ചിരന്തന - യു.എ.ഇ എക്സ്ചേഞ്ച്​ സാഹിത്യ  പുരസ്കാരങ്ങൾ വിതരണം ചെയ്തു 

ദുബൈ: സാഹിത്യ പുരസ്കാരങ്ങൾ തലയിൽ വെച്ച് നടക്കാനുള്ളതല്ലെന്ന് പ്രമുഖ നാടകകൃത്തും സംവിധായകനുമായ  ഇബ്രാഹിം വെങ്ങര .ചിരന്തന -സാസ്​കാരിക വേദി^യു.എ.ഇ എക്സ്ചേഞ്ച്​ സാഹിത്യ പുരസ്‌കാര വിതരണ ചടങ്ങിൽ സംസാരിക്കുകയായിരുന്നു അദ്ദേഹം .എഴുത്തുകാരന് അംഗീകാരങ്ങളും പുരസ്കാരങ്ങളും പ്രചോദനമാണ്.എന്നുവെച്ച് അത് തലയിൽ കൊണ്ട് നടക്കരുത് .ഈ തിരിച്ചറിവ് കെ.ടി.മുഹമ്മദിനെ പോലുള്ള പ്രതിഭകൾക്ക് ഉണ്ടായിരുന്നു.താൻ എഴുത്തിനുള്ള അസംസ്കൃത വസ്തുക്കൾ കണ്ടെത്തിയത് സ്വന്തം ജീവിതാനുഭവത്തിൽ നിന്നാണെന്ന്​ ഗ്രീൻ റൂം എന്ന ആത്മകഥക്ക്​ സാഹിത്യ അക്കാദമി പുരസ്കാരം നേടിയ ഇബ്രാഹിം വെങ്ങര പറഞ്ഞു. ഇയാദ് ജുമാ അൽ കിന്ദി ചടങ്ങ്​ ഉദ്ഘാടനം  ചെയ്തു.

ചിരന്തന പ്രസിഡന്റ് പുന്നക്കൻ മുഹമ്മദലി അധ്യക്ഷത വഹിച്ചു .യു എ ഇ എക്സ്ചേഞ്ച്​ മീഡിയ റിലേഷൻ മാനേജർ കെ.കെ. മൊയ്‌തീൻ കോയ മുഖ്യപ്രഭാഷണം നടത്തി .ഇബ്രാഹിം വെങ്ങര, കെ എം അബ്ബാസ് ,മോഹൻ വടയാർ ,സത്യൻ മാടാക്കര ,പി മണികണ്ഠൻ, മുജീബ് എടവണ്ണ, കബീർ യുസഫ്, അബ്​ദു ശിവപുരം  എന്നിവർ പുരസ്കാരങ്ങൾ ഏറ്റുവാങ്ങി.പി.പി. ശശീന്ദ്രൻ, വി.എം.സതീഷ് ,ജമാൽ കൈരളി , ,ടി.പി.മഹ്‌മൂദ്‌ ഹാജി ,ഷീലാപോൾ ,ബോസ് ഖാദർ ,അഡ്വ ടി.കെ.ഹാഷിഖ്,ജാക്കി റഹ്‍മാൻ ,ഷാജി ഖാൻ  എന്നിവർ സംസാരിച്ചു. ടി.പി.അശ്‌റഫ് സ്വാഗതവും ടി.പി. അബ്ബാസ് ഹാജി നന്ദിയും പറഞ്ഞു