യു.എ.ഇയിലെ ഫേസ്​ബുക്​ അക്കൗണ്ടുകളിൽ  ഇനി വ്യാജ വാർത്തകൾക്കെതിരെ ‘പോപപ്​’

അബൂദബി: യു.എ.ഇയിലെ ഫേസ്​ബുക്​ ഉപയോക്​താക്കളുടെ അക്കൗണ്ടുകളിൽ ഇനി വ്യാജ വാർത്തകളും വിവരങ്ങളും സംബന്ധിച്ച മുന്നറിയിപ്പ്​ ബാനറുകൾ പ്രത്യക്ഷപ്പെടും. വ്യാജ പ്രചാരണം തടയുന്നതിന്​ നാഷനൽ മീഡിയ കൗൺസിൽ (എൻ.എം.സി) ഫേസ്​ബുക്​ അധികൃതരുമായി ചേർന്നാണ്​ ഇൗ സംവിധാനം ഒരുക്കുന്നത്​. വരും ദിവസങ്ങളിൽ ഫേസ്​ബുക്​ പേജിലെ ന്യൂസ്​ ഫീഡിന്​ മുകളിലായാണ്​ ഇതിനുള്ള ടൂൾ പ്രത്യക്ഷപ്പെടുക. ഇതിൽ ക്ലിക്ക്​ ചെയ്യു​ന്നതോടെ വെബ്​സൈറ്റി​​​െൻറ യു.ആർ.എൽ പരിശോധിച്ചും വാർത്തയുടെ ഉൽഭവം മനസ്സിലാക്കിയും സമാന വിഷയത്തിലെ മറ്റു റിപ്പോർട്ടുകൾ തേടിയും വ്യാജ വാർത്തകളെ എങ്ങനെ തിരിച്ചറിയാം എന്നതുൾപ്പെ​െടയുള്ള നിർദേശങ്ങൾ ലഭിക്കും.

സമീപ വർഷങ്ങളിൽ സമൂഹ മാധ്യമ ഉപയോഗം വർധിച്ച സാഹചര്യത്തിൽ വ്യാജ വാർത്ത തടയുന്നതി​​​​െൻറ പ്രാധാന്യം വർധിച്ചതായി എൻ.എം.സി ഡയറക്​ടർ ജനറൽ മൻസൂർ ആൽ മൻസൂറി പറഞ്ഞു. രാഷ്​ട്രീയം, സാമ്പത്തികം തുടങ്ങി താൽപര്യങ്ങൾ എന്തുമാക​െട്ട വ്യാജവാർത്തകളുടെ ആത്യന്തിക ഫലം സത്യത്തി​​​െൻറ തമസ്​കരണമാണ്​. ഇത്തരം വ്യാജ പ്രചാരണങ്ങൾ ജനങ്ങൾ വിശ്വസിക്കുന്നത്​ വ്യക്​തിപരമായും സാമൂഹികമായും ഗുരുതരമായ പ്രത്യാഘാതങ്ങൾ ഉണ്ടാക്കും. കള്ളങ്ങളിൽനിന്നും വക്രീകരിച്ച വിവരങ്ങളിൽനിന്നും ജനങ്ങളെ മാറ്റിനിർത്തുകയാണ്​ ലക്ഷ്യം. രാജ്യത്തെ സാമൂഹിക സൗഹാർദം തകർക്കുന്നതിന്​ യു.എ.ഇക്ക്​ പുറത്തുനിന്ന്​ പോസ്​റ്റ്​ ​ചെയ്യുന്ന അസത്യങ്ങളും ഫേസ്​ബുക്കുമായി ചേർന്ന്​ തടയുമെന്നും അദ്ദേഹം കൂട്ടിച്ചേർത്തു. ലാഭത്തേക്കാൾ പ്രാധാന്യം സമൂഹത്തി​​​െൻറ സുരക്ഷയാണെന്നും പ്രശ്​നങ്ങൾ തടയാൻ സർക്കാറുകളുമായി ചേർന്ന്​ പ്രവർത്തിക്കുമെന്നും ഫേസ്​ബുക്​ മിഡിലീസ്​റ്റ്​, ആഫ്രിക്ക, പാകിസ്​താൻ പൊതു നയ മേധാവി നശ്​വ അലി പറഞ്ഞു.