വ്യാജവാർത്ത തടയാൻ റൊബോട്ട്​ ജേർണലിസ്​റ്റ്​ 

ദുബൈ: വ്യാജവാർത്ത എഴുതുന്നവരുടെ അംഗീകാരം റദ്ദാക്കുന്നതു സംബന്ധിച്ച്​ ഇന്ത്യയിൽ ചർച്ച ചൂടുപിടിക്കുന്നതിനിടെ വ്യാജവാർത്ത കണ്ടു പിടിച്ച്​ ഒഴിവാക്കുന്ന ​റെബോട്ടിനെ അവതരിപ്പിച്ച്​ മാധ്യമ രംഗത്ത്​ വിപ്ലവം സൃഷ്​ടിക്കാനുള്ള ശ്രമത്തിലാണ്​ യു.എ.ഇ. നിർമിത ബുദ്ധിയിൽ അധിഷ്​ഠിതമായി പ്രവർത്തിക്കുന്ന തമറ എന്ന റൊബോട്ടിനെ അറബ്​ മീഡിയാ ഫോറത്തിൽ അൽ അറേബ്യ ചാനലാണ്​ അവതരിപ്പിച്ചത്​. ഒരു ഞൊടിയിട ​േനരം കൊണ്ട്​ 6000 വെബസ്​സൈറ്റുകളും ബ്ലോഗുകളും പരതാനും  23,000 ലേഖനങ്ങൾ വായിക്കാനും സോഷ്യൽ മീഡിയ പോസ്​റ്റുകളും കമൻറുകളും നോക്കാനും തമറക്ക്​ കഴിയും. ചാനലിനു വേണ്ട വീഡിയോ വാർത്തയോ പത്രത്തിനു വേണ്ട ലേഖകനങ്ങ​േളാ ചിത്രങ്ങളോ എന്തു വേണമെങ്കിലും ചെയ്യും. മനുഷ്യ മാധ്യമ പ്രവർത്തകരെക്കാർ വേഗത്തിൽ വിവരങ്ങൾ പരതാൻ തനിക്ക്​ കെൽപ്പുണ്ടെന്നാണ്​ തമറയുടെ അവകാശ വാദം. വാർത്ത പരതുകയും വസ്​തുതകൾ ഉറപ്പാക്കുകയുമാണ്​ ഇൗ യന്ത്രമാധ്യമ പ്രവർത്തകയുടെ ദൗത്യം. മാധ്യമ സ്​ഥാപനത്തി​​​െൻറ ആവശ്യവും നിലപാടും അനുസരിച്ചുള്ള വാർത്തകൾ കണ്ടെത്താൻ തമറക്ക്​ കഴിയും. ഒരു ന്യൂസ്​ റൂമിൽ ഒരു പാട്​ പേർ ചേർന്നിരുന്ന്​ ചെയ്യുന്ന പണികൾക്ക്​ ഇവർ ഒരാൾ മതി. അൽ അറേബ്യയുടെ വാർത്താ റൂമിൽ വൈകാതെ തമറയുടെ സേവനം ആരംഭിക്കും.