​ൾ​ഫ്​ മാ​ധ്യ​മ’​ത്തി​നാ​യി ഒ​രു വ​ർ​ഷ​മെ​ങ്കി​ലും മു​ഴു​സ​മ​യം പ്ര​വ​ർ​ത്തി​ക്ക​ണ​മെ​ന്ന ആ​ഗ്ര​ഹ​മു​ദി​ച്ചു. നി​മി​ത്തം പോ​ലെ സ​ർ​ക്കു​ലേ​ഷ​ൻ മാ​നേ​ജ​ർ എ​ന്ന ത​സ്തി​ക​യി​ൽ ആ​ളൊ​ഴി​വു​ണ്ടാ​യി​രു​ന്നു. അ​ങ്ങ​നെ ട്രാ​ൻ​സ്​​പോ​ർ​ട്ട്​ വ​കു​പ്പി​ലെ ജോ​ലി ഒ​ഴി​ഞ്ഞ്​ പു​തി​യ ചു​മ​ത​ല ഏ​റ്റെ​ടു​ത്തു. തു​ട​ർ​ന്ന്​ ഒ​രു പ​തി​റ്റാ​ണ്ട്​ കാ​ല​മാ​യി യു.​എ.​ഇ​യി​ലെ ‘ഗ​ൾ​ഫ്​ മാ​ധ്യ​മ’​ത്തി​ന്‍റെ മു​ഖ​ങ്ങ​ളി​ലൊ​ന്നാ​യി മാ​റി.

മൂ​ന്ന​ര​പ്പ​തി​റ്റാ​ണ്ട്​ നീ​ണ്ട പ്ര​വാ​സ​ത്തി​ൽ തി​ക​ഞ്ഞ സം​തൃ​പ്തി​യോ​ടെ​യാ​ണ്​ മു​ഹ​മ്മ​ദ​ലി കോ​ട്ട​ക്ക​ലി​ന്‍റെ മ​ട​ക്കം. സ​മൂ​ഹ​ത്തി​ന്​ ഉ​പ​കാ​ര​പ്പെ​ടു​ന്ന ജോ​ലി​ക​ളി​ൽ വ്യാ​പൃ​ത​നാ​കാ​ൻ ക​ഴി​ഞ്ഞ​ത്​ ഭാ​ഗ്യ​മാ​യി കാ​ണു​ന്നു. നാ​ട്ടി​ലേ​ക്ക്​ മ​ട​ങ്ങി സ​മൂ​ഹ​ത്തി​ന്​ സേ​വ​നം​ചെ​യ്തു​ത​ന്നെ ശി​ഷ്ട​കാ​ലം മു​ന്നോ​ട്ടു​പോ​ക​ണ​മെ​ന്നാ​ണ്​ ആ​ഗ്ര​ഹം. ച​ങ്കു​വെ​ട്ടി കു​ണ്ട്​ മ​ഹ​ല്ല്​ യു.​എ.​ഇ ക​മ്മി​റ്റി​യു​ടെ യു.​എ.​ഇ പ്ര​സി​ഡ​ന്‍റെ​ന്ന നി​ല​യി​ലും പ്ര​വ​ർ​ത്തി​ച്ചി​ട്ടു​ണ്ട്. അ​ൽ​ഐ​നി​ൽ നേ​ര​ത്തെ പ്ര​വ​ർ​ത്തി​ച്ചി​രു​ന്ന മ​ല​യാ​ളി ഡ്രൈ​വ​ർ​മാ​രെ സ​ഹാ​യി​ക്കു​ന്ന ‘ഡ്രൈ​വേ​ഴ്​​സ്​ സു​ര​ക്ഷാ സ്കീം’ ​എ​ന്ന കൂ​ട്ടാ​യ്മ​യു​ടെ വൈ​സ്​ പ്ര​സി​ഡ​ന്‍റാ​യും ദീ​ർ​ഘ​കാ​ലം പ്ര​വ​ർ​ത്തി​ച്ചു. ഭാ​ര്യ റു​ഖി​യ്യ ദീ​ർ​ഘ​കാ​ല​മാ​യി അ​ൽ​ഐ​നി​ൽ കൂ​ടെ​യു​ണ്ടാ​യി​രു​ന്നു. മാ​താ​പി​താ​ക്ക​ളെ പ​രി​ച​രി​ക്കാ​നാ​യി ക​ഴി​ഞ്ഞ വ​ർ​ഷം നാ​ട്ടി​ലേ​ക്ക്​ മ​ട​ങ്ങു​ക​യാ​യി​രു​ന്നു. മ​ക​ൾ മു​ഹ്​​സി​ന​ക്കും മ​രു​മ​ക​ൻ എ.​പി. അ​ബ്​​ദു​റ​ഹ്​​മാ​നും ഒ​പ്പ​മാ​യി​രു​ന്നു ക​ഴി​ഞ്ഞു വ​ന്നി​രു​ന്ന​ത്. ജ​നു​വ​രി 26ന്​ ​ക​രി​പ്പൂ​രി​ലേ​ക്കു​ള്ള വി​മാ​ന​ത്തി​ൽ യാ​ത്ര​യാ​കാ​ൻ ഒ​രു​ങ്ങു​​മ്പോ​ൾ, പി​ഴ​വു​ക​ൾ പൊ​റു​ക്കാ​നും ന​ന്മ​ക​ൾ സ്വീ​ക​രി​ക്കാ​നും എ​ല്ലാ​വ​രു​ടെ​യും പ്രാ​ർ​ഥ​ന​യു​ണ്ടാ​ക​ണ​മെ​ന്നാ​ണ്​ അ​ദ്ദേ​ഹ​ത്തി​ന്‍റെ നിർദേശം.