രക്​തദാന ബസ്​ തയ്യാർ

ദുബൈ: സന്നദ്ധസേവകർക്ക്​ കൂടുതൽ സൗകര്യം നൽകാൻ ദുബൈ ആരോഗ്യ അതോറിറ്റി (ഡി.എച്ച്​.എ)യുടെ രക്​തദാന ബസ്​.  ഒരു രക്​തബാങ്കിലെ സൗകര്യങ്ങളെല്ലാം ഒരുക്കിയ ബസ്​ വഴി ദിനംപ്രതി  70-80 രക്​ത യൂനിറ്റുകൾ ശേഖരിക്കാം.  ദാന കാമ്പയിനുകളിൽ ശേഖരിക്കുന്ന  രക്​ത യൂനിറ്റുകൾ കാലതാമസമില്ലാതെ ഡി.എച്ച്​.എയുടെ കേന്ദ്ര രക്​തബാങ്കിലെത്തിക്കാൻ ഇതു വഴി കഴിയും.  തലാസീമിയ രോഗികൾ ഉൾപ്പെടെ രക്​തം ആവശ്യമുള്ളവർക്കെല്ലാം ഇതു പ്രയോ​ജനം ചെയ്യുമെന്ന്​ ദുബൈ ബ്ലഡ്​ ​ഡൊണേഷൻ സ​​െൻറർ ഡയറക്​ടർ ഡോ. മേ റഉൗഫ്​ പറഞ്ഞു. ദുബൈയിലെ 40 സർക്കാർ^സ്വകാര്യ ആശു​പത്രികൾക്ക്​ രക്​തമെത്തിക്കുന്ന ​െസൻറർ കഴിഞ്ഞ വർഷം അര ലക്ഷം യൂനിറ്റ്​ രക്​തമാണ്​ ശേഖരിച്ചത്​. 

സമൂഹത്തി​​​െൻറ എല്ലാ മേഖലയിലുമുള്ളവരിൽ രക്​തദാന സന്ദേശവും സൗകര്യവുമെത്തിക്കാൻ ഇൗ ഉദ്യമം സഹായകമാകുമെന്ന്​ ഡി.എച്ച്​. എ ചെയർമാൻ ഹുമൈദ്​ ഖതാമി പറഞ്ഞു.  17.9 ലക്ഷം ദിർഹം വിലയുള്ള സംവിധാനം ദുബൈ പോർട്ട്​ വേൾഡാണ്​ സംഭാവന ചെയ്​തത്​. ഡി.പി.വേൾഡ്​ ചെയർമാൻ സുൽതാൻ അഹ്​മദ്​ ബിൻ സുലായേം ബസിലെ യൂനിറ്റിൽ രക്​തദാനവും നിർവഹിച്ചു.  ലതീഫാ ​ആശുപത്രിക്ക്​ സമീപമാണ്​ ബസ്​ ഉണ്ടാവുക. രക്​തദാനത്തിൽ താൽപര്യമുള്ളവർ 04 2193221 എന്ന നമ്പറിലോ ഡി.എച്ച്​.എയുടെ 800 342 എന്ന ടോൾ​ഫ്രീ നമ്പറിലോ ബന്ധപ്പെടണം.