കാലാവധി കഴിഞ്ഞ വിസയുടെ പിഴ അടക്കാതെ ഡിസംബർ 31 വരെ യു.എ.ഇ വിടാം

ദുബൈ: വിസ കാലാവധി കഴിഞ്ഞതി​െൻറ പേരിൽ പിഴയടക്കേണ്ടവർക്ക് പിഴയില്ലാതെ​ യു.എ.ഇയിൽ നിന്ന്​ മടങ്ങാനുള്ള അവസാന തീയതി നീട്ടി. ഡിസംബർ 31 വരെയാണ്​ ഇവർക്കുള്ള കാലാവധി നീട്ടിയത്​. മാർച്ച്​ ഒന്നിന്​ മുൻപ്​ വിസ കാലാവധി കഴിഞ്ഞതി​െൻറ പേരിൽ പിഴ വീണവർക്കാണ്​ ഈ ആനുകൂല്യം.

പിഴയില്ലാതെ മടങ്ങാനുള്ള കാലാവധി ചൊവ്വാഴ്​ച അവസാനിച്ചതിന്​ പിന്നാലെയാണ്​ തീയതി നീട്ടിയതായി ഫെഡറൽ അതോറിറ്റി ഫോർ ഐഡൻറിറ്റി ആൻഡ്​ സിറ്റിസൺഷിപ്പ്​ പ്രഖ്യാപിച്ചത്​. ലക്ഷക്കണക്കിന്​ ദിർഹം പിഴയുള്ള മലയാളികൾ അടക്കമുള്ള പ്രവാസികൾക്ക്​ ഏറെ ഉപകാരപ്രദമായ തീരുമാനമാണിത്​.