രക്​തസാക്ഷികൾക്ക്​ പ്രണാമം; വ്യാഴം വരെ ഇത്തിസലാത്തും ഡുവും ‘30 നവംബർ’

അബൂദബി: സ്​മാരകദിനം പ്രമാണിച്ച്​ മൊബൈൽ സേവന കമ്പനികളായ ഇത്തിസലാത്തിനും ഡുവിനും താൽക്കാലിക പേര്​ മാറ്റം. ‘30 നവംബർ’ എന്ന പേരാണ്​ ഇരു കമ്പനികളും സ്വീകരിച്ചിരിക്കുന്നത്​. വ്യാഴാഴ്​ച വരെ ഇൗ പേരുമാറ്റം നിലനിൽക്കും. ഇരു കമ്പനികളുടെയും സിം ഉപയോഗിക്കുന്നവരുടെ ഫോണുകളിലൊക്കെ ‘30 നവംബർ’ എന്നാണ്​ ഇൗ ദിവസങ്ങളിൽ കാണിക്കുക. രക്​തസാക്ഷി ദിനാചരണത്തി​​െൻറ ഭാഗമായി നെറ്റ്​വർക്​ പേര്​ ‘30 നവംബർ’ എന്നാക്കുന്നതിൽ വളരെയേറെ അഭിമാനമുണ്ടെന്ന്​ ഇത്തിസലാത്ത്​ ചൊവ്വാഴ്​ച ട്വീറ്റ്​ ചെയ്​തു. സെപ്​റ്റംബറിലും ഇരു കമ്പനികളും സമാന നടപടി കൈക്കൊണ്ടിരുന്നു. സൗദി അറേബ്യയുടെ ദേശീയ ദിനത്തിന്​ ‘യു.എ.ഇ^കെ.എസ്​.എ ടുഗെതർ’ എന്നായിരുന്നു നെറ്റ്​വർക്​ നാമമായി കാണിച്ചിരുന്നത്​.