എക്​​ൈസസ്​ നികുതി രജിസ്​ട്രേഷൻ ഞായറാഴ്​ച മുതൽ

ദുബൈ:ഒക്​ടോബർ ഒന്നിന്​ രാജ്യവ്യാപകമായി എക്​സൈസ്​ നികുതി നടപ്പാക്കുന്നതി​​െൻറ ഭാഗമായി രജിസ്​ട്രേഷൻ നടപടികൾക്ക്​ 17ന്​ ഞായറാഴ്​ച തുടക്കമാകും. യു.എ.ഇയിൽ നികുതി നിയമം നടപ്പാക്കാനും നികുതി ഇൗടാക്കാനും ചുമതലയുള്ള ഫെഡറൽ നികുതി അതോറിറ്റി (എഫ്​.ടി.എ)യാണ്​ ഇൗ വിവരം വ്യാഴാഴ്​ച അറിയിച്ചത്​.
അന്താരാഷ്​ട്ര നിലവാരത്തിൽ തയാറാക്കിയ എഫ്​.ടി.എ വെബ്​സൈറ്റിലാണ്​ രജിസ്​റ്റർ ചെയ്യേണ്ടത്​. ദിവസവും 24 മണിക്കൂറും ഇതുവഴി രജിസ്​ട്രേഷൻ നടത്താം. 
നികുതി നടപടിക്രമങ്ങളും നിയമങ്ങളും പാലിക്കുന്നതിലെ ആദ്യ നടപടിയാണ്​ രജിസ്​ട്രേഷനെന്ന്​ എഫ്​.ടി.എ ഡയറക്​ടർ ജനറൽ ഖാലിദ്​ അൽ ബുസ്​താനി പറഞ്ഞു. അടുത്ത ജനുവരിയിൽ നടപ്പിൽ വരുന്ന മൂല്യവർധിത നികുതി (വാറ്റ്​)ക്കും രജിസ്​േ​ട്രഷൻ നിർബന്ധമാണ്​.
ജി.സി.സിയിൽ എക്സൈസ്​ നികുതി നടപ്പാക്കുന്ന രണ്ടാമത്തെ രാജ്യമാണ്​ യു.എ.ഇ. 2017 ജൂണിൽ ഇതേ നിരക്കിൽ സൗദി അറേബ്യ എക്​സൈസ്​ നികുതി നടപ്പാക്കിയിരുന്നു. നികുതി സംബന്ധമായ കൂടുതൽ വിവരങ്ങൾക്ക്​ www.tax.gov.ae വെബ്​സൈറ്റ്​ സന്ദർശിക്കുക.
നികുതി ഏതെല്ലാം 
ഉത്​പന്നങ്ങൾക്ക്​
പുകയില, ഉൗർജ പാനീയങ്ങൾ, കോള ഉൾപ്പെടെയുള്ള മറ്റു ലഘുപാനീയങ്ങൾ എന്നിവക്ക്​ നികുതി ചുമത്തുന്ന ഫെഡറൽ എക്​സൈസ്​ നിയമം കഴിഞ്ഞ മാസമാണ്​​ പ്രസിദ്ധീകരിച്ചത്​. ഒക്​ടോബർ ഒന്നു മുതൽ പുകയില ഉൽപന്നങ്ങൾക്കും  ഉൗർജ പാനീയങ്ങൾക്കും100 ശതമാനം, മറ്റു ലഘു പാനീയങ്ങൾക്കും രുചി ചേർത്ത സോഡകൾക്കും 50 ശതമാനം എന്നിങ്ങനെ​ നികുതി ഇൗടാക്കും. സാദാ സോഡക്കും ലഘു പാനീയമാക്കി മാറ്റാവുന്ന ജെല്ലുകൾക്കും  സത്തുകൾക്കും നികുതി ബാധകമല്ല. ഉൗർജ പാനീയങ്ങളിൽ  മാനസികമോ ശാരീരികമോ ആയ ഉത്തേജനം പകരുന്നവ ഉൾപ്പെടും.

ആരാണ്​ നികുതി അടക്കേണ്ടത്​
നികുതി ബാധകമായ ഉത്​പന്നങ്ങൾ നിർമിക്കുന്നതോ ഇറക്കുമതി ചെയ്യുന്നതോ ആയ സ്​ഥാപനങ്ങ​ളും വ്യക്​തികളുമാണ്​ നികുതി നൽകേണ്ടത്​. ഇതിനകം നികുതി അടക്കാത്ത ഉത്​പന്നങ്ങൾ സൂക്ഷിക്കുന്ന വ്യക്​തികളും സ്​ഥാപനങ്ങളും നികുതി അടക്കാൻ ബാധ്യസ്​ഥരാണ്​.  നികുതിയടക്കാതെ വെയർഹൗസുകളിൽ സൂക്ഷിച്ച ഉത്​പന്നമാണെങ്കിൽ  വെയർഹൗസ്​ സൂക്ഷിപ്പുകാരനാണ്​ നികുതിയടക്കേണ്ടത്​.

നികുതി അടക്കുന്നവരുടെ ബാധ്യതകൾ
2017ലെ ഏഴാം നമ്പർ ഫെഡറൽ നിയമത്തിൽ നികുതി ബാധ്യതയുള്ളവരുടെ ഉത്തരവാദിത്തങ്ങൾ വിശദീകരിച്ചിട്ടുണ്ട്​. 
ഇതിൽ ​പ്രധാനം ഉത്​പാദനത്തി​​െൻറയും ഇറക്കുമതി ചെയ്​തതി​​െൻറയും മുഴുവൻ രേഖകളും സൂക്ഷിക്കുകയും എല്ലാ മാസവും എഫ്​.ടി.എക്ക്​ റി​േട്ടൺ സമർപ്പിക്കുകയും വേണമെന്നതാണ്​. എല്ലാ മാസത്തെയും നികുതികൾ 15 ദിവസത്തിനകം സെറ്റിൽ ചെയ്​തിരിക്കണം. ഇറക്കുമതി ഉത്​പന്നങ്ങൾക്കുള്ള എക്​സൈസ്​ നികുതി ഇറക്കുമതി റിപ്പോർട്ടിൽ വെളിപ്പെടുത്തണം.
ഇറക്കുമതിക്കാർ ചെയ്യേണ്ടത്​
എഫ്​.ടി.എയിൽ രജിസ്​റ്റർ ചെയ്​ത ഇറക്കുമതിക്കാർ എക്​സൈസ്​ നികുതി ബാധകമായ ഉത്​പന്നങ്ങളുടെ ഇറക്കുമതി അതാത്​ എമിറേറ്റുകളിലെ കസ്​റ്റംസിൽ അറിയിക്കണം. ഉത്​പന്നങ്ങൾ വിൽപ്പനക്ക്​ എത്തും മുമ്പാണ്​ ഇത്​ ​ചെയ്യേണ്ടത്​. പിന്നീട്​ നികുതി റി​േട്ടണിൽ ഇത്​ ഒരിക്കൽ കൂടി അറിയിക്കണം. ഇറക്കുമതി നടന്ന മാസം കഴിഞ്ഞ്​ 15 ദിവസത്തിനകം നികുതി അടച്ചുതീർക്കണം.
എഫ്​.ടി.എയിൽ രജിസ്​റ്റർ ചെയ്യാത്ത ഇറക്കുമതിക്കാരാണെങ്കിൽ കസ്​റ്റംസ്​ വകുപ്പിനു മുമ്പാകെ വിവരം വെളിപ്പെടുത്തുകയു നികുതി അടക്കുകയും വേണം. വെബ്​സൈറ്റ്​ വഴിയാണ്​ വെളിപ്പെടുത്തലും നികുതിയടക്കൽ നടപടിക്രമങ്ങളും ചെയ്യേണ്ടത്​.
ഇൗ മാസം ചെയ്യേണ്ടത്​
എക്​സൈസ്​ നികുതിയുള്ള ഉത്​പന്നങ്ങൾ കൈകാര്യം ചെയ്യുന്ന വ്യക്​തികളും സ്​ഥാപനങ്ങളും  എഫ്​.ടി.എയിൽ തങ്ങൾ രജിസ്​റ്റർ ചെയ്യേണ്ടതുണ്ടോ വേണ്ടയോ എന്ന്​ ആദ്യം തീരുമാനിക്കണം.  എക്​സൈസ്​ നികുതി ഉത്​പന്നങ്ങൾ സംബന്ധിച്ച വിവരങ്ങൾ സെപ്​റ്റംബർ 30നകം തയാറാക്കുകയും വെളിപ്പെടുത്തുകയും വേണം. ഇൗ സ്​റ്റോക്ക്​ അംഗീകൃത ഒാഡിറ്റർമാർ ഒാഡിറ്റ്​ ചെയ്യുകയും അംഗീകരിക്കുകയും വേണം. നികുതി ബാധ്യതയുള്ള വ്യക്​തികൾ നികുതി നിയമവും  നടപടി​ക്രമവും ത​​െൻറ അവകാശങ്ങളും ഉത്തരവാദിത്തങ്ങളും അറിഞ്ഞിരിക്കണം.
സ്​റ്റോക്ക്​ പരിശോധിക്കുക
എക്​സൈസ്​ നികുതി ബാധകമായ ഉത്​പന്നങ്ങൾ അധികമായി ഒക്​ടോബർ ഒന്നിന്​​ കൈവശമുള്ള കച്ചവടക്കാർ  എഫ്​.ടി.എയിൽ രജിസ്​റ്റർ ചെയ്യുകയും  നികുതി അടക്കുകയും വേണം. 
2017 സെപ്​റ്റംബർവരെയുള്ള അവസാന  12 മാസക്കാലത്തെ അടിസ്ഥാനമാക്കി ശരാശരി മാസ വിൽപ്പന കണക്കാക്കി അതിൽ രണ്ടുമാസത്തിൽ കൂടുതൽ  അളവിൽ സ്​റ്റോക്ക്​ ഉണ്ടെങ്കിലാണ്​ നികുതി അട​േക്കണ്ടിവരിക. 
ഇത്രയധികം സ്​റ്റോക്ക്​ വരുന്നില്ലെങ്കിൽ നികുതിക്കായി രജിസ്​റ്റർ ചെയ്യേണ്ടതില്ല.