‘കു​ടും​ബ ഭ​ദ്ര​ത, വി​ക​സ​നം, സു​സ്ഥി​ര​ത’; റാ​ക് പൊ​ലീ​സ് പ്ര​ചാ​ര​ണം

റാ​സ​ല്‍ഖൈ​മ: കു​ടും​ബാം​ഗ​ങ്ങ​ള്‍ക്കി​ട​യി​ല്‍ സ​ഹ​ക​ര​ണം, ഐ​ക്യ​ദാ​ര്‍ഢ്യം, ധാ​ര്‍മി​ക​ത തു​ട​ങ്ങി​യ മൂ​ല്യ​ങ്ങ​ളു​ടെ പ്ര​യോ​ഗ​വ​ത്ക​ര​ണ​ത്തെ​ക്കു​റി​ച്ച്​ ബോ​ധ​വ​ത്ക​ര​ണ​വു​മാ​യി റാ​സ​ല്‍ഖൈ​മ ആ​ഭ്യ​ന്ത​ര മ​ന്ത്രാ​ല​യം.

കു​ട്ടി​ക​ള്‍ക്കി​ട​യി​ല്‍ ആ​രോ​ഗ്യ​ക​ര​മാ​യ സാ​മൂ​ഹി​ക പെ​രു​മാ​റ്റ​ങ്ങ​ള്‍ വ​ള​ര്‍ത്തു​ക, ഉ​ത്ത​ര​വാ​ദി​ത്ത​ങ്ങ​ള്‍ ഏ​റ്റെ​ടു​ക്കാ​ന്‍ ക​ഴി​വു​ള്ള ത​ല​മു​റ​യു​ടെ സൃ​ഷ്ടി​പ്പി​ന് കു​ടും​ബ​ങ്ങ​ളെ പി​ന്തു​ണ​ക്കാ​നും ശ​ക്തി​പ്പെ​ടു​ത്താ​നു​മു​ള്ള റാ​ക് പൊ​ലീ​സി​ന്‍റെ താ​ല്‍പ​ര്യ​ത്തെ പ്ര​തി​നി​ധീ​ക​രി​ക്കു​ന്ന​താ​ണ് ‘കു​ടും​ബ ഭ​ദ്ര​ത, വി​ക​സ​നം, സു​സ്ഥി​ര​ത’ മു​ദ്രാ​വാ​ക്യ​ത്തി​ന് കീ​ഴി​ലു​ള്ള പ്ര​ചാ​ര​ണ പ​രി​പാ​ടി​ക​ളെ​ന്ന് റാ​ക് പൊ​ലീ​സ് മീ​ഡി​യ ആ​ൻ​ഡ്​ പ​ബ്ലി​ക് റി​ലേ​ഷ​ന്‍സ് വ​കു​പ്പ് ഡ​യ​റ​ക്ട​ര്‍ കേ​ണ​ല്‍ ഹ​മ​ദ് അ​ബ്ദു​ല്ല അ​ല്‍ ഹൗ​ദ് അ​ഭി​പ്രാ​യ​പ്പെ​ട്ടു.

ആ​രോ​ഗ്യ​ക​ര​മാ​യ സാ​മൂ​ഹി​ക സൃ​ഷ്ടി​പ്പി​ന് ര​ക്ഷി​താ​ക്ക​ളു​ടെ ഐ​ക്യം ശ​ക്തി​പ്പെ​ടു​ത്തേ​ണ്ട​തു​ണ്ടെ​ന്ന് റാ​ക് പൊ​ലീ​സ് ബോ​ധ​വ​ത്ക​ര​ണ മാ​ധ്യ​മ കാ​മ്പ​യി​ന്‍ ബ്രാ​ഞ്ച് ഡ​യ​റ​ക്ട​ര്‍ മേ​ജ​ര്‍ സ​ഈ​ദ് അ​ല്‍ മു​സ​ഫ്രി പ​റ​ഞ്ഞു. കു​ടും​ബ വി​ക​സ​ന​ത്തി​ന്‍റെ​യും ധാ​ര്‍മി​ക മൂ​ല്യ​ങ്ങ​ളു​ടെ​യും അ​ടി​സ്ഥാ​ന​മാ​യി പ്ര​വ​ര്‍ത്തി​ക്കേ​ണ്ട​ത് മാ​താ​പി​താ​ക്ക​ളാ​ണ്.

ഉ​ത്ത​ര​വാ​ദി​ത്ത ബോ​ധ​മു​ള്ള പൗ​ര​ന്മാ​രെ വ​ള​ര്‍ത്തി​യെ​ടു​ക്കു​ന്ന​തി​ല്‍ സ​മൂ​ഹ​ത്തി​നും ഉ​ത്ത​ര​വാ​ദി​ത്ത​മു​ണ്ടെ​ന്നും സ​ഈ​ദ് തു​ട​ര്‍ന്നു. വി​ദ്യാ​ല​യ​ങ്ങ​ള്‍, വാ​ണി​ജ്യ കേ​ന്ദ്ര​ങ്ങ​ള്‍ തു​ട​ങ്ങി വി​വി​ധ സ്ഥ​ല​ങ്ങ​ളി​ല്‍ കു​ടും​ബ​ങ്ങ​ളെ കേ​ന്ദ്രീ​ക​രി​ച്ച് റാ​ക് പൊ​ലീ​സി​ന്‍റെ പ്ര​ചാ​ര​ണം തു​ട​രു​മെ​ന്നും അ​ധി​കൃ​ത​ര്‍ അ​റി​യി​ച്ചു.