സ​മൂ​ഹ മാ​ധ്യ​മ​ങ്ങ​ളി​ലൂ​ടെ വ്യാ​ജ ഇ​വ​ന്‍റ്​ ടി​ക്ക​റ്റ് വി​ൽ​പ​ന​: ജാ​ഗ്ര​ത നി​ർ​ദേ​ശം

ദു​ബൈ: ശൈ​ത്യ​കാ​ല സീ​സ​ൺ ആ​രം​ഭി​ച്ച​തോ​ടെ യു.​എ.​ഇ​യി​ൽ വി​വി​ധ ആ​ഘോ​ഷ​ങ്ങ​ളും വി​നോ​ദ പ​രി​പാ​ടി​ക​ൾ സ​ജീ​വ​മാ​വു​ക​യാ​ണ്. ഇ​തോ​ടൊ​പ്പം ഓ​ൺ​ലൈ​ൻ വ​ഴി​യു​ള്ള വി​വി​ധ ത​രം ത​ട്ടി​പ്പു​ക​ളും വ്യാ​പ​ക​മാ​ണ്​. വാ​ട്​​സ് ആ​പ്, ഫേ​സ്​​ബു​ക്ക്​ തു​ട​ങ്ങി​യ സ​മൂ​ഹ മാ​ധ്യ​മ​ങ്ങ​ൾ വ​ഴി വ്യാ​ജ ഇ​വ​ന്‍റ്​ ടി​ക്ക​റ്റ്​ വി​ൽ​പ​ന​യാ​ണ്​ പു​തി​യ ത​ട്ടി​പ്പ്. അ​ടു​ത്തി​ടെ ഇ​ത്ത​രം ത​ട്ടി​പ്പി​ൽ അ​ക​പ്പെ​ട്ട​വ​രു​ടെ എ​ണ്ണം കൂ​ടി​യ സാ​ഹ​ച​ര്യ​ത്തി​ൽ ജാ​ഗ്ര​ത നി​ർ​ദേ​ശം പു​റ​പ്പെ​ടു​വി​ച്ചി​രി​ക്കു​ക​യാ​ണ്​ അ​ബൂ​ദ​ബി ജു​ഡീ​ഷ്യ​ൽ ഡി​പ്പാ​ർ​ട്​​മെ​ന്‍റ്​ (എ.​ഡി.​ജെ.​ഡി). ഉ​പ​ഭോ​ക്​​താ​ക്ക​ളെ ആ​ക​ർ​ഷി​ക്കാ​ൻ കു​റ​ഞ്ഞ ടി​ക്ക​റ്റ്​ നി​ര​ക്കു​ക​ൾ വാ​ഗ്ദാ​നം ചെ​യ്താ​ണ്​ ത​ട്ടി​പ്പു​കാ​ർ രം​ഗ​ത്തു വ​രു​ന്ന​ത്​. ഇ​തി​ൽ അ​ക​പ്പെ​ട്ട്​ നി​ര​വ​ധി പേ​ർ​ക്ക്​ പ​ണം ന​ഷ്ട​പ്പെ​ട്ട​താ​യാ​ണ്​ റി​പ്പോ​ർ​ട്ട്​. സം​ശയം തോ​ന്നാ​ത്ത ഉ​പ​ഭോ​ക്താ​ക്ക​ളെ വ​ള​രെ കു​റ​ഞ്ഞ നി​ര​ക്കി​ൽ ടി​ക്ക​റ്റു​ക​ൾ ന​ൽ​കി വ​ശീ​ക​രി​ക്കു​ന്ന ത​ട്ടി​പ്പു​കാ​ർ, മ​തി​യാ​യ വി​ൽ​പ​ന ന​ട​ന്നു​ക​ഴി​ഞ്ഞാ​ൽ സ​മൂ​ഹ മാ​ധ്യ​മ​ങ്ങ​ളി​ൽ നി​ന്ന്​ അ​പ്ര​ത്യ​ക്ഷ​മാ​വു​ക​യാ​ണ്​ പ​തി​വ്.

ടി​ക്ക​റ്റ്​ വാ​ങ്ങി​യ​വ​ർ ഇ​വ​ന്‍റി​നെ കു​റി​ച്ച്​ അ​ന്വേ​ഷി​ക്കു​മ്പോ​ഴാ​ണ്​ ത​ട്ടി​പ്പ്​ ബോ​ധ്യ​പ്പെ​ടു​ക. ഇ​ല്ലാ​ത്ത ഇ​വ​ന്‍റു​ക​ളു​ടെ പേ​രി​ൽ മി​ക​ച്ച പ​ര​സ്യ​ങ്ങ​ൾ പോ​സ്റ്റു ചെ​യ്താ​ണ്​ ത​ട്ടി​പ്പു​കാ​ർ ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കു​ന്ന​ത്. എ​ന്നാ​ൽ, നി​ല നി​ർ​ദേ​ശ​ങ്ങ​ൾ പാ​ലി​ച്ചാ​ൽ ത​ട്ടി​പ്പി​ൽ നി​ന്ന്​ ര​ക്ഷ​പ്പെ​ടാം. യ​ഥാ​ർ​ഥ വി​ല​യേ​ക്കാ​ൾ വ​ള​രെ കു​റ​ഞ്ഞ വി​ല വാ​ഗ്ദാ​നം ചെ​യ്യു​ക​യാ​ണെ​ങ്കി​ൽ അ​ത്​​ ത​ട്ടി​പ്പാ​ണെ​ന്ന്​ മ​ന​സ്സി​ലാ​ക്ക​ണം.

ഒ​രു കാ​ര​ണ​വ​ശാ​ലും ബാ​ങ്കി​ങ്​ ഉ​ൾ​പ്പെ​ടെ വ്യ​ക്​​തി​ഗ​ത സ്വ​കാ​ര്യ വി​വ​ര​ങ്ങ​ൾ അ​ജ്ഞാ​ത​രാ​യ സോ​ഷ്യ​ൽ മീ​ഡി​യ ടി​ക്ക​റ്റ്​ ദാ​താ​ക്ക​ളു​മാ​യി പ​ങ്കു​വെ​ക്ക​രു​ത്. ടി​ക്ക​റ്റു​ക​ളു​ടെ വി​ശ്വാ​സ്യ​ത ഉ​റ​പ്പാ​ക്കാ​ൻ ആ​ധി​കാ​രി​ക ഉ​റ​വി​ട​ങ്ങ​ൾ വ​ഴി മാ​ത്രം വാ​ങ്ങു​ക. ടി​ക്ക​റ്റു​ക​ൾ വാ​ങ്ങാ​ൻ സം​ഘാ​ട​ക​രു​ടെ ഔ​ദ്യോ​ഗി​ക വെ​ബ്​​സൈ​റ്റ്, ലൈ​സ​ൻ​സു​ള്ള ടി​ക്ക​റ്റ്​ ഏ​ജ​ൻ​സി​ക​ൾ, അം​ഗീ​കൃ​ത വി​ൽ​പ​ന​ക്കാ​ർ എ​ന്നി​വ​രെ മാ​ത്രം ആ​ശ്ര​യി​ക്കു​ക. വി​ൽ​പ​ന​യി​ൽ സം​ശ​യം തോ​ന്നി​യാ​ൽ അ​ടി​യ​ന്ത​ര​മാ​യി 8002626 എ​ന്ന ന​മ്പ​റി​ൽ അ​ധി​കൃ​ത​രെ അ​റി​യി​ക്കു​ക.