രണ്ടു​മാസം അകലെ എക്​സ്​പോ

ദുബൈ: മഹാമേളയിലേക്ക്​ യു.എ.ഇയുടെ കാത്തിരിപ്പുദൂരം കുറയുന്നു. ദുബൈ എക്​സ്​പോയിലേക്ക്​ ഇനി 60 ദിവസത്തി​െൻറ അകലം മാത്രം. അഞ്ചു​ വർഷം മുമ്പ്​​ തുടങ്ങിയ ഒരുക്കം പൂർത്തിയാകുന്നതോടെ ഒക്​ടോബർ ഒന്നിന്​ എക്​സ്​പോയുടെ കർട്ടൻ ഉയരും.

എക്​സ്​പോക്ക്​ മാസങ്ങൾ മാത്രം ബാക്കിനിൽക്കു​േമ്പാഴും ആശങ്കയായി യാത്രാവിലക്കും കോവിഡും ഒപ്പമുണ്ട്​. എന്നാൽ, ഏത്​ വെല്ലുവിളികളെയും മറികടക്കുന്ന യു.എ.ഇ ഭരണകൂടത്തി​െൻറ നിശ്ചയദാർഢ്യം വെളിപ്പെടുത്തുന്നതാണ്​ എക്​സ്​പോയുടെ ഒരുക്കം. ഒരിഞ്ച്​ പിറകോട്ടില്ലാതെ മുന്നിലേക്ക്​ തന്നെയാണ്​ ഓരോ ചുവടും. വരും ദിവസങ്ങളിൽ ഓരോ പവലിയനുകളായി തുറക്കപ്പെടും.

എക്​സ്​പോ വേദിയിലേക്കുള്ള മെട്രോ സ്​റ്റേഷനുകൾ ജീവനക്കാർക്കായി തുറന്നു. ടിക്കറ്റ്​ നിരക്കും ഓഫറുകളും പ്രഖ്യാപിച്ചു. യാത്രക്കാർക്ക്​ സൗജന്യമായി ടിക്കറ്റ്​ നൽകാനാണ്​ എമിറേറ്റ്​സി​െൻറ തീരുമാനം. വരും ദിവസങ്ങളിൽ മറ്റ്​ എയർലൈനുകളും സമാന ഓഫറുകൾ പ്രഖ്യാപിച്ചേക്കാം. ഇതിന്​ പുറമെ, ഹോട്ടലുകളും വിനോദകേന്ദ്രങ്ങളും ടിക്കറ്റുമായി ബന്ധപ്പെട്ട ഓഫറുകൾ പ്രഖ്യാപിക്കാൻ സാധ്യതയുണ്ട്​.

യു.എ.ഇയിൽ വന്ന്​ എക്​സ്​പോ കണ്ട്​ തിരികെ പോകാനുള്ള ഫുൾ പാക്കേജുകളും വരും ദിവസങ്ങളിൽ കാണാൻ കഴിയും. ഇതിന്​ തടസ്സമായി നിൽക്കുന്ന യാത്രാവിലക്കുകൾ വൈകാതെ നീങ്ങുമെന്ന പ്രതീക്ഷയിലാണ്​ സംരംഭകരും. 2300ഓളം സ്​ഥാപനങ്ങൾ വഴിയാണ്​ ടിക്കറ്റ്​ വിൽപന.ഇന്ത്യൻ പവലിയൻ നിർമാണം അവസാനഘട്ടത്തിലാണ്​. ഒരുക്കങ്ങൾ വിലയിരുത്താൻ​ കഴിഞ്ഞദിവസം എക്​സ്​പോ അധികൃതരുമായി ചർച്ച നടത്തിയിരുന്നു.

ഇന്ത്യയുടെ ലോഗോയും പ്രകാശനം ചെയ്​തിരുന്നു. സെപ്​റ്റംബർ ആദ്യ വാരത്തോടെ ഇന്ത്യൻ പവലിയൻ പൂർത്തിയാകും. സസ്​റ്റൈനബ്​ലിറ്റി പവലിയൻ നേരത്തെ തുറന്നിരുന്നു. ഇവിടേക്ക്​ ​പ്രവേശനവും അനുവദിച്ചിരുന്നു. എന്നാൽ, നിലവിൽ ​പ്രവേശനം നൽകുന്നില്ല. ആഗസ്​റ്റ്​ 14ന്​ മുമ്പ്​​ സീസൺ ടിക്കറ്റോ ഫാമിലി പാക്കോ എടുക്കുന്നവരിൽനിന്ന്​ തിരഞ്ഞെടുക്കപ്പെടുന്നവർക്ക്​ ഉദ്​ഘാടന ദിവസം മുഖ്യാതിഥികൾക്കൊപ്പം വേദിയിലെത്താനുള്ള അവസരവും നൽകും.

യാത്രക്കാർക്ക്​ എക്​സ്​പോ 2020 പ്രവേശന പാസ്​ അനുവദിക്കുമെന്ന്​ എമിറേറ്റ്​സ്​

ദുബൈ: എക്​സ്​പോ കാലയളവിൽ ദുബൈയിലേക്ക്​ യാത്ര ചെയ്യുന്നവർക്ക്​ മേളയിലേക്ക്​ ഒരു ദിവസത്തെ പ്രവേശന പാസ്​ അനുവദിക്കുമെന്ന്​ എമിറേറ്റ്​സ്​ എയർലൈൻ. ഒക്​ടോബർ ഒന്നുമുതൽ മാർച്ച്​ 31വരെ എമി​േററ്റ്​സിൽ യാത്ര ചെയ്യുന്നവർക്കാണ്​ ആനുകൂല്യം. ആറുമണിക്കൂർ ഇടവേളയുണ്ടെങ്കിൽ ദുബൈ വഴി കണക്​ഷൻ വിമാനത്തിൽ യാത്ര ചെയ്യുന്നവർക്കും പാസ്​ ലഭിക്കും. വിമാനം റദ്ദാക്കുകയോ യാത്രമാറ്റുകയോ ചെയ്​താൽ പാസ്​ അസാധുവാകുമെന്നും എമിറേറ്റ്​സ്​ വെബ്​സൈറ്റ്​ വഴി അറിയിച്ചു. ഇതിനകം ടിക്കറ്റ്​ എടുത്തവർക്ക്​ വിവരങ്ങൾ നൽകിയാൽ ടിക്കറ്റ്​ ലഭിക്കുന്നതാണ്​.

എക്​സ്​പോ 2020 പ്രവേശന ടിക്കറ്റ്​ ജൂലൈ 18 മുതൽ ലോകാടിസ്​ഥാനത്തിൽ വിൽപന ആരംഭിച്ചു​. ആറുമാസം നീളുന്ന മേളയിൽ ഒരുദിവസത്തെ പ്ര​വേശനത്തിന്​ 95 ദിർഹമാണ്​ ടിക്കറ്റ്​ നിരക്ക്​. 195 ദിർഹമിന്​ ഒരുമാസത്തെയും 495 ദിർഹമിന്​ ആറുമാസത്തേക്കും ടിക്കറ്റുകൾ ലഭ്യമാണ്​.