പ്ര​വാ​സി സം​ഘ​ട​ന​യു​ടെ ഇ​ട​പെ​ട​ൽ; ദുരിതത്തിൽ കഴിഞ്ഞ മലയാളികൾ​ നാടണയുന്നു

അ​ജ്മാ​ന്‍: ദു​രി​ത​ക്ക​യ​ത്തി​ല​ക​പ്പെ​ട്ട്​ അ​ജ്​​മാ​നി​ൽ താ​മ​സി​ച്ചു​വ​ന്ന നാ​ലു മ​ല​യാ​ളി​ക​ൾ​ക്ക്​ നാ​ട്ടി​ലേ​ക്ക്​ പോ​കാ​ൻ അ​വ​സ​ര​മൊ​രു​ക്കി ഗ്ലോ​ബ​ൽ പ്ര​വാ​സി യൂ​നി​യ​ൻ. ചാ​വ​ക്കാ​ട് സ്വ​ദേ​ശി വി​ശ്വം​ബ​ര​ന്‍, തി​രു​വ​ന​ന്ത​പു​രം സ്വ​ദേ​ശി​ക​ളാ​യ ശ​ര​ത്, കി​നാ​ൻ, കൊ​ല്ലം സ്വ​ദേ​ശി​യാ​യ ഷാ​ജ​ഹാ​ൻ എ​ന്നി​വ​ർ​ക്കാ​ണ്​ യൂ​നി​യ​ന്‍റെ ഇ​ട​പെ​ട​ലി​ൽ നാ​ട്ടി​ലേ​ക്ക് പോ​കാ​ൻ വ​ഴി​യൊ​രു​ങ്ങി​യ​ത്.

വി​ശ്വം​ബ​ര​ന്‍ 35 വ​ർ​ഷ​മാ​യി പ്ര​വാ​സി​യാ​ണ്. ബി​സി​ന​സ് ത​ക​ർ​ന്ന് കേ​സി​ൽ അ​ക​പ്പെ​ട്ട് 10 വ​ർ​ഷ​ത്തോ​ളം നാ​ട്ടി​ലേ​ക്ക് പോ​കാ​ൻ ക​ഴി​യാ​തെ ഇ​ദ്ദേ​ഹം ബു​ദ്ധി​മു​ട്ടു​ക​യാ​യി​രു​ന്നു. തു​ട​ർ​ന്ന്​ വി​ഷ​യ​ത്തി​ൽ ഇ​ട​പെ​ട്ട ഗ്ലോ​ബ​ൽ പ്ര​വാ​സി യൂ​നി​യ​ൻ ഭാ​ര​വാ​ഹി​ക​ൾ അ​ദ്ദേ​ഹ​ത്തി​ന്‍റെ കേ​സു​ക​ളെ​ല്ലാം അ​വ​സാ​നി​പ്പി​ക്കു​ക​യും വി​സ സം​ബ​ന്ധ​മാ​യ പി​ഴ​ക​ളും മ​റ്റ് വി​ഷ​യ​ങ്ങ​ളും തീ​ർ​ത്ത് ഔ​ട്ട്‌​പാ​സ് ശ​രി​യാ​ക്കി​യാ​ണ് യാ​ത്ര ശ​രി​പ്പെ​ടു​ത്തി​യ​ത്. ബാ​ക്കി മൂ​ന്നു​പേ​രും സ​ന്ദ​ർ​ശ​ന വി​സ​യി​ൽ വ​ന്ന് ച​തി​ക്ക​പ്പെ​ട്ട് ഭ​ക്ഷ​ണ​വും താ​മ​സ​സൗ​ക​ര്യ​വു​മി​ല്ലാ​തെ അ​ജ്മാ​നി​ലെ ഒ​രു കെ​ട്ടി​ട​ത്തി​ന് സ​മീ​പം ദി​വ​സ​ങ്ങ​ളാ​യി താ​മ​സി​ച്ച് വ​രി​ക​യാ​യി​രു​ന്നു.

ഇ​തി​നി​ടെ കൊ​ല്ലം സ്വ​ദേ​ശി ഷാ​ജ​ഹാ​ന് ര​ണ്ടു പ്രാ​വ​ശ്യം ഹൃ​ദ​യാ​ഘാ​തം സം​ഭ​വി​ക്കു​ക​യും ചെ​യ്തു. വി​വ​ര​മ​റി​ഞ്ഞ ഗ്ലോ​ബ​ൽ പ്ര​വാ​സി യൂ​നി​യ​ന്‍റെ അ​ജ്മാ​ൻ എ​ക്സി​ക്യൂ​ട്ടി​വ് അം​ഗം ഹ​ലീ​മ, സി​ദ്ധീ​ക്ക് ചാ​ലു​ശ്ശേ​രി, ഹ​രി ഒ​റ്റ​പ്പാ​ലം, റ​ഫീ​ഖ് അ​ജ്മാ​ൻ, വ​ർ​ഗീ​സ്​ എ​ന്നി​വ​ർ ഗ്ലോ​ബ​ൽ പ്ര​വാ​സി യൂ​നി​യ​ന്‍ ചെ​യ​ർ​മാ​ൻ അ​ഡ്വ. ഫ​രീ​ദു​മാ​യി ബ​ന്ധ​പ്പെ​ടു​ക​യാ​യി​രു​ന്നു. ഇ​ദ്ദേ​ഹ​ത്തി​ന്‍റെ ഇ​ട​പെ​ട​ലാ​ണ് ഇ​വ​ര്‍ക്ക് നാ​ട്ടി​ലേ​ക്കു​ള്ള യാ​ത്ര എ​ളു​പ്പ​മാ​ക്കി​യ​ത്. ഗ്ലോ​ബ​ൽ പ്ര​വാ​സി യൂ​നി​യ​ന്‍ ഇ​ട​പെ​ട്ടാ​ണ് ഇ​വ​ർ​ക്ക് നാ​ട്ടി​ലേ​ക്ക് പോ​കാ​നു​ള്ള യാ​ത്ര സൗ​ക​ര്യ​ങ്ങ​ള്‍ ഒ​രു​ക്കി​യ​തും.