Begin typing your search above and press return to search.
proflie-avatar
Login
exit_to_app
exit_to_app
dubai expo 2020
cancel
Homechevron_rightGulfchevron_rightU.A.Echevron_rightഎക്​സ്​പോ 2020: 24...

എക്​സ്​പോ 2020: 24 ദിവസത്തിനിടെ 14.71 ലക്ഷം സന്ദർശകർ

text_fields
bookmark_border

ദുബൈ: അധികൃതരുടെ പ്രതീക്ഷകളെയും മറികടന്ന്​ എക്​സ്​പോ 2020യ​ിലേക്ക്​ സന്ദർശക പ്രവാഹം. ഒക്​ടോബർ 24 വരെ സന്ദർശിച്ചത്​ 14,71,314 പേർ​. സന്ദർശകരുടെ എണ്ണം പത്ത്​ ലക്ഷം കടന്നിട്ടുണ്ടാകുമെന്നായിരുന്നു അധികൃതർ ഞായറാഴ്​ച സൂചിപ്പിച്ചത്​. എന്നാൽ, തിങ്കളാഴ്​ച കണക്കെടുത്തപ്പോഴാണ്​ 15 ലക്ഷത്തി​നടുത്ത്​ എത്തിയത്​. എല്ലാ തിങ്കളാഴ്​ചകളിലുമാണ്​ എക്​സ്​പോ സന്ദർശകരുടെ എണ്ണം വിലയിരുത്തുന്നത്​.

നബിദിനം ഉൾപെടെ തുടർച്ചയായ മൂന്ന്​ അവധി ദിനങ്ങൾ വന്നതാണ്​ എണ്ണം കുതിച്ചുയരാനുണ്ടായ പ്രധാന കാരണം. സമി യൂസുഫ്​, എ.ആർ. റഹ്​മാൻ എന്നിവരുടെ സാന്നിധ്യവും ജനങ്ങളുടെ ഒഴുക്കിന്​ കാരണമായി. രാജ്യത്തെ കാലാവസ്​ഥയിലുണ്ടായ മാറ്റവും ജനങ്ങളെ എക്​സപോ വേദിയിലേക്ക്​ നയിച്ച കാരണങ്ങളിൽ ഒന്നായി എക്​സ്​പോ സ്​ട്രാറ്റജിക്​ കമ്യൂണിക്കേഷൻസ്​ വൈസ്​ പ്രസിഡൻറ്​ മുഹമ്മദ്​ ഇൗസ അൽ അൻസാരി വിലയിരുത്തുന്നു.

തണുപ്പ്​ കാലം തുടങ്ങിയിട്ടില്ലെങ്കിലും ചൂടിന്​ നേരിയ ശമനം ഉണ്ടായിട്ടുണ്ട്​. ബഹിരാകാശ വാരാചരണം പോലുള്ള പരിപാടികൾ കൂടുതൽ ആളുകളെ ആകർഷിച്ചതായി എക്​സ്​പോ കമ്യൂനിക്കേഷൻ സീനിയർ വൈസ്​​ പ്രസിഡൻറ്​ സ്​കൊനൈഡ്​ മക്​ഗീച്ചിൻ പറഞ്ഞു. കുട്ടികൾക്ക്​ ഉല്ലസിക്കാൻ കഴിയുന്ന പരിപാടികൾ സംഘടിപ്പിച്ചത്​ കൂടുതൽ പേരെ എക്​സ്​പോയിലെത്തിച്ചു.

രാജസ്​ഥാൻ റോയൽസ്​ പോലുള്ള ക്രിക്കറ്റ്​ ടീമുകളുടെ ക്രിക്കറ്റ്​ ക്ലിനിക്കുകളും സ്​പോർട്​സ്​ പരിപാടികളും സന്ദർശകരുടെ എണ്ണം കൂടാൻ ഇടയാക്കി. പവലിയൻ തിരിച്ചുള്ള കണക്കുകൾ അതാത്​ പവലിയനുകളാണ്​ പ്രഖ്യാപിക്കുന്നത്​. യു.കെ പവലിയനിൽ ലക്ഷം സന്ദർശകരും സൗദിയിൽ 33,000 പേരും എത്തിയത്​ അവർ അറിയിച്ചിരുന്നു.

തണുപ്പ്​ തുടങ്ങുന്നതോടെ കൂടുതൽ അന്താരാഷ്​ട്ര സഞ്ചാരികൾ എക്​സ്​പോയിൽ എത്തുമെന്നാണ്​​ പ്രതീക്ഷ. ടിക്കറ്റെടുത്ത്​ സന്ദർശനം നടത്തിയവരുടെ എണ്ണം മാത്രമാണ്​ നിലവിൽ ഉൾപെടുത്തിയിരിക്കുന്നത്​. രാജ്യങ്ങളുടെ പ്രതിനിധികൾ, അതിഥികൾ, എക്​സ്​പോ ജീവനക്കാർ എന്നിവരെ ഉൾപെടുത്തിയിട്ടില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:dubai expo
News Summary - Expo 2020: 14.71 lakh visitors in 24 days
Next Story