ഇന്ന് കടുത്ത ചൂട് തുടരും; ഹ്യുമിഡിറ്റി ഉയരും

അബൂദബി: തിങ്കളാഴ്ച യു.എ.ഇയിൽ പൊതുവെ തെളിഞ്ഞതോ ഭാഗികമായി മേഘാവൃതമോ ആയ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (എൻ.സി.എം) അറിയിച്ചു. രാത്രിയിൽ തീരദേശ, ആന്തരിക മേഖലകളിൽ ആർദ്രത (ഹ്യുമിഡിറ്റി) ഉയരും. രാജ്യത്തുടനീളം കടുത്ത ചൂട് തുടരും. ചില പ്രദേശങ്ങളിൽ താപനില 48 ഡിഗ്രി സെൽഷ്യസ് വരെ ഉയർന്നേക്കാം. അബൂദബിയിൽ ഉയർന്ന താപനില 44 ഡിഗ്രിയും ദുബൈയിൽ 43 ഡിഗ്രിയും ഷാർജയിൽ 41ഉം ആയിരിക്കും. അബൂദബിയിൽ ഹ്യുമിഡിറ്റി 15 മുതൽ 85 ശതമാനം വരെയും ദുബൈയിൽ 20 മുതൽ 80 ശതമാനം വരെയും ഷാർജയിൽ 20 മുതൽ 75 ശതമാനം വരെയുമായിരിക്കും.