ഒളിമ്പിക്​സ്​ ഹോക്കി മെഡൽ നേട്ടം ആഘോഷമാക്കി പ്രവാസികൾ

ദുബൈ: ഒളിമ്പിക്​സ്​ ഹോക്കിയിലെ ഇന്ത്യയുടെ ചരിത്രനേട്ടം ആഘോഷമാക്കി ദുബൈയിലെ പ്രവാസികൾ.ബുർജ് ഖലീഫക്ക് താഴെ ഒന്നിച്ച് ചേർന്നായിരുന്നു ആഘോഷം. നാലു പതിറ്റാണ്ടു​ നീണ്ട കാത്തിരിപ്പിനൊടുവിൽ പഴയ ഹോക്കി ചാമ്പ്യന്മാരായ ഇന്ത്യ ഒളിമ്പിക്​സിൽ മെഡൽ നേടാനായതി​െൻറ ആഘോഷം പ്ലക്കാഡുയർത്തിയും മധുരം പങ്കിട്ടുമാണ്​ കൊണ്ടാടിയത്​. കൂടുതലും ഒഡിഷ സ്വദേശികളാണ് ഇന്ത്യയുടെ വിജയം ആഘോഷിക്കാനെത്തിയത്. ഇന്ത്യൻ ഹോക്കി ടീമുകളെ സ്പോൺസർ ചെയ്യുന്ന സംസ്ഥാനം കൂടിയാണ് ഒഡിഷ.