മാട്ടൂൽ കെ.എം.സി.സി 61 ഇന്ത്യൻ  നഴ്​സുമാരെ ആദരിച്ചു

അബൂദബി: കേരളപ്പിറവി ദിനാഘോഷത്തി​​െൻറ ഭാഗമായി 61 ഇന്ത്യൻ നഴ്​സുമാരെ മാട്ടൂൽ കെ.എം.സി.സി ആദരിച്ചു.     യു.എ.ഇയിൽ 20 വർഷമെങ്കിലും സർക്കാർ^സ്വകാര്യ ആശുപത്രികളിൽ സേവനം അനുഷ്​ടിച്ച നഴ്​സുമാരെയാണ്​ ‘ഗ്രാമോത്സവ് 2017’ പരിപാടിയിൽ ആദരിച്ചത്​. മജീഷ്യൻ പ്രഫ. ഗോപിനാഥ് മുതുകാട്, ഇന്ത്യൻ എംബസി ഫസ്​റ്റ്​ സെക്രട്ടറി കപിൽ രാജ് എന്നിവർ നഴ്​സ​ുമാർക്കുളള ഉപഹാരവും സർട്ടിഫിക്കറ്റും വിതരണം ചെയ്തു. 
അബൂദബി കെ.എം.സി.സി സംസ്​ഥാന പ്രസിഡൻറ്​ നസീർ ബി. മാട്ടൂൽ അധ്യക്ഷത വഹിച്ചു. പരിപാടിയിൽ   കേരള കാഴ്​ചകൾക്ക് പുറമെ വിനോദ^വിജ്ഞാന മത്സരങ്ങളും ഉണ്ടായിരുന്നു.വി.പി.എസ് ഹെൽത്ത് കെയർ റീജനൽ ഡയറക്​ടർ സഫീർ അഹമ്മദ്, അഹല്യ ഹോസ്​പിറ്റലിൽ ഗ്രൂപ്പ് സീനിയർ ഓപറേഷൻസ്​ മാനേജർ സൂരജ് പ്രഭാകർ, അൽ മസ്ഹർ ഗ്രൂപ്പ് മാനേജിങ്​ ഡയറക്​ടർ എ.കെ. മസ്ഹൂദ്, അബൂദബി മാട്ടൂൽ കെ.എം.സി.സി പ്രസിഡൻറ്​ സി.എച്ച്​. യൂസുഫ്, ജനറൽ സെക്രട്ടറി കെ.കെ. മുഹമ്മദ് അഷ്റഫ് എന്നിവർ സംസാരിച്ചു. ഒ.വി. ശാദുലി  സ്വാഗതവും സി.എം.കെ. മുസതഫ നന്ദിയും പറഞ്ഞു.