ക്രിസ്മസ്​ ആഘോഷിച്ച്​ പ്രവാസിസമൂഹം

ദു​ബൈ: മ​രു​ഭൂ​മി​യി​ലും മ​ന​സ്സി​ലും ന​ക്ഷ​ത്ര​ദീ​പം തെ​ളി​യി​ച്ച്​ യു.​എ.​ഇ​യി​ലെ ഇ​ന്ത്യ​ൻ പ്ര​വാ​സി​സ​മൂ​ഹം തി​രു​പ്പി​റ​വി ആ​ഘോ​ഷി​ച്ചു. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച്​ കോ​വി​ഡ്​ നി​യ​ന്ത്ര​ണ​ങ്ങ​ളി​ൽ ഇ​ള​വു​വ​ന്ന​തോ​ടെ ര​ണ്ട്​ വ​ർ​ഷ​ത്തി​ന്​ ശേ​ഷം ഏ​റ്റ​വും കൂ​ടു​ത​ൽ വി​ശ്വാ​സി​ക​ൾ പ​ള്ളി​ക​ളി​ലെ​ത്തി​യ ക്രി​സ്മ​സ്​ കൂ​ടി​യാ​യി​രു​ന്നു ഇ​ത്ത​വ​ണ​ത്തേ​ത്. യു.​എ.​ഇ​യി​​ൽ വാ​രാ​ന്ത്യ അ​വ​ധി​യും ക്രി​സ്മ​സും ഒ​രു​മി​ച്ചു​വ​ന്ന​തി​നാ​ൽ കു​ടും​ബ​ങ്ങ​ളു​ടെ​യും കൂ​ട്ടു​കാ​രു​ടെ​യും നാ​ട്ടു​കാ​രു​ടെ​യും കൂ​ടി​ച്ചേ​ര​ലി​ന്‍റെ വേ​ദി​കൂ​ടി​യാ​യി മാ​റി.

യു.​എ.​ഇ​യി​​ലെ വി​വി​ധ പ​ള്ളി​ക​ളി​ൽ ശ​നി​യാ​ഴ്ച വൈ​കീ​ട്ട് മു​ത​ൽ ക്രി​സ്മ​സ്​ ശു​ശ്രൂ​ഷ ന​ട​ന്നി​രു​ന്നു. പാ​തി​രാ​ക്കു​ർ​ബാ​ന​യി​ലും പ്രാ​ർ​ഥ​ന​യി​ലും ഓ​രോ പ​ള്ളി​യി​ലും നൂ​റു​ക​ണ​ക്കി​ന്​ വി​ശ്വാ​സി​ക​ൾ പ​​ങ്കെ​ടു​ത്തു. ചി​ല പ​ള്ളി​ക​ളി​ൽ ഞാ​യ​റാ​ഴ്ച പു​ല​ർ​ച്ച​വ​രെ ച​ട​ങ്ങു​ക​ൾ നീ​ണ്ടു. ക്രി​സ്മ​സ്​ പ്ര​മാ​ണി​ച്ച്​ വി​നോ​ദ​സ​ഞ്ചാ​ര​മേ​ഖ​ല​യി​ലും വ​ൻ തി​ര​ക്കാ​ണ​നു​ഭ​വ​പ്പെ​ട്ട​ത്. എ​ല്ലാ വി​നോ​ദ​കേ​ന്ദ്ര​ങ്ങ​ളും നി​റ​ഞ്ഞു​ക​വി​ഞ്ഞി​രു​ന്നു. പാ​ർ​ക്കു​ക​ളി​ലും മ​രു​ഭൂ​മി​യി​ലെ കേ​ന്ദ്ര​ങ്ങ​ളി​ലു​മെ​ല്ലാം കു​ടും​ബ​ങ്ങ​ൾ എ​ത്തി. പ​ല​യി​ട​ത്തും തി​ര​ക്ക്​ നി​യ​ന്ത്രി​ക്കാ​ൻ പൊ​ലീ​സ് ഇ​ട​പെ​ട്ടു. ദു​ബൈ എ​ക്സ്​​പോ സി​റ്റി​യി​ലെ അ​ൽ​വാ​സ​ൽ ഡോ​മി​ൽ കൂ​റ്റ​ൻ ക്രി​സ്മ​സ്​ ട്രീ ​ഒ​രു​ക്കി​യി​രു​ന്നു. ഡോ​മി​നു​ള്ളി​ൽ വി​വി​ധ ആ​ഘോ​ഷ​ങ്ങ​ളും സം​ഘ​ടി​പ്പി​ച്ചു.

ഗ്ലോ​ബ​ൽ വി​ല്ലേ​ജി​ലും സ​ഫാ​രി പാ​ർ​ക്കി​ലും ദു​ബൈ ഗാ​ർ​ഡ​നി​ലും അ​ബൂ​ദ​ബി യാ​സ്​ ഐ​ല​ൻ​ഡി​ലും ഷാ​ർ​ജ അ​ൽ മ​ജാ​സി​ലും മ​റ്റ്​ എ​മി​റേ​റ്റു​ക​ളി​ലെ പാ​ർ​ക്കു​ക​ളി​ലു​മെ​ല്ലാം പ്ര​വാ​സി സ​ന്ദ​ർ​ശ​ക​ർ എ​ത്തി. എ​മി​റേ​റ്റു​ക​ൾ ക​ട​ന്ന്​ കു​ടും​ബ​ങ്ങ​ൾ ഒ​ത്തു​ചേ​ർ​ന്നു. വി​വി​ധ കൂ​ട്ടാ​യ്മ​ക​ളു​ടെ നേ​തൃ​ത്വ​ത്തി​ൽ പ​രി​പാ​ടി​ക​ൾ സം​ഘ​ടി​പ്പി​ച്ചു. വാ​രാ​ന്ത്യ​മാ​യ​തി​നാ​ൽ ചി​ല​ർ ദീ​ർ​ഘ​ദൂ​ര യാ​ത്ര​ക​ളും ന​ട​ത്തി. ഞാ​യ​റാ​ഴ്ച വാ​രാ​ന്ത്യ അ​വ​ധി​യാ​യി ​പ്ര​ഖ്യാ​പി​ച്ച​ശേ​ഷം എ​ത്തു​ന്ന ആ​ദ്യ​ത്തെ ക്രി​സ്മ​സെ​ന്ന പ്ര​ത്യേ​ക​ത​യു​മു​ണ്ട്.

വേ​ന​ൽ​ക്കാ​ല അ​വ​ധി​യാ​യ​തി​നാ​ൽ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും നാ​ട്ടി​ലേ​ക്ക്​ പോ​​യെ​ങ്കി​ലും ന​ല്ലൊ​രു ശ​ത​മാ​നം പ്ര​വാ​സി​ക​ളു​ടെ​യും ക്രി​സ്മ​സ്​ ആ​ഘോ​ഷം യു.​എ.​ഇ​യി​ൽ​ത​ന്നെ​യാ​ണ് ആ​ഘോ​ഷി​ച്ച​ത്​.