വ്യാജ സ്വദേശിവത്കരണം; പരിശോധനയിൽ കുടുങ്ങിയത്​ 1,077 കമ്പനികൾ

ദു​ബൈ: സ്വ​ദേ​ശി​വ​ത്ക​ര​ണ ന​ട​പ​ടി​ക​ളി​ൽ കൃ​ത്രി​മം കാ​ണി​ച്ച 1,077 ക​മ്പ​നി​ക​ളെ പ​രി​ശോ​ധ​ന​യി​ൽ ക​ണ്ടെ​ത്തി. 2022 ര​ണ്ടാം പ​കു​തി മു​ത​ലാ​ണ്​ ഇ​ത്ര​യും ക​മ്പ​നി​ക​ൾ മാ​ന​വ വി​ഭ​വ​ശേ​ഷി മ​ന്ത്രാ​ല​യ​ത്തി​ന്‍റെ പ​രി​ശോ​ധ​ന​യി​ൽ കു​ടു​ങ്ങി​യ​ത്. എ​മി​റ​റ്റൈ​സേ​ഷ​ൻ മാ​ന​ദ​ണ്ഡ​ങ്ങ​ൾ മ​റി​ക​ട​ക്കാ​ൻ ശ്ര​മി​ച്ച​താ​യി തെ​ളി​യി​ക്ക​പ്പെ​ട്ട ഈ ​സ്ഥാ​പ​ന​ങ്ങ​ൾ​ക്കെ​തി​രെ പി​ഴ ചു​മ​ത്തി​യി​ട്ടു​മു​ണ്ട്.

സ്വ​ദേ​ശി​വ​ത്ക​ര​ണ ടാ​ർ​ഗ​റ്റ്​ പൂ​ർ​ത്തി​യാ​ക്കു​ന്ന​തി​ന്​ നാ​മ​മാ​ത്ര​മാ​യ ത​സ്തി​ക​ക​ളി​ൽ ഇ​മാ​റാ​ത്തി​ക​ളെ നി​യ​മി​ക്കു​ന്ന​തും ക​മ്പ​നി​യി​ൽ ജോ​ലി ചെ​യ്തു​വ​രു​ന്ന സ്വ​ദേ​ശി​യെ​ത്ത​ന്നെ വീ​ണ്ടും നി​യ​മി​ക്കു​ന്ന​തു​മെ​ല്ലാം വ്യാ​ജ നി​യ​മ​ന​മാ​യാ​ണ്​ ക​ണ​ക്കാ​ക്കു​ന്ന​ത്.

നി​യ​മം ലം​ഘി​ക്കു​ന്ന ക​മ്പ​നി​ക​ൾ​ക്കെ​തി​രെ പി​ഴ ചു​മ​ത്തു​ന്ന​തി​നൊ​പ്പം സ്വ​കാ​ര്യ സ്ഥാ​പ​ന​ങ്ങ​ളു​ടെ വ​ർ​ഗീ​ക​ര​ണ​ത്തി​ൽ ഏ​റ്റ​വും താ​ഴ്ന്ന വി​ഭാ​ഗ​ത്തി​ലേ​ക്ക്​ ത​രം താ​ഴ്ത്തു​ക​യും ചെ​യ്യും. വ്യാ​ജ നി​യ​മ​ന​ത്തി​ന്​ 20,000 ദി​ർ​ഹം മു​ത​ൽ ല​ക്ഷം ദി​ർ​ഹം വ​രെ​യാ​ണ്​ പി​ഴ​യാ​യി ഈ​ടാ​ക്കു​ക. എ​മി​റ​റ്റൈ​സേ​ഷ​നു​മാ​യി ബ​ന്ധ​പ്പെ​ട്ട എ​ന്തെ​ങ്കി​ലും നി​യ​മ​ലം​ഘ​ന​ങ്ങ​ൾ ശ്ര​ദ്ധ​യി​ൽ​പെ​ട്ടാ​ൽ മാ​ന​വ​വി​ഭ​വ​ശേ​ഷി, എ​മി​റേ​റ്റൈ​സേ​ഷ​ൻ മ​ന്ത്രാ​ല​യ​ത്തി​ന്‍റെ കോ​ൾ സെൻറ​ർ വ​ഴി​യോ സ്മാ​ർ​ട്ട് ആ​പ്ലി​ക്കേ​ഷ​ൻ വ​ഴി​യോ അ​റി​യി​ക്കാ​നു​ള്ള സം​വി​ധാ​ന​മു​ണ്ട്. 2021 സെ​പ്​​റ്റം​ബ​റി​ൽ സ്വ​ദേ​ശി​വ​ത്ക​ര​ണ പ​ദ്ധ​തി ന​ട​പ്പാ​ക്കി​യ ശേ​ഷം 157 ശ​ത​മാ​ന​മാ​ണ്​ ഇ​മാ​റാ​ത്തി​ക​ളു​ടെ എ​ണ്ണം സ്വ​കാ​ര്യ മേ​ഖ​ല​യി​ൽ വ​ർ​ധി​ച്ച​ത്.

സ്വ​ദേ​ശി​ക​ളെ നി​യ​മി​ച്ച 19,000ത്തി​ലേ​റെ​വ​രു​ന്ന ക​മ്പ​നി​ക​ളു​ടെ പ്ര​തി​ബ​ദ്ധ​ത​യെ മാ​ന​വ​വി​ഭ​വ ശേ​ഷി, എ​മി​റ​റ്റൈ​സേ​ഷ​ൻ മ​ന്ത്രാ​ല​യം നേ​ര​ത്തേ അ​ഭി​ന​ന്ദി​ച്ചി​രു​ന്നു. അ​തി​നി​ടെ ചെ​റു​കി​ട സ്ഥാ​പ​ന​ങ്ങ​ളി​ൽ സ്വ​ദേ​ശി​യെ നി​യ​മി​ക്ക​ണ​മെ​ന്ന നി​യ​മം നി​ല​വി​ൽ​വ​ന്ന​തോ​ടെ ഈ ​വ​ർ​ഷം കൂ​ടു​ത​ൽ സ്വ​ദേ​ശി​ക​ളു​ടെ എ​ണ്ണം വീ​ണ്ടും വ​ർ​ധി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

20 മു​ത​ൽ 49 വ​രെ ജീ​വ​ന​ക്കാ​രു​ള്ള സ്വ​കാ​ര്യ സ്ഥാ​പ​ന​ങ്ങ​ൾ ജ​നു​വ​രി മു​ത​ൽ ഒ​രു സ്വ​ദേ​ശി​യെ നി​യ​മി​ക്ക​ണ​മെ​ന്നാ​ണ്​ നി​ർ​ദേ​ശി​ച്ചി​രു​ന്ന​ത്. അ​ടു​ത്ത​വ​ർ​ഷം വീ​ണ്ടും ഒ​രു സ്വ​ദേ​ശി​യെ​യും കൂ​ടി നി​യ​മി​ക്ക​ണം. നേ​ര​ത്തേ 50ൽ ​കൂ​ടു​ത​ൽ ജീ​വ​ന​ക്കാ​രു​ള്ള സ്ഥാ​പ​ന​ങ്ങ​ളി​ലാ​ണ് സ്വ​ദേ​ശി​വ​ത്ക​ര​ണം ന​ട​പ്പാ​ക്കി​യി​രു​ന്ന​ത്.

രാ​ജ്യ​ത്ത്​ 20-49 തൊ​ഴി​ലാ​ളി​ക​ളു​ള്ള 12,000 സ്വ​കാ​ര്യ ക​മ്പ​നി​ക​ൾ മാ​ന​വ​വി​ഭ​വ​ശേ​ഷി, എ​മി​റ​റ്റൈ​സേ​ഷ​ൻ മ​ന്ത്രാ​ല​യം ക​ണ്ടെ​ത്തി​യി​ട്ടു​ണ്ട്.

ഇ​തു​പ്ര​കാ​രം അ​ടു​ത്ത വ​ർ​ഷ​ങ്ങ​ളി​ൽ സ്വ​ദേ​ശി​ക​ൾ​ക്ക്​ 12,000 പു​തി​യ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്ക​പ്പെ​ടും. നി​യ​മ​നം ന​ട​ത്തി​യി​ല്ലെ​ങ്കി​ൽ 2025 ജ​നു​വ​രി​യി​ൽ 96,000 ദി​ർ​ഹം സ്ഥാ​പ​ന​ത്തി​ൽ​നി​ന്ന് ഈ​ടാ​ക്കും. 2025ൽ ​നി​ല​വി​ലെ സ്വ​ദേ​ശി ജീ​വ​ന​ക്കാ​ര​നു പു​റ​മെ മ​റ്റൊ​രു സ്വ​ദേ​ശി​യെ കൂ​ടി നി​യ​മി​ക്ക​ണം. ഇ​തി​ൽ വീ​ഴ്ച​യു​ണ്ടാ​യാ​ൽ 2026 ജ​നു​വ​രി​യി​ൽ 1,08,000 ദി​ർ​ഹം പി​ഴ ന​ൽ​കേ​ണ്ടി​വ​രും.